vul - Malachi:3:6-18

vul@Malachi:3:6 @ ego enim Dominus et non mutor et vos filii Iacob non estis consumpti

vul@Malachi:3:7 @ a diebus enim patrum vestrorum recessistis a legitimis meis et non custodistis revertimini ad me et revertar ad vos dicit Dominus exercituum et dixistis in quo revertemur

vul@Malachi:3:8 @ si adfiget homo Deum quia vos configitis me et dixistis in quo confiximus te in decimis et in primitivis

vul@Malachi:3:9 @ et in penuria vos maledicti estis et me vos configitis gens tota

vul@Malachi:3:10 @ inferte omnem decimam in horreum et sit cibus in domo mea et probate me super hoc dicit Dominus si non aperuero vobis cataractas caeli et effudero vobis benedictionem usque ad abundantiam

vul@Malachi:3:11 @ et increpabo pro vobis devorantem et non corrumpet fructum terrae vestrae nec erit sterilis vinea in agro dicit Dominus exercituum

vul@Malachi:3:12 @ et beatos vos dicent omnes gentes eritis enim vos terra desiderabilis dicit Dominus exercituum

vul@Malachi:3:13 @ invaluerunt super me verba vestra dicit Dominus

vul@Malachi:3:14 @ et dixistis quid locuti sumus contra te dixistis vanus est qui servit Deo et quod emolumentum quia custodivimus praecepta eius et quia ambulavimus tristes coram Domino exercituum

vul@Malachi:3:15 @ ergo nunc beatos dicimus arrogantes siquidem aedificati sunt facientes impietatem et temptaverunt Deum et salvi facti sunt

vul@Malachi:3:16 @ tunc locuti sunt timentes Deum unusquisque cum proximo suo et adtendit Dominus et audivit et scriptus est liber monumenti coram eo timentibus Dominum et cogitantibus nomen eius

vul@Malachi:3:17 @ et erunt mihi ait Dominus exercituum in die qua ego facio in peculium et parcam eis sicut parcit vir filio suo servienti sibi

vul@Malachi:3:18 @ et convertemini et videbitis quid sit inter iustum et impium et inter servientem Deo et non servientem ei