vul - Judges:2:1-5

vul@Judges:2:1 @ ascenditque angelus Domini de Galgal ad locum Flentium et ait eduxi vos de Aegypto et introduxi in terram pro qua iuravi patribus vestris et pollicitus sum ut non facerem irritum pactum meum vobiscum in sempiternum

vul@Judges:2:2 @ ita dumtaxat ut non feriretis foedus cum habitatoribus terrae huius et aras eorum subverteretis et noluistis audire vocem meam cur hoc fecistis

vul@Judges:2:3 @ quam ob rem nolui delere eos a facie vestra ut habeatis hostes et dii eorum sint vobis in ruinam

vul@Judges:2:4 @ cumque loqueretur angelus Domini verba haec ad omnes filios Israhel elevaverunt vocem suam et fleverunt

vul@Judges:2:5 @ et vocatum est nomen loci illius Flentium sive Lacrimarum immolaveruntque ibi hostias Domino