alb - John:14:5-14

alb@John:14:5 @ Thomai i tha: ``Zot, ne nuk e dimë se ku po shkon; pra, si mund ta njohim udhën?``

alb@John:14:6 @ Jezusi i tha: ``Unë jam udha, e vërteta dhe jeta; askush nuk vjen tek Ati përveçse nëpërmjet meje.

alb@John:14:7 @ Po të më kishit njohur, do të kishit njohur edhe Atin tim; qysh tani e njihni dhe e keni parë``.

alb@John:14:8 @ Filipi i tha: ``Zot, na e trego Atin, dhe na mjafton``.

alb@John:14:9 @ Jezusi i tha: ``Ka kaq kohë që unë jam me ju dhe ti nuk më ke njohur akoma, o Filip? Kush më ka parë mua, ka parë Atin; Si vallë po thua: "Na e trego Atin?".

alb@John:14:10 @ A nuk beson se unë jam në Atin dhe se Ati është në mua? Fjalët që po ju them, nuk i them nga vetja. Ati që qëndron në mua, është ai që i bën veprat.

alb@John:14:11 @ Më besoni se unë jam në Atin dhe se Ati është në mua; në mos, më besoni për shkak të vet veprave.

alb@John:14:12 @ Në të vërtetë, në të vërtetë po ju them: kush beson në mua do të bëjë edhe ai veprat që bëj unë; madje do të bëjë edhe më të mëdha se këto, sepse unë po shkoj tek Ati.

alb@John:14:13 @ Dhe çfarëdo të kërkoni në emrin tim, do ta bëj, që Ati të përlëvdohet në Birin.

alb@John:14:14 @ Në qoftë se do të kërkoni diçka në emrin tim, unë do ta bëj``.