cebuano_ang_biblia_pinadayag

cebuano_ang_biblia_pinadayag@Luke:14:25 @ ¶ Ug dihay dagkung mga panon sa katawhan nga mikuyog kang Jesus; ug siya miliso ug miingon kanila,

cebuano_ang_biblia_pinadayag@Luke:14:26 @ "Kon adunay tawo nga moanhi kanako ug dili siya magadumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.

cebuano_ang_biblia_pinadayag@Luke:14:27 @ Bisan kinsa nga dili mopas-an sa iyang krus ug dili mosunod kanako, dili siya mahimong akong tinun-an.

cebuano_ang_biblia_pinadayag@Luke:14:28 @ Kay kinsa ba kaninyo, nga sa magatinguha siya sa pagtukod ug torre, dili una molingkod sa pagkuwenta sa galastohan, kon aduna ba siyay igong ikapahuman niini?

cebuano_ang_biblia_pinadayag@Luke:14:29 @ Tingali unya hinoon, sa diha nga ikabutang na niya ang patukoranan ug unya dili na siya makahimo sa paghuman niini, ang tanang makakita niini mosugod sa pagbiaybiay kaniya,

cebuano_ang_biblia_pinadayag@Luke:14:30 @ nga managingon, `Kining tawhana igo rang misugod sa pagtukod apan wala makapahuman.'

cebuano_ang_biblia_pinadayag@Luke:14:31 @ O kinsa bang haria, nga sa iyang pakiggubat batok sa laing hari, dili una molingkod sa pagpakitambag kon takus ba siya uban sa napulo ka libo ka mga tawo sa pakig-asdang batok kaniya nga may dalang kaluhaan ka libo ka mga tawo?

cebuano_ang_biblia_pinadayag@Luke:14:32 @ Ug kon dili man ugaling, samtang ang usa atua pa sa halayo, kini iyang pasugoan sa pagpangayo kaniya sa kasabutan sa pakig dait.

cebuano_ang_biblia_pinadayag@Luke:14:33 @ Busa, bisan kinsa kaninyo nga dili mobiya sa tanan nga iyang ginahuptan, dili siya mahimo nga akong tinun-an.

cebuano_ang_biblia_pinadayag@Luke:14:34 @ "Ang asin maoy usa ka maayong butang; apan kon ang asin kawad-an sa iyang lami, unsaon pa man sa pagpabalik sa kaparat niini?

cebuano_ang_biblia_pinadayag@Luke:14:35 @ Kini dili na gayud mapuslan bisan pa alang sa yuta o sa abuno; igasalibay na lang kini sa mga tawo. Ang may mga dalunggan nga makadungog kinahanglan magpatalinghug.

Luke:14:25-35