Joshua:5:1-12
vul@Joshua:5:1 @ postquam ergo audierunt omnes reges Amorreorum qui habitabant trans Iordanem ad occidentalem plagam et cuncti reges Chanaan qui propinqua possidebant Magno mari loca quod siccasset Dominus fluenta Iordanis coram filiis Israhel donec transirent dissolutum est cor eorum et non remansit in eis spiritus timentium introitum filiorum Israhel
vul@Joshua:5:2 @ eo tempore ait Dominus ad Iosue fac tibi cultros lapideos et circumcide secundo filios Israhel
vul@Joshua:5:3 @ fecit quod iusserat Dominus et circumcidit filios Israhel in colle Praeputiorum
vul@Joshua:5:4 @ haec autem causa est secundae circumcisionis omnis populus qui egressus est ex Aegypto generis masculini universi bellatores viri mortui sunt in deserto per longissimos viae circuitus
vul@Joshua:5:5 @ qui omnes circumcisi erant populus autem qui natus est in deserto
vul@Joshua:5:6 @ per quadraginta annos itineris latissimae solitudinis incircumcisus fuit donec consumerentur qui non audierant vocem Domini et quibus ante iuraverat ut ostenderet eis terram lacte et melle manantem
vul@Joshua:5:7 @ horum filii in locum successerunt patrum et circumcisi sunt ab Iosue quia sicut nati fuerant in praeputio erant nec eos in via aliquis circumciderat
vul@Joshua:5:8 @ postquam autem omnes circumcisi sunt manserunt in eodem castrorum loco donec sanarentur
vul@Joshua:5:9 @ dixitque Dominus ad Iosue hodie abstuli obprobrium Aegypti a vobis vocatumque est nomen loci illius Galgala usque in praesentem diem
vul@Joshua:5:10 @ manseruntque filii Israhel in Galgalis et fecerunt phase quartadecima die mensis ad vesperum in campestribus Hiericho
vul@Joshua:5:11 @ et comederunt de frugibus terrae die altero azymos panes et pulentam eiusdem anni
vul@Joshua:5:12 @ defecitque manna postquam comederunt de frugibus terrae nec usi sunt ultra illo cibo filii Israhel sed comederunt de frugibus praesentis anni terrae Chanaan