cebuano_ang_biblia_pinadayag

cebuano_ang_biblia_pinadayag@John:10:1 @ ¶ "Sa pagkatinuod, sa pagkatinuod, magaingon ako kaninyo, nga ang tawo nga mosulod sa toril nga dili moagi sa pultahan kondili mokatkat sa laing kaagian, kana siya kawatan ug tulisan.

cebuano_ang_biblia_pinadayag@John:10:2 @ Apan ang mosulod agi sa pultahan mao ang magbalantay sa mga karnero.

cebuano_ang_biblia_pinadayag@John:10:3 @ Siya pagaablihan sa portero, ug ang mga karnero magapatalinghug sa iyang tingog, ug ang iyang kaugalingong mga karnero pagatawgon niya sa ngalan ug pagamandoan niya sila paingon sa gawas.

cebuano_ang_biblia_pinadayag@John:10:4 @ Ug sa madala na niya sa gawas ang tanan nga iyang kaugalingon, siya molakaw nga magauna kanila, ug kaniya magasunod ang mga karnero, kay sila makasabut man sa iyang tingog.

cebuano_ang_biblia_pinadayag@John:10:5 @ Apan sa lain nga magbalantay sila dili mosunod, hinonoa mokalagiw sila gikan kaniya, kay sila dili man makasabut sa tingog sa lain nga mga magbalantay."

cebuano_ang_biblia_pinadayag@John:10:6 @ Kini gipasumbingay kanila ni Jesus, apan wala sila makasabut sa iyang gisulti kanila.

cebuano_ang_biblia_pinadayag@John:10:7 @ Busa si Jesus miusab pag-ingon kanila, "Sa pagkatinuod, sa pagkatinuod, magaingon ako kaninyo, nga ako mao ang pultahan alang sa mga karnero.

cebuano_ang_biblia_pinadayag@John:10:8 @ Ang tanan nga nahianhi una kanako, sila mga kawatan ug mga tulisan, apan ang mga karnero wala magpatalinghug kanila.

cebuano_ang_biblia_pinadayag@John:10:9 @ Ako mao ang pultahan; kon adunay mosulod agi kanako, siya maluwas; ug siya mosulod ug mogula ug makakaplag siyag masibsib.

cebuano_ang_biblia_pinadayag@John:10:10 @ Ang kawatan moanha aron lamang sa pagpangawat ug pagpatay ug paglaglag. Ako mianhi aron sila makabaton ug kinabuhi, ug sa pagpakabaton niini sa madagayaon gayud.

cebuano_ang_biblia_pinadayag@John:10:11 @ Ako mao ang maayong magbalantay sa mga karnero. Ang maayong magbalantay sa mga karnero magahalad sa iyang kinabuhi sa pagpakamatay alang sa mga karnero.

cebuano_ang_biblia_pinadayag@John:10:12 @ Ang sinuholan lamang ug dili magbalantay sa mga karnero, ni kinsa ang mga karnero dili iyang kaugalingon, inigpakakita niya sa lobo nga magsingabut, kini siya mobiya sa mga karnero ug mokalagiw; ug sila pagatangagon sa lobo ug pagapatibulaagon.

cebuano_ang_biblia_pinadayag@John:10:13 @ Siya mokalagiw kay siya sinuholan man lamang ug walay kahangawa alang sa mga karnero.

cebuano_ang_biblia_pinadayag@John:10:14 @ Ako mao ang maayong magbalantay sa mga karnero. Ako nakaila sa mga ako, ug ang mga ako nakaila kanako,

cebuano_ang_biblia_pinadayag@John:10:15 @ maingon nga ang Amahan nakaila kanako ug ako nakaila sa Amahan. Ug igahalad ko ang akong kinabuhi sa pagpakamatay alang sa mga karnero.

cebuano_ang_biblia_pinadayag@John:10:16 @ Ug ako adunay ubang mga karnero nga dili sakop niining torila. Kinahangian pagamandoan ko usab sila, ug sila magapatalinghug sa akong tingog. Ug usa ra unya ang panon, ug usa ang magbalantay.

cebuano_ang_biblia_pinadayag@John:10:17 @ Ako gihigugma sa Amahan sa katarungan nga mao kini: kay ako magahalad man sa pagpakamatay sa akong kinabuhi, sa paghalad niini aron mabawi ko ra usab unya.

cebuano_ang_biblia_pinadayag@John:10:18 @ Walay tawo nga makakuha niini gikan kanako, hinonoa ginahalad ko kini sa kinaugalingon kong pagbuot. May kagahum ako sa paghalad niini, ug may kagahum ako sa pagbawi niini. Kining maong sugo nadawat ko gikan sa akong Amahan."

cebuano_ang_biblia_pinadayag@John:10:19 @ ¶ Ug nahitabo na usab ang pagkasumpaki sa mga Judio tungod niining mga pulonga.

cebuano_ang_biblia_pinadayag@John:10:20 @ Daghan kanila ang nanag-ingon, "Kini siya giyawaan ug nagsalimoang. Nganong mamati man kamo kaniya?"

cebuano_ang_biblia_pinadayag@John:10:21 @ Ang uban nanag-ingon, "Kining mga pulonga dili iya sa giyawaan. Makahimo ba ugod ang yawa sa pagpabuka sa mga mata sa buta?"

John:10:1-21