alb - Luke:20:27-40

alb@Luke:20:27 @ Pastaj iu afruan disa saducej, të cilët mohojnë se ka ringjallje, dhe e pyetën,

alb@Luke:20:28 @ duke thënë: ``Mësues, Moisiu na la të shkruar që, nëse vëllai i dikujt vdes kishte grua dhe vdiq pa lënë fëmijë, i vëllai ta marrë gruan e tij dhe t`i ngjallë pasardhës vëllait të vet.

alb@Luke:20:29 @ Tashti, ishin shtatë vëllezër; i pari u martua dhe vdiq pa lënë fëmijë.

alb@Luke:20:30 @ I dyti e mori për grua dhe vdiq edhe ai pa lënë fëmijë.

alb@Luke:20:31 @ E mori pastaj i treti; dhe kështu që të shtatë vdiqën pa lënë fëmijë.

alb@Luke:20:32 @ Dhe pas tyre vdiq edhe gruaja.

alb@Luke:20:33 @ Atëherë, në ringjallje, e kujt do të jetë grua? Sepse që të shtatë e patën grua``.

alb@Luke:20:34 @ Dhe Jezusi, duke u përgjigjur, tha atyre: ``Bijtë e kësaj bote martohen dhe martojnë;

alb@Luke:20:35 @ por ata që do të gjenden të denjë të kenë pjesë në botën tjetër dhe në ringjalljen e të vdekurve, nuk martohen dhe nuk martojnë;

alb@Luke:20:36 @ ata as nuk mund të vdesin më, sepse janë si engjëjt dhe janë bij të Perëndisë, duke qenë bij të ringjalljes.

alb@Luke:20:37 @ Dhe se të vdekurit do të ringjallen, e ka deklaruar vetë Moisiu në pjesën e ferrishtes, kur e quan Zot, Perëndinë e Abrahamit, Perëndinë e Isakut dhe Perëndinë e Jakobit.

alb@Luke:20:38 @ Ai nuk është perëndi i të vdekurve, por i të gjallëve, sepse të gjithë jetojnë për të``.

alb@Luke:20:39 @ Atëherë disa skribë morën fjalën dhe thanë: ``Mësues, mirë fole``.

alb@Luke:20:40 @ Dhe nuk guxuan më t`i bëjnë asnjë pyetje.