cebuano_ang_biblia_pinadayag

cebuano_ang_biblia_pinadayag@Luke:22:7 @ ¶ Ug miabut ang adlaw sa Tinapay nga Walay Igpapatubo, nga maoy pag-ihaw sa karnero sa pasko.

cebuano_ang_biblia_pinadayag@Luke:22:8 @ Ug si Pedro ug si Juan gisugo ni Jesus nga nag-ingon, "Umadto kamo ug hikaya ang pasko alang kanato aron mangaon kita niini."

cebuano_ang_biblia_pinadayag@Luke:22:9 @ Ug sila nangutana kaniya, "Asa man ang buot mo nga among hikayan niini?"

cebuano_ang_biblia_pinadayag@Luke:22:10 @ Siya mitubag kanila, "Tan-awa, inigsulod ninyo sa siyudad, sugaton kamo sa usa ka tawo nga magadalag banga nga sinudlan ug tubig; sumunod kamo kaniya ngadto sa balay nga iyang pagasak-an,

cebuano_ang_biblia_pinadayag@Luke:22:11 @ ug ingna ninyo ang tag-iya sa balay, `Ang Magtutudlo naga-ingon kanimo, Hain ba ang lawak diin adto ako makigsalo sa akong mga tinun-an sa pagkaon sa pasko?'

cebuano_ang_biblia_pinadayag@Luke:22:12 @ Ug iyang ipakita kaninyo ang usa ka daku ug sinangkapan nga lawak sa itaas; paghikay kamo didto."

cebuano_ang_biblia_pinadayag@Luke:22:13 @ Ug sila miadto ug ilang nakita kini sumala sa iyang giingon kanila; ug ilang gihikay ang pasko.

cebuano_ang_biblia_pinadayag@Luke:22:14 @ Ug sa pag-abut na sa takna, si Jesus milingkod tambong sa kan-anan, ug ang mga apostoles uban kaniya.

cebuano_ang_biblia_pinadayag@Luke:22:15 @ Ug siya miingon kanila, "Ginatinguha ko sa hilabihan gayud ang pagkaon niining pasko uban kaninyo sa dili pa ako magaantus;

cebuano_ang_biblia_pinadayag@Luke:22:16 @ kay sultihan ko kamo, nga dili na ako mokaon niini hangtud nga matuman na kini didto sa gingharian sa Dios."

cebuano_ang_biblia_pinadayag@Luke:22:17 @ Ug siya mikuha sa kopa, ug sa nakapasalamat na siya, miingon kanila, "Dawata ug bahina ninyo kini alang kaninyo;

cebuano_ang_biblia_pinadayag@Luke:22:18 @ kay sultihan ko kamo, nga sukad karon dili na ako moinom sa gikan sa bunga sa parras hangtud moabut na ang gingharian sa Dios."

cebuano_ang_biblia_pinadayag@Luke:22:19 @ Ug siya mikuha sa tinapay, ug sa nakapasalamat na siya, kini iyang gipikaspikas ug kanila gihatag niya nga nag-ingon, "Kini mao ang akong lawas nga gihatag alang kaninyo. Buhata ninyo kini sa paghandum kanako."

cebuano_ang_biblia_pinadayag@Luke:22:20 @ Ug maingon man usab, human sa panihapon, ang kopa gikuha niya nga nag-ingon, "Kining kopa nga giula alang kaninyo mao ang bag-ong pakig-saad diha sa akong dugo.

cebuano_ang_biblia_pinadayag@Luke:22:21 @ ¶ Apan tan-awa, ang kamot sa magabudhi kanako ania uban kanako dinhi sa kan-anan.

cebuano_ang_biblia_pinadayag@Luke:22:22 @ Sa pagkatinuod ang Anak sa Tawo mopahawa, sumala sa gimbut-an; apan alaut gayud kadtong tawhana nga mao ang magabudhi kaniya!"

cebuano_ang_biblia_pinadayag@Luke:22:23 @ Ug sila misugod sa pagsinusihay kon kinsa kanila ang magabuhat niining butanga.

cebuano_ang_biblia_pinadayag@Luke:22:24 @ Ug nahitabo usab ang usa ka paglalisay sa taliwala nila, kon kinsa kanila ang pagaisipon nga maoy labing daku.

cebuano_ang_biblia_pinadayag@Luke:22:25 @ Ug siya miingon kanila, "Ang mga hari sa mga Gentil nagapakaagalon ngadto kanila; ug ang mga adunay kagahum sa ibabaw nila ginatawag nga mga maghahatag ug kaayohan.

cebuano_ang_biblia_pinadayag@Luke:22:26 @ Apan kini dili mahitabo kaninyo; hinonoa, kinahanglan nga ang labing daku kaninyo magpakamanghud sa tanan, ug ang pangulo ingon nga mag-aalagad.

cebuano_ang_biblia_pinadayag@Luke:22:27 @ Kay kinsa man ang labaw sa kadaku, ang nagalingkod ba tambong sa kan-anan o ang nagaalagad ba? Dili ba ang nagalingkod tambong sa kan-anan? Apan ako ania kaninyo ingon nga mag-aalagad.

cebuano_ang_biblia_pinadayag@Luke:22:28 @ "Hinoon kamo mao ang nanagpadayon uban kanako sa diha nga gipanintal ako;

cebuano_ang_biblia_pinadayag@Luke:22:29 @ ug maingon nga sa akong Amahan gitagan-an akog gingharian, maingon man usab tagan-an ko kamog gingharian

cebuano_ang_biblia_pinadayag@Luke:22:30 @ aron managpangaon ug manag-inom kamo diha sa akong lamisa sa akong gingharian, ug magalingkod kamo sa mga trono, sa paghukom sa napulog-duha ka banay sa Israel.

cebuano_ang_biblia_pinadayag@Luke:22:31 @ "Simon, Simon, tan-awa! Gipangayo kamo ni Satanas, sa pagbaton kaninyo aron iya kamong alig-igon ingon sa trigo;

cebuano_ang_biblia_pinadayag@Luke:22:32 @ apan nangamuyo ako alang kanimo nga unta dili makabsan ang imong pagsalig; ug sa mahibalik na ikaw kanako, lig-ona ang imong mga igson."

cebuano_ang_biblia_pinadayag@Luke:22:33 @ Ug si Pedro miingon kaniya, "Ginoo, andam ako sa pag-unong kanimo sa bilanggoan ug sa kamatayon."

cebuano_ang_biblia_pinadayag@Luke:22:34 @ Si Jesus mitubag kaniya, "Sultihan ko ikaw, Pedro, nga karong adlawa ang manok dili motogaok hangtud ikalimod mo sa makatulo ang imong pagpakaila kanako."

cebuano_ang_biblia_pinadayag@Luke:22:35 @ Ug siya miingon kanila, "Sa pag-sugo ko kaninyo kaniadto sa paglakaw nga walay dalang puyo ni puntil ni mga sapin, nakulangan ba kamog bisan unsa?" Sila mitubag nga nag-ingon, "Wala."

cebuano_ang_biblia_pinadayag@Luke:22:36 @ Ug siya miingon kanila, "Apan karon, siya nga may puyo padad-a siya niini, ug puntil usab. Ug siya nga walay espada, ipabaligya kaniya ang iyang kupo ug magpalit siyag espada.

cebuano_ang_biblia_pinadayag@Luke:22:37 @ Kay sultihan ko kamo, nga dinhi kanako kinahanglan matuman kining bahina sa kasulatan nga nagaingon, `Ug siya giisip nga kauban sa mga malinapason'; kay ang nahisulat mahitungod kanako mosangko man sa pagkatuman."

cebuano_ang_biblia_pinadayag@Luke:22:38 @ Ug sila miingon kaniya, "Tan-awa, Ginoo, aniay duha ka espada." Ug siya mitubag kanila, "Igo ra kana."

Luke:22:7-38