alb - Mark:13:14-37

alb@Mark:13:14 @ Dhe kur të shihni neverinë e shkatërrimit, të parathënë nga profeti Daniel, e cila qëndron atje ku nuk duhej të ishte (ai që lexon le ta kuptojë), atëherë ata që do të jenë në Jude, le të ikin maleve.

alb@Mark:13:15 @ Dhe ai që ndodhet mbi çatinë e shtëpisë, të mos zbresë, dhe as të hyjë në shtëpi për të marrë ndonjë gjë nga shtëpia e vet

alb@Mark:13:16 @ Dhe ai që do të jetë në arë, të mos kthehet prapa për të marrë rrobën e vet.

alb@Mark:13:17 @ Tani mjerë gratë shtatzëna dhe ato me fëmijë në gji në ato ditë!

alb@Mark:13:18 @ Dhe lutuni që ikja juaj të mos ndodhë në dimër.

alb@Mark:13:19 @ Sepse në atë ditë do të jetë një mundim i madh, më i madhi që ka ndodhur që nga zanafilla e krijimit që kreu Perëndia deri më sot, dhe të tillë nuk do të ketë më kurrë.

alb@Mark:13:20 @ Dhe, nëse Zoti nuk do t`i kishte shkurtuar ato ditë, asnjë i gjallë nuk do të shpëtonte; por Zoti i shkurtoi ato ditë për shkak të të zgjedhurve, që ai i zgjodhi.

alb@Mark:13:21 @ Atëherë, nëse dikush do t`ju thotë: "Ja, Krishti është këtu!"; ose "Éshtë atje", mos e besoni.

alb@Mark:13:22 @ Sepse do të dalin krishtër të rremë dhe profetë të rremë dhe do të bëjnë shenja e çudi për të gënjyer, po të jetë e mundur, edhe të zgjedhurit.

alb@Mark:13:23 @ Por ju kini kujdes; ja, unë ju paralajmërova çdo gjë``.

alb@Mark:13:24 @ ``Por në ato ditë, pas atij mundimi, dielli do të erret dhe hëna nuk do të japë shkëlqimin e vet;

alb@Mark:13:25 @ yjet e qiellit do të bien dhe fuqitë që janë në qiej do të lëkunden.

alb@Mark:13:26 @ Atëherë do ta shohin Birin e njeriut duke ardhur në re, me pushtet të madh e me lavdi.

alb@Mark:13:27 @ Atëherë ai do të dërgojë engjëjt e vet dhe do t`i mbledhë të zgjedhurit e vet nga të katër erërat, nga skaji i tokës deri në skaj të qiellit.

alb@Mark:13:28 @ Tani mësoni nga shëmbëlltyra e fikut: kur degët e tij njomësohen dhe nxjerrin gjethe, ju e dini se vera është afër.

alb@Mark:13:29 @ Kështu edhe ju, kur do të shihni se po ndodhin këto gjëra, ta dini se ai është afër, madje te dera.

alb@Mark:13:30 @ Në të vërtetë po ju them se ky brez nuk do të kalojë, derisa e gjithë kjo të ketë ndodhur.

alb@Mark:13:31 @ Qielli dhe toka do të kalojnë, por fjalët e mia nuk do të kalojnë``.

alb@Mark:13:32 @ ``Sa për atë ditë dhe atë orë, askush nuk e di, as engjëjt në qiell, as Biri, por vetëm Ati.

alb@Mark:13:33 @ Tregoni kujdes, rrini zgjuar dhe lutuni, sepse nuk e dini kur do të jetë ai moment.

alb@Mark:13:34 @ Éshtë sikurse një njeriu i cili, duke u nisur për rrugë, lë shtëpinë e vet duke u dhënë autoritet shërbëtorëve të tij, secilit në detyrën e tij, dhe portjerin e urdhëron të rrije zgjuar.

alb@Mark:13:35 @ Rrini zgjuar, pra, sepse nuk e dini kur do të vijë i zoti i shtëpisë: në mbrëmje a në mesnatë, kur këndon gjeli a në mëngjes;

alb@Mark:13:36 @ që ai, duke u kthyer papritmas, të mos ju gjejë në gjumë.

alb@Mark:13:37 @ Tani, këtë që po ju them juve, ua them të gjithëve: Rrini zgjuar!``.