alb - Luke:4:33-44

alb@Luke:4:33 @ Në sinagogë ishte një njeri që ishte pushtuar me frymën e një demoni të ndyrë. Ai bërtiti me zë të lartë duke thënë:

alb@Luke:4:34 @ ``Ah, ç`ka mes nesh dhe teje, o Jezus Nazareas? A erdhe të na shkatërrosh? Unë e di se kush je ti: i Shenjti i Perëndisë!``.

alb@Luke:4:35 @ Por Jezusi e qortoi duke thënë: ``Hesht dhe dil prej tij!``. Dhe demoni, pasi e përplasi përpara tyre, doli prej tij pa i bërë asgjë të keqe.

alb@Luke:4:36 @ Atëherë të gjithë i pushtoi habia dhe i thoshin njëri-tjetrit: ``Ç`fjalë është kjo, vallë? Ai urdhëron me autoritet dhe pushtet frymërat e ndyra dhe ata dalin!``.

alb@Luke:4:37 @ Dhe fama e tij përhapej në çdo vend të krahinës përreth.

alb@Luke:4:38 @ Mbasi doli nga sinagoga, Jezusi hyri në shtëpinë e Simonit. Vjehrrën e Simonit e kishin zënë ethe të forta; dhe ata e lutën për të.

alb@Luke:4:39 @ Ai u përkul mbi të, qortoi ethet dhe ato e lëshuan; dhe ajo u ngrit menjëherë dhe filloi t`u shërbejë.

alb@Luke:4:40 @ Kur perëndoi dielli, të gjithë ata që kishin të sëmurë me sëmundje të ndryshme i prunë tek ai; dhe ai i shëroi duke vënë duart mbi secilin prej tyre.

alb@Luke:4:41 @ Prej shumë vetëve dilnin demonë që bërtitnin dhe thoshnin: ``Ti je Krishti, Biri i Perëndisë``. Por ai i qortonte dhe nuk i lejonte të flisnin, sepse ata e dinin se ai ishte Krishti.

alb@Luke:4:42 @ Kur zbardhi drita ai doli dhe shkoi në një vend të pabanuar. Por turmat e kërkonin dhe e arritën; dhe e mbanin që të mos largohej prej tyre.

alb@Luke:4:43 @ Por ai u tha atyre: ``Më duhet ta shpall lajmin e mirë të mbretërisë së Perëndisë edhe në qytete të tjera, sepse për këtë jam dërguar``.

alb@Luke:4:44 @ Dhe ai predikonte nëpër sinagoga të Galilesë.