vul - Joshua:13:8-33

vul@Joshua:13:8 @ cum qua Ruben et Gad possederunt terram quam tradidit eis Moses famulus Domini trans fluenta Iordanis ad orientalem plagam

vul@Joshua:13:9 @ ab Aroer quae sita est in ripa torrentis Arnon et in vallis medio universaque campestria Medaba usque Dibon

vul@Joshua:13:10 @ et cunctas civitates Seon regis Amorrei qui regnavit in Esebon usque ad terminos filiorum Ammon

vul@Joshua:13:11 @ et Galaad ac terminum Gesuri et Machathi omnemque montem Hermon et universam Basan usque Saleca

vul@Joshua:13:12 @ omne regnum Og in Basan qui regnavit in Astharoth et Edraim ipse fuit de reliquiis Rafaim percussitque eos Moses atque delevit

vul@Joshua:13:13 @ nolueruntque disperdere filii Israhel Gesuri et Machathi et habitaverunt in medio Israhel usque in praesentem diem

vul@Joshua:13:14 @ tribui autem Levi non dedit possessionem sed sacrificia et victimae Domini Dei Israhel ipsa est eius hereditas sicut locutus est illi

vul@Joshua:13:15 @ dedit ergo Moses possessionem tribui filiorum Ruben iuxta cognationes suas

vul@Joshua:13:16 @ fuitque terminus eorum ab Aroer quae sita est in ripa torrentis Arnon et in valle eiusdem torrentis media universam planitiem quae ducit Medaba

vul@Joshua:13:17 @ et Esebon cunctosque viculos earum qui sunt in campestribus Dibon quoque et Bamothbaal et oppidum Baalmaon

vul@Joshua:13:18 @ Iessa et Cedmoth et Mepheeth

vul@Joshua:13:19 @ Cariathaim et Sebama et Sarathasar in monte convallis

vul@Joshua:13:20 @ Bethpheor et Asedothphasga et Bethaisimoth

vul@Joshua:13:21 @ omnes urbes campestres universaque regna Seon regis Amorrei qui regnavit in Esebon quem percussit Moses cum principibus Madian Eveum et Recem et Sur et Ur et Rabee duces Seon habitatores terrae

vul@Joshua:13:22 @ et Balaam filium Beor ariolum occiderunt filii Israhel gladio cum ceteris interfectis

vul@Joshua:13:23 @ factusque est terminus filiorum Ruben Iordanis fluvius haec est possessio Rubenitarum per cognationes suas urbium et viculorum

vul@Joshua:13:24 @ deditque Moses tribui Gad et filiis eius per cognationes suas possessionem cuius haec divisio est

vul@Joshua:13:25 @ terminus Iazer et omnes civitates Galaad dimidiamque partem terrae filiorum Ammon usque ad Aroer quae est contra Rabba

vul@Joshua:13:26 @ et ab Esebon usque Ramoth Masphe et Batanim et a Manaim usque ad terminos Dabir

vul@Joshua:13:27 @ in valle quoque Betharaam et Bethnemra et Soccoth et Saphon reliquam partem regni Seon regis Esebon huius quoque Iordanis finis est usque ad extremam partem maris Chenereth trans Iordanem ad orientalem plagam

vul@Joshua:13:28 @ haec est possessio filiorum Gad per familias suas civitates et villae earum

vul@Joshua:13:29 @ dedit et dimidiae tribui Manasse filiisque eius iuxta cognationes suas possessionem

vul@Joshua:13:30 @ cuius hoc principium est a Manaim universam Basan et cuncta regna Og regis Basan omnesque vicos Air qui sunt in Basan sexaginta oppida

vul@Joshua:13:31 @ et dimidiam partem Galaad Astharoth et Edrai urbes regni Og in Basan filiis Machir filii Manasse dimidiae parti filiorum Machir iuxta cognationes suas

vul@Joshua:13:32 @ hanc possessionem divisit Moses in campestribus Moab trans Iordanem contra Hiericho ad orientalem plagam

vul@Joshua:13:33 @ tribui autem Levi non dedit possessionem quoniam Dominus Deus Israhel ipse est possessio eius ut locutus est illi