cebuano_ang_biblia_pinadayag

cebuano_ang_biblia_pinadayag@Luke:19:11 @ ¶ Ug sa nagpatalinghug sila niining mga butanga, si Jesus mipadayon ug misugilon kanila sa usa ka sambingay, tungod kay siya nagkahiduol na man sa Jerusalem, ug tungod kay ila mang gidahum nga ang gingharian sa Dios igapadayag dihadiha.

cebuano_ang_biblia_pinadayag@Luke:19:12 @ Busa miingon siya, "Usa ka tawong hamili mipanaw ngadto sa halayong yuta aron sa pagdawat ug harianong gahum alang sa iyang kaugalingon, ug sa pagpauli tapus niini.

cebuano_ang_biblia_pinadayag@Luke:19:13 @ Ug iyang gipatawag ngadto kaniya ang napulo sa iyang mga ulipon, ug sila iyang gihatagan ug napulo ka mina ug giingnan niya, `Ipatigayon ninyo kini hangtud sa akong pagpauli.'

cebuano_ang_biblia_pinadayag@Luke:19:14 @ Apan ang iyang mga tagilungsod nanagdumot kaniya, ug siya ilang gipasundan ug mga tinugyanan aron sa pag-ingon, `Dili kami buot nga maoy magahari kanamo kining tawhana.'

cebuano_ang_biblia_pinadayag@Luke:19:15 @ Sa iya nang paghiuli, tapus madawat niya ang harianong gahum, iyang gipasugoan sa pagduol kaniya ang maong mga ulipon nga iyang gikahatagan sa kuwarta, aron iyang mahibaloan kon pilay ilang nakita sa patigayon.

cebuano_ang_biblia_pinadayag@Luke:19:16 @ Ug sa iyang atubangan miduol ang nahauna nga nag-ingon, `Senyor, ang imong usa ka mina hingdugangan ug napulo ka mina.'

cebuano_ang_biblia_pinadayag@Luke:19:17 @ Ug siya miingon kaniya, `Mao kana, maayong ulipon! Tungod kay sa diyutay kaayo kasaligan ka man diay, ikaw igapahimutang nga magbubuot sa napulo ka lungsod.'

cebuano_ang_biblia_pinadayag@Luke:19:18 @ Ug ang ikaduha miduol nga nag-ingon, `Senyor, ang imong usa ka mina hingdugangan ug lima ka mina.'

cebuano_ang_biblia_pinadayag@Luke:19:19 @ Ug siya miingon kaniya, `Ug ikaw igapahimutang nga magbubuot sa lima ka lungsod.'

cebuano_ang_biblia_pinadayag@Luke:19:20 @ Ug unya miduol ang usa nga nag-ingon, `Senyor, ania ra ang imong mina nga akong gitipigan, giputos ug panyo;

cebuano_ang_biblia_pinadayag@Luke:19:21 @ kay nahadlok ako kanimo, sanglit ikaw mapig-uton man ugod nga pagkatawo; ikaw nagakuha man sa dili imong binutang, ug nagaani sa dili imong pinugas.'

cebuano_ang_biblia_pinadayag@Luke:19:22 @ Ug siya mitubag kaniya, `Lampingasan nga ulipon, pinaagi sa kaugalingon mong sulti pagahukman ko ikaw sa silot! Nasayud ka man diay unta nga ako maoy usa ka tawong mapig-uton, nga nagakuha sa dili akong binutang ug nagaani sa dili akong pinugas,

cebuano_ang_biblia_pinadayag@Luke:19:23 @ nan, nganong wala man lamang nimo idiposito ang akong kuwarta sa bangko, aron nga sa akong paghiuli makuha ko unta kini nga may tubo?

cebuano_ang_biblia_pinadayag@Luke:19:24 @ "Ug siya miingon kanila nga nanagtindog sa duol, " Kuhaa kaniya ang usa ka mina, ug ihatag kana kaniya nga may napulo ka mina!'

cebuano_ang_biblia_pinadayag@Luke:19:25 @ (Ug sila miingon kaniya, `Senyor, siya aduna nay napulo ka mina'')

cebuano_ang_biblia_pinadayag@Luke:19:26 @ `Sultihan ko kamo, nga siya nga adunay iya pagahatagan ug labaw pa; apan siya nga walay iya. pagakuhaan sa bisan unsa nga anaa kaniya.

cebuano_ang_biblia_pinadayag@Luke:19:27 @ "Ug mahitungod niining akong mga kaaway nga wala mobuot nga ako maoy magahari kanila, dad-a sila dinhi ug patya ninyo sila sa akong atubangan.'"

Luke:19:11-27