cebuano_ang_biblia_pinadayag

cebuano_ang_biblia_pinadayag@John:11:45 @ ¶ Tungod niini misalig kaniya ang daghan sa mga Judio nga nangadto uban kang Maria ug nakakita sa gibuhat ni Jesus.

cebuano_ang_biblia_pinadayag@John:11:46 @ Apan ang pipila kanila miadto sa mga Fariseo ug ilang gisuginlan sila sa gibuhat ni Jesus.

cebuano_ang_biblia_pinadayag@John:11:47 @ Busa ang mga sacerdote nga punoan ug ang mga Fariseo mipatigum sa Sanhedrin ug miingon, "Unsa may atong buhaton? Kay kining tawhana nagahimog daghang mga milagro.

cebuano_ang_biblia_pinadayag@John:11:48 @ Kon pasagdan ta siya niini, ang tanan mosalig kaniya, ug unya aang mga Romanhon manganhi ug ilang laglagon ang atong balaang dapit ug ang atong nasud."

cebuano_ang_biblia_pinadayag@John:11:49 @ Apan usa kanila, si Caifas, nga mao ang labawng sacerdote niadtong tuiga, miingon kanila, "Kamo mga walay alamag.

cebuano_ang_biblia_pinadayag@John:11:50 @ Kamo wala gani makasabut nga maoy maayo alang kaninyo nga usa lamang ka tawo ang mamatay alang sa katawhan, ug nga dili ang tibuok nasud maoy pagalaglagon."

cebuano_ang_biblia_pinadayag@John:11:51 @ Gisulti niya kini dili sa kinaugalingon niyang pagbulot-an, hinonoa, sanglit siya man ang labawng sacerdote niadtong tuiga, nahimo niya ang profesiya nga si Jesus mamatay alang sa nasud,

cebuano_ang_biblia_pinadayag@John:11:52 @ ug dili alang sa nasud lamang, kondili usab sa pagtigum aron magkahiusa ang nagakatibulaag nga mga anak sa Dios.

cebuano_ang_biblia_pinadayag@John:11:53 @ Tungod niini, sukad niadtong adlawa ang ilang sabut mao ang pagpatay kaniya.

cebuano_ang_biblia_pinadayag@John:11:54 @ Busa si Jesus wala na maglakawlakaw sa dayag taliwala sa mga Judio, hinonoa gikan didto miadto siya sa kayutaan duol sa awaaw, sa usa ka lungsod nga ginganlan ug Efraim, ug didto mipabilin siya uban sa mga tinun-an.

cebuano_ang_biblia_pinadayag@John:11:55 @ Ug nagsingabut na ang Pasko sa mga Judio; ug sa wala pa kini, daghan ang nanungas gikan sa kabanikanhan ngadto sa Jerusalem aron sa pagpaputli sa ilang kaugalingon.

cebuano_ang_biblia_pinadayag@John:11:56 @ Ug sila nangita kang Jesus ug nanag-ingon sa usa ug usa samtang nanagbarug sila didto sa templo, "Unsay inyong hunahuna? Nga dili siya moanhi sa fiesta?"

cebuano_ang_biblia_pinadayag@John:11:57 @ Ug ang mga sacerdote nga punoan ug ang mga Fariseo nagpakanaug ug sugo nga kon adunay masayud diin si Jesus, kinahanglan pahibaloon sila aron ilang dakpon siya.

John:11:45-57