Job:32-37
vul@Job:32:1 @ omiserunt autem tres viri isti respondere Iob eo quod iustus sibi videretur
vul@Job:32:2 @ et iratus indignatusque Heliu filius Barachel Buzites de cognatione Ram iratus est autem adversus Iob eo quod iustum se esse diceret coram Deo
vul@Job:32:3 @ porro adversum amicos eius indignatus est eo quod non invenissent responsionem rationabilem sed tantummodo condemnassent Iob
vul@Job:32:4 @ igitur Heliu expectavit Iob loquentem eo quod seniores se essent qui loquebantur
vul@Job:32:5 @ cum autem vidisset quod tres respondere non potuissent iratus est vehementer
vul@Job:32:6 @ respondensque Heliu filius Barachel Buzites dixit iunior sum tempore vos autem antiquiores idcirco dimisso capite veritus sum indicare vobis meam sententiam
vul@Job:32:7 @ sperabam enim quod aetas prolixior loqueretur et annorum multitudo doceret sapientiam
vul@Job:32:8 @ sed ut video spiritus est in hominibus et inspiratio Omnipotentis dat intellegentiam
vul@Job:32:9 @ non sunt longevi sapientes nec senes intellegunt iudicium
vul@Job:32:10 @ ideo dicam audite me ostendam vobis etiam ego meam scientiam
vul@Job:32:11 @ expectavi enim sermones vestros audivi prudentiam vestram donec disceptaremini sermonibus
vul@Job:32:12 @ et donec putabam vos aliquid dicere considerabam sed ut video non est qui arguere possit Iob et respondere ex vobis sermonibus eius
vul@Job:32:13 @ ne forte dicatis invenimus sapientiam Deus proiecit eum non homo
vul@Job:32:14 @ nihil locutus est mihi et ego non secundum vestros sermones respondebo illi
vul@Job:32:15 @ extimuerunt non responderunt ultra abstuleruntque a se eloquia
vul@Job:32:16 @ quoniam igitur expectavi et non sunt locuti steterunt nec responderunt ultra
vul@Job:32:17 @ respondebo et ego partem meam et ostendam scientiam meam
vul@Job:32:18 @ plenus sum enim sermonibus et coartat me spiritus uteri mei
vul@Job:32:19 @ en venter meus quasi mustum absque spiraculo quod lagunculas novas disrumpit
vul@Job:32:20 @ loquar et respirabo paululum aperiam labia mea et respondebo
vul@Job:32:21 @ non accipiam personam viri et Deum homini non aequabo
vul@Job:32:22 @ nescio enim quamdiu subsistam et si post modicum tollat me factor meus
vul@Job:33:1 @ audi igitur Iob eloquia mea et omnes sermones meos ausculta
vul@Job:33:2 @ ecce aperui os meum loquatur lingua mea in faucibus meis
vul@Job:33:3 @ simplici corde meo sermones mei et sententiam labia mea puram loquentur
vul@Job:33:4 @ spiritus Dei fecit me et spiraculum Omnipotentis vivificavit me
vul@Job:33:5 @ si potes responde mihi et adversus faciem meam consiste
vul@Job:33:6 @ ecce et me sicut et te fecit Deus et de eodem luto ego quoque formatus sum
vul@Job:33:7 @ verumtamen miraculum meum non te terreat et eloquentia mea non sit tibi gravis
vul@Job:33:8 @ dixisti ergo in auribus meis et vocem verborum audivi
vul@Job:33:9 @ mundus sum ego absque delicto inmaculatus et non est iniquitas in me
vul@Job:33:10 @ quia querellas in me repperit ideo arbitratus est me inimicum sibi
vul@Job:33:11 @ posuit in nervo pedes meos custodivit omnes semitas meas
vul@Job:33:12 @ hoc est ergo in quo non es iustificatus respondebo tibi quia maior sit Deus homine
vul@Job:33:13 @ adversum eum contendis quod non ad omnia verba responderit tibi
vul@Job:33:14 @ semel loquitur Deus et secundo id ipsum non repetit
vul@Job:33:15 @ per somnium in visione nocturna quando inruit sopor super homines et dormiunt in lectulo
vul@Job:33:16 @ tunc aperit aures virorum et erudiens eos instruit disciplinam
vul@Job:33:17 @ ut avertat hominem ab his quae facit et liberet eum de superbia
vul@Job:33:18 @ eruens animam eius a corruptione et vitam illius ut non transeat in gladium
vul@Job:33:19 @ increpat quoque per dolorem in lectulo et omnia ossa eius marcescere facit
vul@Job:33:20 @ abominabilis ei fit in vita sua panis et animae illius cibus ante desiderabilis
vul@Job:33:21 @ tabescet caro eius et ossa quae tecta fuerant nudabuntur
vul@Job:33:22 @ adpropinquabit corruptioni anima eius et vita illius mortiferis
vul@Job:33:23 @ si fuerit pro eo angelus loquens unum de milibus ut adnuntiet hominis aequitatem
vul@Job:33:24 @ miserebitur eius et dicet libera eum et non descendat in corruptionem inveni in quo ei propitier
vul@Job:33:25 @ consumpta est caro eius a suppliciis revertatur ad dies adulescentiae suae
vul@Job:33:26 @ deprecabitur Deum et placabilis ei erit et videbit faciem eius in iubilo et reddet homini iustitiam suam
vul@Job:33:27 @ respiciet homines et dicet peccavi et vere deliqui et ut eram dignus non recepi
vul@Job:33:28 @ liberavit animam suam ne pergeret in interitum sed vivens lucem videret
vul@Job:33:29 @ ecce haec omnia operatur Deus tribus vicibus per singulos
vul@Job:33:30 @ ut revocet animas eorum a corruptione et inluminet luce viventium
vul@Job:33:31 @ adtende Iob et audi me et tace dum ego loquar
vul@Job:33:32 @ si autem habes quod loquaris responde mihi loquere volo enim te apparere iustum
vul@Job:33:33 @ quod si non habes audi me tace et docebo te sapientiam
vul@Job:34:1 @ pronuntians itaque Heliu etiam haec locutus est
vul@Job:34:2 @ audite sapientes verba mea et eruditi auscultate me
vul@Job:34:3 @ auris enim verba probat et guttur escas gustu diiudicat
vul@Job:34:4 @ iudicium eligamus nobis et inter nos videamus quid sit melius
vul@Job:34:5 @ quia dixit Iob iustus sum et Deus subvertit iudicium meum
vul@Job:34:6 @ in iudicando enim me mendacium est violenta sagitta mea absque ullo peccato
vul@Job:34:7 @ quis est vir ut est Iob qui bibit subsannationem quasi aquam
vul@Job:34:8 @ qui graditur cum operantibus iniquitatem et ambulat cum viris impiis
vul@Job:34:9 @ dixit enim non placebit vir Deo etiam si cucurrerit cum eo
vul@Job:34:10 @ ideo viri cordati audite me absit a Deo impietas et ab Omnipotente iniquitas
vul@Job:34:11 @ opus enim hominis reddet ei et iuxta vias singulorum restituet
vul@Job:34:12 @ vere enim Deus non condemnabit frustra nec Omnipotens subvertet iudicium
vul@Job:34:13 @ quem constituit alium super terram aut quem posuit super orbem quem fabricatus est
vul@Job:34:14 @ si direxerit ad eum cor suum spiritum illius et flatum ad se trahet
vul@Job:34:15 @ deficiet omnis caro simul et homo in cinerem revertetur
vul@Job:34:16 @ si habes ergo intellectum audi quod dicitur et ausculta vocem eloquii mei
vul@Job:34:17 @ numquid qui non amat iudicium sanare potest et quomodo tu eum qui iustus est in tantum condemnas
vul@Job:34:18 @ qui dicit regi apostata qui vocat duces impios
vul@Job:34:19 @ qui non accipit personas principum nec cognovit tyrannum cum disceptaret contra pauperem opus enim manuum eius sunt universi
vul@Job:34:20 @ subito morientur et in media nocte turbabuntur populi et pertransibunt et auferent violentum absque manu
vul@Job:34:21 @ oculi enim eius super vias hominum et omnes gressus eorum considerat
vul@Job:34:22 @ non sunt tenebrae et non est umbra mortis ut abscondantur ibi qui operantur iniquitatem
vul@Job:34:23 @ neque enim ultra in hominis potestate est ut veniat ad Deum in iudicium
vul@Job:34:24 @ conteret multos innumerabiles et stare faciet alios pro eis
vul@Job:34:25 @ novit enim opera eorum et idcirco inducet noctem et conterentur
vul@Job:34:26 @ quasi impios percussit eos in loco videntium
vul@Job:34:27 @ qui quasi de industria recesserunt ab eo et omnes vias eius intellegere noluerunt
vul@Job:34:28 @ ut pervenire facerent ad eum clamorem egeni et audiret vocem pauperum
vul@Job:34:29 @ ipso enim concedente pacem quis est qui condemnet ex quo absconderit vultum quis est qui contempletur eum et super gentem et super omnes homines
vul@Job:34:30 @ qui regnare facit hominem hypocritam propter peccata populi
vul@Job:34:31 @ quia ergo ego locutus sum ad Deum te quoque non prohibeo
vul@Job:34:32 @ si erravi tu doce me si iniquitatem locutus sum ultra non addam
vul@Job:34:33 @ numquid a te Deus expetit eam quia displicuit tibi tu enim coepisti loqui et non ego quod si quid nosti melius loquere
vul@Job:34:34 @ viri intellegentes loquantur mihi et vir sapiens audiat me
vul@Job:34:35 @ Iob autem stulte locutus est et verba illius non sonant disciplinam
vul@Job:34:36 @ pater mi probetur Iob usque ad finem ne desinas in hominibus iniquitatis
vul@Job:34:37 @ quia addit super peccata sua blasphemiam inter nos interim constringatur et tunc ad iudicium provocet sermonibus suis Deum
vul@Job:35:1 @ igitur Heliu haec rursum locutus est
vul@Job:35:2 @ numquid aequa tibi videtur tua cogitatio ut diceres iustior Deo sum
vul@Job:35:3 @ dixisti enim non tibi placet quod rectum est vel quid tibi proderit si ego peccavero
vul@Job:35:4 @ itaque ego respondebo sermonibus tuis et amicis tuis tecum
vul@Job:35:5 @ suspice caelum et intuere et contemplare aethera quod altior te sit
vul@Job:35:6 @ si peccaveris quid ei nocebis et si multiplicatae fuerint iniquitates tuae quid facies contra eum
vul@Job:35:7 @ porro si iuste egeris quid donabis ei aut quid de manu tua accipiet
vul@Job:35:8 @ homini qui similis tui est nocebit impietas tua et filium hominis adiuvabit iustitia tua
vul@Job:35:9 @ propter multitudinem calumniatorum clamabunt et heiulabunt propter vim brachii tyrannorum
vul@Job:35:10 @ et non dixit ubi est Deus qui fecit me qui dedit carmina in nocte
vul@Job:35:11 @ qui docet nos super iumenta terrae et super volucres caeli erudit nos
vul@Job:35:12 @ ibi clamabunt et non exaudiet propter superbiam malorum
vul@Job:35:13 @ non ergo frustra audiet Deus et Omnipotens singulorum causas intuebitur
vul@Job:35:14 @ etiam cum dixeris non considerat iudicare coram eo et expecta eum
vul@Job:35:15 @ nunc enim non infert furorem suum nec ulciscitur scelus valde
vul@Job:35:16 @ ergo Iob frustra aperit os suum et absque scientia verba multiplicat
vul@Job:36:1 @ addens quoque Heliu haec locutus est
vul@Job:36:2 @ sustine me paululum et indicabo tibi adhuc enim habeo quod pro Deo loquar
vul@Job:36:3 @ repetam scientiam meam a principio et operatorem meum probabo iustum
vul@Job:36:4 @ vere enim absque mendacio sermones mei et perfecta scientia probabitur tibi
vul@Job:36:5 @ Deus potentes non abicit cum et ipse sit potens
vul@Job:36:6 @ sed non salvat impios et iudicium pauperibus tribuit
vul@Job:36:7 @ non aufert a iusto oculos suos et reges in solio conlocat in perpetuum et illi eriguntur
vul@Job:36:8 @ et si fuerint in catenis et vinciantur funibus paupertatis
vul@Job:36:9 @ indicabit eis opera eorum et scelera eorum quia violenti fuerint
vul@Job:36:10 @ revelabit quoque aurem eorum ut corripiat et loquetur ut revertantur ab iniquitate
vul@Job:36:11 @ si audierint et observaverint conplebunt dies suos in bono et annos suos in gloria
vul@Job:36:12 @ si autem non audierint transibunt per gladium et consumentur in stultitia
vul@Job:36:13 @ simulatores et callidi provocant iram Dei neque clamabunt cum vincti fuerint
vul@Job:36:14 @ morietur in tempestate anima eorum et vita eorum inter effeminatos
vul@Job:36:15 @ eripiet pauperem de angustia sua et revelabit in tribulatione aurem eius
vul@Job:36:16 @ igitur salvabit te de ore angusto latissime et non habentis fundamentum subter se requies autem mensae tuae erit plena pinguedine
vul@Job:36:17 @ causa tua quasi impii iudicata est causam iudiciumque recipies
vul@Job:36:18 @ non te ergo superet ira ut aliquem opprimas nec multitudo donorum inclinet te
vul@Job:36:19 @ depone magnitudinem tuam absque tribulatione et omnes robustos fortitudine
vul@Job:36:20 @ ne protrahas noctem ut ascendant populi pro eis
vul@Job:36:21 @ cave ne declines ad iniquitatem hanc enim coepisti sequi post miseriam
vul@Job:36:22 @ ecce Deus excelsus in fortitudine sua et nullus ei similis in legislatoribus
vul@Job:36:23 @ quis poterit scrutari vias eius aut quis ei dicere operatus es iniquitatem
vul@Job:36:24 @ memento quod ignores opus eius de quo cecinerunt viri
vul@Job:36:25 @ omnes homines vident eum unusquisque intuetur procul
vul@Job:36:26 @ ecce Deus magnus vincens scientiam nostram numerus annorum eius inaestimabilis
vul@Job:36:27 @ qui aufert stillas pluviae et effundit imbres ad instar gurgitum
vul@Job:36:28 @ qui de nubibus fluunt quae praetexunt cuncta desuper
vul@Job:36:29 @ si voluerit extendere nubes quasi tentorium suum
vul@Job:36:30 @ et fulgurare lumine suo desuper cardines quoque maris operiet
vul@Job:36:31 @ per haec enim iudicat populos et dat escas multis mortalibus
vul@Job:36:32 @ in manibus abscondit lucem et praecipit ei ut rursus adveniat
vul@Job:36:33 @ adnuntiat de ea amico suo quod possessio eius sit et ad eam possit ascendere
vul@Job:37:1 @ super hoc expavit cor meum et emotum est de loco suo
vul@Job:37:2 @ audite auditionem in terrore vocis eius et sonum de ore illius procedentem
vul@Job:37:3 @ subter omnes caelos ipse considerat et lumen illius super terminos terrae
vul@Job:37:4 @ post eum rugiet sonitus tonabit voce magnitudinis suae et non investigabitur cum audita fuerit vox eius
vul@Job:37:5 @ tonabit Deus in voce sua mirabiliter qui facit magna et inscrutabilia
vul@Job:37:6 @ qui praecipit nivi ut descendat in terram et hiemis pluviis et imbri fortitudinis suae
vul@Job:37:7 @ qui in manu omnium hominum signat ut noverint singuli opera sua
vul@Job:37:8 @ ingredietur bestia latibulum et in antro suo morabitur
vul@Job:37:9 @ ab interioribus egreditur tempestas et ab Arcturo frigus
vul@Job:37:10 @ flante Deo concrescit gelu et rursum latissimae funduntur aquae
vul@Job:37:11 @ frumentum desiderat nubes et nubes spargunt lumen suum
vul@Job:37:12 @ quae lustrant per circuitum quocumque eas voluntas gubernantis duxerit ad omne quod praeceperit illis super faciem orbis terrarum
vul@Job:37:13 @ sive in una tribu sive in terra sua sive in quocumque loco misericordiae suae eas iusserit inveniri
vul@Job:37:14 @ ausculta haec Iob sta et considera miracula Dei
vul@Job:37:15 @ numquid scis quando praeceperit Deus pluviis ut ostenderent lucem nubium eius
vul@Job:37:16 @ numquid nosti semitas nubium magnas et perfectas scientias
vul@Job:37:17 @ nonne vestimenta tua calida sunt cum perflata fuerit terra austro
vul@Job:37:18 @ tu forsitan cum eo fabricatus es caelos qui solidissimi quasi aere fusi sunt
vul@Job:37:19 @ ostende nobis quid dicamus illi nos quippe involvimur tenebris
vul@Job:37:20 @ quis narrabit ei quae loquor etiam si locutus fuerit homo devorabitur
vul@Job:37:21 @ at nunc non vident lucem subito aer cogitur in nubes et ventus transiens fugabit eas
vul@Job:37:22 @ ab aquilone aurum venit et ad Deum formidolosa laudatio
vul@Job:37:23 @ digne eum invenire non possumus magnus fortitudine et iudicio et iustitia et enarrari non potest
vul@Job:37:24 @ ideo timebunt eum viri et non audebunt contemplari omnes qui sibi videntur esse sapientes
vul@Job:38:1 @ respondens autem Dominus Iob de turbine dixit