cebuano_ang_biblia_pinadayag

cebuano_ang_biblia_pinadayag@Mark:15:33 @ ¶ Ug sa pag-abut sa ikanapulog-duha ang takna sa kaudtohon, dihay kangingit sa tibuok kayutaan hangtud sa ikatulo ang takna sa hapon.

cebuano_ang_biblia_pinadayag@Mark:15:34 @ Ug sa ikatulo na ang takna sa hapon, si Jesus mituwaw sa makusog nga tingog nga nag-ingon, "Eloi, Eloi, lama sabactani?" nga sa ato pa "Dios ko, Dios ko, nganong gitalikdan mo ako?"

cebuano_ang_biblia_pinadayag@Mark:15:35 @ Ug dihay nanagtindog sa duol, nga sa pagkadungog nila niini, miingon, "Tan-awa, nanawag siya kang Elias."

cebuano_ang_biblia_pinadayag@Mark:15:36 @ Ug dihay midalagan ug sa nakapatuhop siyag ispongha nga natugob sa suka, kini gibutang niya sa tumoy sa bagakay ug gitunol ngadto kaniya aron iyang imnon, ug nag-ingon siya, "Pasagdi, tan-awon ta kon moanhi ba si Elias aron sa paghugos kaniya."

cebuano_ang_biblia_pinadayag@Mark:15:37 @ Ug si Jesus, sa nakatuwaw siya sa makusog nga tingog, nabugtoan sa ginhawa.

cebuano_ang_biblia_pinadayag@Mark:15:38 @ Ug ang tabil sa templo nagilis sa duha ka bahin gikan sa taas ngadto sa ubos.

cebuano_ang_biblia_pinadayag@Mark:15:39 @ Ug sa nakita sa kapitan nga nagtindog sa atbang kaniya, nga sa ingon nabugtoan na siya sa ginhawa, siya miingon, "Sa pagkatinuod kining tawhana anak sa Dios!"

cebuano_ang_biblia_pinadayag@Mark:15:40 @ Ug usab didtoy mga babaye nga nagpanataw sa pagtan-aw, ug ang pipila kanila mao sila si Maria Magdalena, ug si Maria inahan nila ni Santiago nga gamayon ug ni Joses, ug si Salome,

cebuano_ang_biblia_pinadayag@Mark:15:41 @ nga sa didto pa siya sa Galilea nanagkuyog ug nanag-alagad kaniya; ug didtoy daghan pang mga babaye nga mitungas sa Jerusalem uban kaniya.

Mark:15:33-41