Job:35
Seeker Overlay ON
* ¶
Labut pa niini mitubag si Eliu ,
ug miingon :
*
Nagahunahuna ka ba nga kini mao ang katungod ,
moingon ka ba :
Ang akong pagkamatarung labaw pa kay sa Dios ,
*
Nga ikaw nag-ingon man ;
Unsa man ang kapuslanan niana alang kanimo ?:
Unsa man ang akong makapin ,
labaw pa kong ako nakasala ?
*
Tubagon ko ikaw ,
Ug ang imong mga kauban nga kakuyog nimo .
*
Humangad ka sa kalangitan ,
ug tuman-aw ka ;
Ug tan-awa ang mga langit nga labing hataas kay kanimo .
*
Kong ikaw nakasala ,
unsa ang imong mahimo batok kaniya ?
Ug kong modaghan ang imong mga kalapasan ,
unsa ang imong mahimo kaniya ?
*
Kong ikaw matarung ugaling ,
unsa ang ikahatag nimo kaniya ?
Kun unsa ang madawat niya gikan sa imong kamot ?
*
Ang imong pagkamakasasala sa tawo nga sama kanimo ;
Ug ang imong pagkamatarung sa anak sa tawo .
* ¶
Tungod sa gidaghanon sa pagpanlupig sila nanagtu-aw ;
Sila nanagsinggit sa pagpakitabang tungod sa bukton sa makusganon .
*
Apan walay nagaingon :
Hain ba ang Dios nga akong Magbubuhat ,
Nga nagahatag ug mga alawiton sa magabii ,
*
Nga nagatudlo kanato labaw kay sa kamananapan sa yuta ,
Ug naghimo kanato sa labing manggialamon kay sa kalanggaman sa langit ?
*
Didto sila nanagsinggit ,
apan walay nagtubag ,
Tungod sa pagkamapahitas-on sa mga tawong dautan .
*
Sa pagkamatuod ang Dios dili mamati sa mga nga kawang lamang .
* ¶
Ni tagdon kana sa Makagagahum .
Labi na kong mag-ingon ikaw nga dili ka motan-aw kaniya ,
Ang imong husay anaa sa iyang atubangan ,
ug maghulat ka kaniya !
*
Apan karon ,
tungod kay wala man siya magdu-aw sa iyang kapungot ,
Ni magtagad siya pag-ayo sao mga palabilabi .
*
Busa si Job mibuka sa iyang baba sa mga kakawangan ;
Ug siya nagasapnay sa mga pulong sa walay kahibalo .