vul - Job:6-7

vul@Job:6:1 @ respondens autem Iob dixit

vul@Job:6:2 @ utinam adpenderentur peccata mea quibus iram merui et calamitas quam patior in statera

vul@Job:6:3 @ quasi harena maris haec gravior appareret unde et verba mea dolore sunt plena

vul@Job:6:4 @ quia sagittae Domini in me sunt quarum indignatio ebibit spiritum meum et terrores Domini militant contra me

vul@Job:6:5 @ numquid rugiet onager cum habuerit herbam aut mugiet bos cum ante praesepe plenum steterit

vul@Job:6:6 @ aut poterit comedi insulsum quod non est sale conditum aut potest aliquis gustare quod gustatum adfert mortem

vul@Job:6:7 @ quae prius tangere nolebat anima mea nunc prae angustia cibi mei sunt

vul@Job:6:8 @ quis det ut veniat petitio mea et quod expecto tribuat mihi Deus

vul@Job:6:9 @ et qui coepit ipse me conterat solvat manum suam et succidat me

vul@Job:6:10 @ et haec mihi sit consolatio ut adfligens me dolore non parcat nec contradicam sermonibus Sancti

vul@Job:6:11 @ quae est enim fortitudo mea ut sustineam aut quis finis meus ut patienter agam

vul@Job:6:12 @ nec fortitudo lapidum fortitudo mea nec caro mea aerea est

vul@Job:6:13 @ ecce non est auxilium mihi in me et necessarii quoque mei recesserunt a me

vul@Job:6:14 @ qui tollit ab amico suo misericordiam timorem Domini derelinquit

vul@Job:6:15 @ fratres mei praeterierunt me sicut torrens qui raptim transit in convallibus

vul@Job:6:16 @ qui timent pruinam inruet super eos nix

vul@Job:6:17 @ tempore quo fuerint dissipati peribunt et ut incaluerit solventur de loco suo

vul@Job:6:18 @ involutae sunt semitae gressuum eorum ambulabunt in vacuum et peribunt

vul@Job:6:19 @ considerate semitas Theman itinera Saba et expectate paulisper

vul@Job:6:20 @ confusi sunt quia speravi venerunt quoque usque ad me et pudore cooperti sunt

vul@Job:6:21 @ nunc venistis et modo videntes plagam meam timetis

vul@Job:6:22 @ numquid dixi adferte mihi et de substantia vestra donate mihi

vul@Job:6:23 @ vel liberate me de manu hostis et de manu robustorum eruite me

vul@Job:6:24 @ docete me et ego tacebo et si quid forte ignoravi instruite me

vul@Job:6:25 @ quare detraxistis sermonibus veritatis cum e vobis nullus sit qui possit arguere

vul@Job:6:26 @ ad increpandum tantum eloquia concinnatis et in ventum verba profertis

vul@Job:6:27 @ super pupillum inruitis et subvertere nitimini amicum vestrum

vul@Job:6:28 @ verumtamen quod coepistis explete praebete aurem et videte an mentiar

vul@Job:6:29 @ respondete obsecro absque contentione et loquentes id quod iustum est iudicate

vul@Job:6:30 @ et non invenietis in lingua mea iniquitatem nec in faucibus meis stultitia personabit

vul@Job:7:1 @ militia est vita hominis super terram et sicut dies mercennarii dies eius

vul@Job:7:2 @ sicut servus desiderat umbram et sicut mercennarius praestolatur finem operis sui

vul@Job:7:3 @ sic et ego habui menses vacuos et noctes laboriosas enumeravi mihi

vul@Job:7:4 @ si dormiero dico quando consurgam et rursum expectabo vesperam et replebor doloribus usque ad tenebras

vul@Job:7:5 @ induta est caro mea putredine et sordibus pulveris cutis mea aruit et contracta est

vul@Job:7:6 @ dies mei velocius transierunt quam a texente tela succiditur et consumpti sunt absque ulla spe

vul@Job:7:7 @ memento quia ventus est vita mea et non revertetur oculus meus ut videat bona

vul@Job:7:8 @ nec aspiciet me visus hominis oculi tui in me et non subsistam

vul@Job:7:9 @ sicut consumitur nubes et pertransit sic qui descenderit ad inferos non ascendet

vul@Job:7:10 @ nec revertetur ultra in domum suam neque cognoscet eum amplius locus eius

vul@Job:7:11 @ quapropter et ego non parcam ori meo loquar in tribulatione spiritus mei confabulabor cum amaritudine animae meae

vul@Job:7:12 @ numquid mare sum ego aut cetus quia circumdedisti me carcere

vul@Job:7:13 @ si dixero consolabitur me lectulus meus et relevabor loquens mecum in strato meo

vul@Job:7:14 @ terrebis me per somnia et per visiones horrore concuties

vul@Job:7:15 @ quam ob rem elegit suspendium anima mea et mortem ossa mea

vul@Job:7:16 @ desperavi nequaquam ultra iam vivam parce mihi nihil enim sunt dies mei

vul@Job:7:17 @ quid est homo quia magnificas eum aut quia ponis erga eum cor tuum

vul@Job:7:18 @ visitas eum diluculo et subito probas illum

vul@Job:7:19 @ usquequo non parces mihi nec dimittis me ut gluttiam salivam meam

vul@Job:7:20 @ peccavi quid faciam tibi o custos hominum quare posuisti me contrarium tibi et factus sum mihimet ipsi gravis

vul@Job:7:21 @ cur non tolles peccatum meum et quare non auferes iniquitatem meam ecce nunc in pulvere dormiam et si mane me quaesieris non subsistam

vul@Job:8:1 @ respondens autem Baldad Suites dixit