vul - Judges:8:22-27

vul@Judges:8:22 @ dixeruntque omnes viri Israhel ad Gedeon dominare nostri tu et filius tuus et filius filii tui quia liberasti nos de manu Madian

vul@Judges:8:23 @ quibus ille ait non dominabor vestri nec dominabitur in vos filius meus sed dominabitur Dominus

vul@Judges:8:24 @ dixitque ad eos unam petitionem postulo a vobis date mihi inaures ex praeda vestra inaures enim aureas Ismahelitae habere consuerant

vul@Judges:8:25 @ qui responderunt libentissime dabimus expandentesque super terram pallium proiecerunt in eo inaures de praeda

vul@Judges:8:26 @ et fuit pondus postulatarum inaurium mille septingenti auri sicli absque ornamentis et monilibus et veste purpurea quibus Madian reges uti soliti erant et praeter torques aureos camelorum

vul@Judges:8:27 @ fecitque ex eo Gedeon ephod et posuit illud in civitate sua Ephra fornicatusque est omnis Israhel in eo et factum est Gedeoni et omni domui eius in ruinam