cebuano_ang_biblia_pinadayag

cebuano_ang_biblia_pinadayag@Mark:15:21 @ Ug ilang gipugos sa pagpas-an sa iyang krus ang usa ka lumalabay nga nagsingabut sa siyudad gikan sa balangay, si Simon nga taga-Cirene, ang amahan nila ni Alejandro ug ni Rufo.

cebuano_ang_biblia_pinadayag@Mark:15:22 @ ¶ Ug ilang gidala si Jesus ngadto sa usa ka dapit nga ginganlan ug Golgota (nga sa ato pa, dapit sa kalabira).

cebuano_ang_biblia_pinadayag@Mark:15:23 @ Ug didto ilang gihatagan siyag bino nga sinambugan ug mirra; apan wala niya kini dawata.

cebuano_ang_biblia_pinadayag@Mark:15:24 @ Ug siya ilang gilansang sa krus, ug ang iyang mga bisti ilang gibahinbahin tali kanila pinaagi sa ripa aron sa pag-ila kon unsang bistiha ang mahibahin alang sa matag-usa.

cebuano_ang_biblia_pinadayag@Mark:15:25 @ Ikasiyam kadto ang takna sa kabuntagon sa ilang paglansang kaniya sa krus.

cebuano_ang_biblia_pinadayag@Mark:15:26 @ Ug ang sumbong batok kaniya gisulat nga nag-ingon, "Ang Hari sa mga Judio."

cebuano_ang_biblia_pinadayag@Mark:15:27 @ Ug uban kaniya ilang gilansang sa krus ang duha ka mga tulisan, usa sa iyang too ug usa sa iyang wala.

cebuano_ang_biblia_pinadayag@Mark:15:28 @ Ug natuman ang kasulatan nga nagaingon, "Giisip siya nga kauban sa mga malinapason."

cebuano_ang_biblia_pinadayag@Mark:15:29 @ "Ug siya gibiaybiay sa mga nanagpangagi, nga nagyangoyango sa ilang mga ulo, ug nanag-ingon, " Aha! Ikaw nga maoy moguba sa templo ug mopatindog niini sulod sa tulo ka adlaw,

cebuano_ang_biblia_pinadayag@Mark:15:30 @ "luwasa ang imong kaugalingon ug kanaug sa krus!"

cebuano_ang_biblia_pinadayag@Mark:15:31 @ "Maingon man usab, ang mga sacerdote nga punoan nanagbugalbugal kaniya, nasig-ingon sa usag usa uban sa mga escriba, " Kana siya nagluwas sa uban, apan sa iyang kaugalingon dili na hinoon makaluwas.

cebuano_ang_biblia_pinadayag@Mark:15:32 @ "Ang Cristo, ang Hari sa Israel! Pakanauga siya karon sa krus, aron makakita kita ug managpanoo." Ug ang mga gilansang sa krus uban kaniya nanamastamas usab kaniya.

Mark:15:21-32