cebuano_ang_biblia_pinadayag

cebuano_ang_biblia_pinadayag@Luke:17:1 @ "¶ Ug si Jesus miingon sa iyang mga tinun-an, " Ang mga pagpanulay sa paghimog sala magaabut gayud hinoon; apan alaut ang tawo nga pinaagi kaniya magaabut kini!

cebuano_ang_biblia_pinadayag@Luke:17:2 @ Maayo pa lang unta hinoon alang kaniya kon gikahigtan siyag galingan nga bato diha sa iyang liog ug gikatambog siya ngadto sa dagat, kay sa magaangin siya sa usa niining mga gagmay sa pagpakasala.

cebuano_ang_biblia_pinadayag@Luke:17:3 @ Magbantay kamo; kon ang imong igsoon makasala, badlonga siya, ug kon siya maghinulsol, pasayloa siya;

cebuano_ang_biblia_pinadayag@Luke:17:4 @ "ug kon sa usa ka adlaw makasala siya sa makapito batok kanimo, ug sa makapito magabalig siya kanimo ug magaingon, `Nagbasol ako, `kinahanglan pasayloon mo siya."

cebuano_ang_biblia_pinadayag@Luke:17:5 @ Ug ang mga apostoles miingon sa Ginoo, "Dugangi ang among pagtoo!"

cebuano_ang_biblia_pinadayag@Luke:17:6 @ "Ug kanila mitubag ang Ginoo nga nag-ingon, " Kon kamo may pagtoo nga ingon ug liso sa mustasa, makaingon kamo niining kahoy nga sikomoro, `Paibut ug patanum ka diha sa lawod,' ug kini mosugot kaninyo.

cebuano_ang_biblia_pinadayag@Luke:17:7 @ "Kinsa ba kaninyo, nga may ulipon nga nagadaro o nagabantay sa mga karnero, nga moingon kaniya inig-abut niya gikan sa umahan, `Umari ka sa madali ug lumingkod ka tambong sa kan-anan'?

cebuano_ang_biblia_pinadayag@Luke:17:8 @ Dili ba ang iyang pagabuhaton mao hinoon ang pag-ingon kaniya, `Paghikayg akong ipanihapon, ug pamakos ug alagari ako hangtud nga makakaon ug makainom na ako; ug tapus niini mao pay imong pagkaon ug pag-inom'?

cebuano_ang_biblia_pinadayag@Luke:17:9 @ Pasalamatan ba niya ang iyang ulipon tungod kay kini nagbuhat sa gisugo kaniya?

cebuano_ang_biblia_pinadayag@Luke:17:10 @ "Maingon man usab niini kamo, sa makabuhat na kamo sa tanang gisugo kaninyo, umingon kamo, `Kami mga ulipon nga walay hinungdan, kay kami igo lamang nagbuhat sa kinahanglan among pagabuhaton ingon nga among katungdanan.'"

Luke:17:1-10