alb - Mark:9

alb@Mark:9:1 @ Pastaj u tha atyre: ``Në të vërtetë ju them se midis jush që jeni këtu ka disa që nuk do ta shijojnë vdekjen para se të shohin të vijë me fuqi mbretëria e Perëndisë``.

alb@Mark:9:2 @ Mbas gjashtë ditësh Jezusi mori me vete Pjetrin, Jakobin e Gjonin dhe i çoi në vetmi, vetëm ata, mbi një mal të lartë; dhe u shpërfytyrua përpara tyre.

alb@Mark:9:3 @ Dhe rrobat e tij u bënë të shndritshme dhe krejt të bardha, si bora, më të bardha nga sa nuk mund t`i zbardhojë asnjë rrobalarës mbi tokë.

alb@Mark:9:4 @ Dhe atyre iu shfaqën Elia me Moisiun, që po bisedonin me Jezusin.

alb@Mark:9:5 @ Atëherë Pjetri e mori fjalën dhe i tha Jezusit: ``Mësues, për ne është mirë të jemi këtu; bëjmë, pra, tri çadra: një për ty, një për Moisiun dhe një për Elian!``.

alb@Mark:9:6 @ Në fakt ai nuk dinte çfarë thoshte, sepse ata ishin të trembur.

alb@Mark:9:7 @ Pastaj erdhi një re dhe i mbuloi me hijen e vet; dhe nga reja doli një zë që tha: ``Ky është Biri im i dashur; dëgjojeni!``.

alb@Mark:9:8 @ Dhe menjëherë ata shikuan rreth e qark, por nuk panë më asnjëri, përveçse Jezusi fill i vetëm me ta.

alb@Mark:9:9 @ Tani kur po zbrisnin nga mali, Jezusi i urdhëroi të mos i tregojnë askujt gjërat që kishin parë, derisa i Biri i njeriut të ringjallej prej së vdekuri.

alb@Mark:9:10 @ Ata e mbajtën porosinë dhe diskutonin mes tyre se ç`do të thoshte të ringjallesh prej së vdekuri.

alb@Mark:9:11 @ Pastaj e pyetën duke thënë: ``Përse skribët thonë se më parë duhet të vijë Elia?``.

alb@Mark:9:12 @ Dhe ai, duke u përgjigjur, u tha atyre: ``Elia me të vërtetë duhet të vijë më parë dhe të rivendosë çdo gjë; por, ashtu siç është shkruar për Birin e njeriut, ai duhet të vuajë shumë gjëra dhe të përçmohet.

alb@Mark:9:13 @ Por unë po ju them se Elia erdhi dhe me të bënë ç`deshën, ashtu siç është shkruar për të``.

alb@Mark:9:14 @ Mbasi u kthye te dishepujt, pa një turmë të madhe rreth tyre dhe disa skribë që po grindeshin me ta.

alb@Mark:9:15 @ Dhe menjëherë e gjithë turma, kur e pa, u habit dhe erdhi me vrap për ta përshëndetur.

alb@Mark:9:16 @ Atëherë ai i pyeti skribët: ``Për çfarë po diskutoni me ta?``.

alb@Mark:9:17 @ Dhe dikush nga turma, duke u përgjigjur, tha: ``Mësues, të prura djalin tim që ka një frymë memece,

alb@Mark:9:18 @ dhe e kap kudo, e përplas dhe ai shkumon, kërcëllon dhëmbët dhe i ngrijnë gjymtyrët. Dhe u thashë dishepujve të tu ta dëbojnë, por ata s`e bënë dot.

alb@Mark:9:19 @ Dhe ai duke u përgjigjur tha: ``O brez që s`beson, deri kur do të jem me ju? Deri kur do t`ju duroj? Ma sillni këtu!``.

alb@Mark:9:20 @ Dhe ata ia prunë

alb@Mark:9:21 @ Dhe Jezusi e pyeti babanë e atij: ``Sa kohë ka që i ndodh kështu?``. Dhe ai tha: ``Që në fëmijëri.

alb@Mark:9:22 @ Shpesh e ka hedhur në zjarr dhe në ujë për ta shkatërruar por, nëse mund të bësh diçka, ki mëshirë për ne dhe na ndihmo!``.

alb@Mark:9:23 @ Dhe Jezusi i tha: ``Nëse ti mund të besosh, çdo gjë është e mundshme për atë që beson``.

alb@Mark:9:24 @ Menjëherë babai i fëmijës, duke bërtitur me lot, tha: ``Unë besoj, o Zot, ndihmo mosbesimin tim``.

alb@Mark:9:25 @ Atëherë Jezusi, duke parë se po vinte turma me vrap, e qortoi frymën e ndyrë duke thënë: ``O frymë memece dhe e shurdhët, unë po të urdhëroj, dil prej tij dhe mos hyr më kurrë tek ai!``.

alb@Mark:9:26 @ Dhe demoni, duke bërtitur dhe duke e sfilitur fort, doli prej tij. Dhe fëmija mbeti si i vdekur, saqë shumë njerëz thoshin: ``Ka vdekur``.

alb@Mark:9:27 @ Por Jezusi e zuri për dore, e ngriti dhe ai u çua në këmbë.

alb@Mark:9:28 @ Kur Jezusi hyri në shtëpi, dishepujt e vet e pyetën veçmas: ``Përse ne nuk mundëm ta dëbojmë?``.

alb@Mark:9:29 @ dhe ai u tha atyre: ``Ky lloj frymërash nuk mund të dëbohet ndryshe, përveç, se me lutje dhe agjërim``.

alb@Mark:9:30 @ Mbasi u nisën prej andej, kaluan nëpër Galile; dhe ai nuk donte që ta merrte vesh njeri.

alb@Mark:9:31 @ Ai, në fakt, i mësonte dishepujt e vet dhe u thoshte atyre: ``Së shpejti Biri i njeriut do të dorëzohet në duart e njerëzve dhe ata do ta vrasin; dhe, pasi të jetë vrarë, ai do të ringjallet ditën e tretë``.

alb@Mark:9:32 @ Por ata nuk i kuptonin këto fjalë dhe kishin frikë ta pyesnin.

alb@Mark:9:33 @ Dhe arritën në Kapernaum; dhe kur hyri në shtëpi, i pyeti: ``Për çfarë diskutonit ndërmjet jush rrugës?``.

alb@Mark:9:34 @ Dhe ata heshtën, sepse rrugës kishin diskutuar se cili ndër ta ishte më i madhi.

alb@Mark:9:35 @ Atëherë ai u ul, i thirri të dymbëdhjetët dhe u tha atyre: ``Nëse dikush don të jetë i pari, le të bëhet i fundit i të gjithëve dhe shërbëtori i të gjithëve``.

alb@Mark:9:36 @ Dhe mori një fëmijë të vogël dhe e vuri në mes të tyre; pastaj e mori në krahë dhe u tha atyre:

alb@Mark:9:37 @ ``Cilido që pranon një nga këta fëmijë në emrin tim, më pranon mua; dhe kushdo që më pranon mua, nuk më pranon mua, por atë që më ka dërguar``

alb@Mark:9:38 @ Atëherë Gjoni mori fjalën dhe i tha: ``Mësues, ne pamë një njeri që nuk na ndjek, që i dëbonte demonët në emrin tënd dhe ia ndaluam sepse ai nuk na ndjek``.

alb@Mark:9:39 @ Por Jezusi tha: ``Mos ia ndaloni, sepse s`ka njeri që mund të bëjë një vepër të fuqishme në emrin tim, dhe fill pas kësaj të flasë keq për mua.

alb@Mark:9:40 @ Sepse kush nuk është kundër nesh, është me ne.

alb@Mark:9:41 @ Në fakt, kushdo që do t`ju japë të pini një gotë ujë në emrin tim, sepse jeni të Krishtit, në të vërtetë po ju them se me siguri nuk do ta humbasë shpërblimin e vet``.

alb@Mark:9:42 @ ``Dhe kush do të skandalizojë një nga këta të vegjël që besojnë në mua, do të ishte më mirë për të t`i varet në qafë një gur mulliri dhe të hidhet në det.

alb@Mark:9:43 @ Tani nëse dora jote të skandalizon për mëkat, preje; është më mirë për ty të hysh dorëcung në jetë, sesa të kesh dy duar dhe të shkosh në Gehena, në zjarrin e pashueshëm,

alb@Mark:9:44 @ atje ku krimbi i tyre nuk vdes dhe zja-rri nuk fiket.

alb@Mark:9:45 @ Dhe nëse këmba jote të skandalizon për mëkat, preje; është më mirë për ty të hysh i çalë në jetë, se sa të kesh dy këmbë dhe të të hedhin në Gehena, në zjarrin e pashueshëm,

alb@Mark:9:46 @ atje ku krimbi i tyre nuk vdes dhe zjarri nuk fiket.

alb@Mark:9:47 @ Dhe nëse syri yt të skandalizon për mëkat, nxirre; është më mirë për ty të hysh me një sy në jetë sesa të kesh dy sy dhe të të hedhin në Gehenën e zjarrit,

alb@Mark:9:48 @ atje ku krimbi i tyre nuk vdes dhe zja-rri nuk fiket.

alb@Mark:9:49 @ Sepse gjithkush duhet të kripet me zjarr, dhe çdo fli duhet të kripet me kripë.

alb@Mark:9:50 @ Kripa është e mirë, por nëse kripa bëhet e amësht, me se do t`i jepni shijen? Kini kripë në vetvete dhe jetoni në paqe njëri me tjetrin!``.