cebuano_ang_biblia_pinadayag

cebuano_ang_biblia_pinadayag@John:15:1 @ ¶ "Ako mao ang tinuod nga tanum nga parsas, ug ang akong Amahan mao ang tig-alima.

cebuano_ang_biblia_pinadayag@John:15:2 @ Ang tanan kong sanga nga dili mamunga, kini iyang pamutlon; ug ang tanang sanga nga mamunga, kini iyang pagahinloan aron mamungag labi pang daghan.

cebuano_ang_biblia_pinadayag@John:15:3 @ Kamo nangahinlo na tungod sa pulong nga akong gisulti kaninyo.

cebuano_ang_biblia_pinadayag@John:15:4 @ Pabilin kamo kanako, ug pabilin ako kaninyo. Maingon nga ang sanga sa iya rang kaugalingon dili makabunga, gawas kon magapabilin kini sa tanum, sa ingon usab kamo dili makapamunga gawas kon magpabilini kamo kanako.

cebuano_ang_biblia_pinadayag@John:15:5 @ Ako mao ang tanum nga parras, kamo mao ang mga sanga. Ang magapabilin kanako, kang kinsa magapabilin ako, mao siya ang magapamungag daghan, kay gawas kanako wala gayud kamoy arang mahimo.

cebuano_ang_biblia_pinadayag@John:15:6 @ Ang tawo nga dili magapabilin kanako, igasalibay siya sama sa sanga ug malaya; ug ang mga sanga pamuniton ug igaitsa ngadto sa kalayo ug mangasunog sila.

cebuano_ang_biblia_pinadayag@John:15:7 @ Kon kamo pabilin kanako, ug ang akong mga sulti pabilin kaninyo, pangayo kamog bisan unsa nga inyong gusto, ug kini pagabuhaton alang kaninyo.

cebuano_ang_biblia_pinadayag@John:15:8 @ Ang akong Amahan mapasidunggan sa diha nga mamunga kamog daghan, ug nga sa ingon pagahimatud-an nga kamo akong mga tinun-an.

cebuano_ang_biblia_pinadayag@John:15:9 @ ¶ Sama sa paghigugma kanako sa Amahan, ako sa ingon nahigugma kaninyo; pabilin kamo diha sa akong gugma.

cebuano_ang_biblia_pinadayag@John:15:10 @ Kon tumanon ninyo ang akong sugo, magapabilin kamo sa akong gugma, maingon nga gituman ko ang mga sugo sa akong Amahan ug nagapabilin ako diha sa iyang gugma.

cebuano_ang_biblia_pinadayag@John:15:11 @ Kining mga butanga gisulti ko kaninyo, aron ang akong kalipay magapabilin diha kaninyo, ug ang inyong kalipay mamahingpit.

cebuano_ang_biblia_pinadayag@John:15:12 @ "Mao kini ang akong sugo, nga kinahanglan maghigugmaay kamo ang usa sa usa sama sa akong paghigugma kaninyo.

cebuano_ang_biblia_pinadayag@John:15:13 @ Walay bisan kinsa nga may gugma nga labaw pa niini, nga ang usa ka tawo magahalad sa iyang kinabuhi sa pagpakamatay alang sa iyang mga higala.

cebuano_ang_biblia_pinadayag@John:15:14 @ Kamo mga higala nako kon magatuman kamo sa akong isugo kaninyo.

cebuano_ang_biblia_pinadayag@John:15:15 @ Dili ko na kamo nganlan nga mga ulipon, kay ang ulipon dili masayud sa ginabuhat sa iyang agalon. Apan ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo.

cebuano_ang_biblia_pinadayag@John:15:16 @ Kamo wala magpili kanako, hinonoa ako mao ang nagpili kaninyo ug nagtudlo kaninyo aron managpanglakaw kamo ug managpamunga, ug magalungtad ang inyong bunga; aron nga pinaagi sa akong ngalan igahatag kaninyo sa Amahan ang bisan unsang butang nga inyong pangayoon kaniya.

cebuano_ang_biblia_pinadayag@John:15:17 @ Ang akong sugo kaninyo mao kini, nga kinahanglan maghigugmaay kamo ang usa sa usa.

John:15:1-17