cebuano_ang_biblia_pinadayag

cebuano_ang_biblia_pinadayag@Mark:14:53 @ ¶ Ug ilang gidala si Jesus ngadto sa labawng sacerdote; ug nagtigum ang tanang mga sacerdote nga punoan ug mga anciano ug mga escriba.

cebuano_ang_biblia_pinadayag@Mark:14:54 @ Ug si Pedro nga nagpaantaw misagnunot kaniya hangtud sa sulod, sa hawanan sa tugkaran sa balay sa labawng sacerdote; ug siya milingkod uban sa mga bantay, ug nagpadangdang sa kalayo.

cebuano_ang_biblia_pinadayag@Mark:14:55 @ Ug unya ang mga sacerdote nga punoan ug ang tibuok Sanhedrin nangitag ikabutangbutang batok kang Jesus aron ilang ikapapatay siya; apan wala silay hingkaplagan;

cebuano_ang_biblia_pinadayag@Mark:14:56 @ kay bisan tuod daghan ang misaksig bakak batok kaniya, ang ilang mga pahayag nagkasumpaki.

cebuano_ang_biblia_pinadayag@Mark:14:57 @ Unya dihay nangatubang ingon nga mga saksi, ug batok kaniya naghimo silag mga bakak nga pahayag, nga nanag-ingon,

cebuano_ang_biblia_pinadayag@Mark:14:58 @ "Kami nakadungog kaniya nga nag-ingon, `Gubaon ko kining temploha nga hinimo sa kamot, ug sulod sa tulo ka adlaw patindugon ko ang laing templo nga dili hinimo sa kamot.'"

cebuano_ang_biblia_pinadayag@Mark:14:59 @ Ngani, bisan pa niini, ang ilang pagpamatuod wala magkatukma.

cebuano_ang_biblia_pinadayag@Mark:14:60 @ Ug ang labawng sacerdote mitindog sa taliwala, ug kang Jesus nangutana siya nga nag-ingon, "Wala ka bay ikatubag? Unsa ba kining gipamatuod niining mga tawhana batok kanimo?"

cebuano_ang_biblia_pinadayag@Mark:14:61 @ Apan siya nagpakahilum lamang ug wala motubag. Unya ang labawng sacerdote nangutana pag-usab nganag-ingon, "Ikaw ba ang Cristo, ang Anak sa Dalaygon?"

cebuano_ang_biblia_pinadayag@Mark:14:62 @ Kaniya mitubag si Jesus nga nag-ingon, "Mao ako; ug makita ra unya ninyo ang Anak sa Tawo nga magalingkod sa too sa Gahum ug magaanhi nga inubanan sa mga panganud sa langit."

cebuano_ang_biblia_pinadayag@Mark:14:63 @ Ug ang labawng sacerdote migisi sa iyang kamisola ug miingon, "Nganong magkinahanglan pa kitag mga saksi?

cebuano_ang_biblia_pinadayag@Mark:14:64 @ Kamo na gayud mao ang nakadungog karon sa iyang pagpasipala. Unsay inyong hukom?" Ug silang tanan mihukom nga siya angayng silotan sa kamatayon.

cebuano_ang_biblia_pinadayag@Mark:14:65 @ Ug unya gisugdan sa pipila ang pagpangluwa kaniya, ug sa nataptapan nila ang iyang nawong, gisugdan siya sa pagsumbag nila nga nagkanayon, "Tagnaa!" Ug gipanagdawat siya sa mga bantay dungan sa mga pagsagpa kaniya.

Mark:14:53-65