cebuano_ang_biblia_pinadayag

cebuano_ang_biblia_pinadayag@Matthew:14:1 @ ¶ Niadtong panahona si Herodes nga gobernador nakadungog sa kabantug ni Jesus.

cebuano_ang_biblia_pinadayag@Matthew:14:2 @ Ug siya miingon sa iyang mga sulogoon, "Kini mao si Juan nga Bautista, gibanhaw gikan sa mga patay; ug mao kanay hinungdan ngano nga kining mga gahuma maabtik diha sa sulod niya."

cebuano_ang_biblia_pinadayag@Matthew:14:3 @ Kay si Herodes ugod mao man ang nagpadakop kang Juan, ug iyang gipagapos siya ug gipabanlud sa bilanggoan tungod kang Herodias nga asawa ni Felipe nga igsoon niya ni Herodes;

cebuano_ang_biblia_pinadayag@Matthew:14:4 @ kay si Juan nakaingon man ugod kaniya, "Dili uyon sa balaod ang paghupot mo kaniya."

cebuano_ang_biblia_pinadayag@Matthew:14:5 @ Ug buot unta niyang patyon siya, apan nahadlok siya sa katawhan kay si Juan ila mang giila nga profeta.

cebuano_ang_biblia_pinadayag@Matthew:14:6 @ Apan sa pag-abut sa adlaw nga sumad sa natawhan ni Herodes, ang babayeng anak ni Herodias misayaw sa atubangan sa mga dinapit ug nakapahimuot kang Herodes,

cebuano_ang_biblia_pinadayag@Matthew:14:7 @ nga tungod niana misaad siya uban sa panumpa nga iyang ihatag kaniya ang bisan unsang butang nga pangayoon niya.

cebuano_ang_biblia_pinadayag@Matthew:14:8 @ Ug ang dalaga, tinudloan sa iyang inahan, miingon, "Ihatag kanako dinhi, sinulod sa bandiha, ang ulo ni Juan nga Bautista"

cebuano_ang_biblia_pinadayag@Matthew:14:9 @ Ug nasubo ang hari; apan tungod sa iyang mga panumpa ug sa iyang mga dinapit, nagsugo siya nga ipahatag kini.

cebuano_ang_biblia_pinadayag@Matthew:14:10 @ Ug iyang gipaadtoan ug gipapunggotan si Juan sulod sa bilanggoan,

cebuano_ang_biblia_pinadayag@Matthew:14:11 @ ug ang ulo niya gihatud sinulod sa bandiha ug gihatag ngadto sa dalaga, ug kini iyang gidala ngadto sa iyang inahan.

cebuano_ang_biblia_pinadayag@Matthew:14:12 @ Ug miabut ang mga tinun-an ni Juan ug ilang gikuha ang iyang lawas ug gilubong; ug nangadto sila ug ilang gisugilon kini kang Jesus.

Matthew:14:1-12