cebuano_ang_biblia_pinadayag

cebuano_ang_biblia_pinadayag@Luke:7:1 @ ¶ Ug tapus siya makasulti niining iyang tanang mga pulong nga nadungog sa mga tawo, siya misulod sa Capernaum.

cebuano_ang_biblia_pinadayag@Luke:7:2 @ Ug didtoy usa ka kapitan nga may ulipon nga iyang minahal, nga nagmasakit ug nagpinal.

cebuano_ang_biblia_pinadayag@Luke:7:3 @ Sa pagkadungog niya mahitungod kang Jesus, siya nagsugog mga anciano sa mga Judio ngadto kaniya sa paghangyo kaniya nga unta adtoon ug ayohon niya ang iyang ulipon.

cebuano_ang_biblia_pinadayag@Luke:7:4 @ Ug sa pag-abut nila kang Jesus, sila nagpakiluoy kaniya sa hilabihan gayud, nga nanag-ingon, "Siya takus buhatan mo niini,

cebuano_ang_biblia_pinadayag@Luke:7:5 @ kay siya nahigugma sa atong nasud ug gibuhatan kita niya sa atong sinagoga."

cebuano_ang_biblia_pinadayag@Luke:7:6 @ "Ug si Jesus mikuyog kanila. Ug sa dili na siya halayo sa balay, ang kapitan misugog mga higala ngadto kaniya sa pag-ingon kaniya, " Ginoo, ayaw na lang pagbudlaya ang imong kaugalingon, kay ako dili takus sa pagpasilong kanimo ilalum sa akong atop;

cebuano_ang_biblia_pinadayag@Luke:7:7 @ mao man gani nga wala ako mangahas sa pag-adto kanimo. Apan isulti mo lang ang pulong, ug himoa nga mamaayo ang akong sulogoon.

cebuano_ang_biblia_pinadayag@Luke:7:8 @ "Kay ako maoy usa ka tawo nga ubos sa pagbuot sa uban, ug ako may mga sundalo nga ubos sa akong pagmando; ug sa moingon ako sa usa, `Umadto ka,' siya moadto; ug sa lain, `Umari ka,' siya moduol; ug sa akong ulipon, `Buhata kini,' siya mobuhat niini."

cebuano_ang_biblia_pinadayag@Luke:7:9 @ Ug sa pagkadungog ni Jesus niini, siya nahibulong kaniya, ug miliso ug miingon sa panon sa katawhan nga mikuyog kaniya, "Sultihan ko kamo, nga bisan sa Israel wala pa akoy nakitang pagsalig nga sama niini."

cebuano_ang_biblia_pinadayag@Luke:7:10 @ Ug sa diha nga ang mga sinugo nahiuli na sa balay, ilang nakita ang ulipon nga maayo na.

Luke:7:1-10