vul - Joshua:14:1-5

vul@Joshua:14:1 @ hoc est quod possederunt filii Israhel in terra Chanaan quam dederunt eis Eleazar sacerdos et Iosue filius Nun et principes familiarum per tribus Israhel

vul@Joshua:14:2 @ sorte omnia dividentes sicut praeceperat Dominus in manu Mosi novem tribubus et dimidiae tribui

vul@Joshua:14:3 @ duabus enim tribubus et dimidiae dederat Moses trans Iordanem possessionem absque Levitis qui nihil terrae acceperunt inter fratres suos

vul@Joshua:14:4 @ sed in eorum successerant locum filii Ioseph in duas divisi tribus Manasse et Ephraim nec acceperunt Levitae aliam in terra partem nisi urbes ad habitandum et suburbana earum ad alenda iumenta et pecora sua

vul@Joshua:14:5 @ sicut praecepit Dominus Mosi ita fecerunt filii Israhel et diviserunt terram