cebuano_ang_biblia_pinadayag

cebuano_ang_biblia_pinadayag@Matthew:15:1 @ ¶ Ug kang Jesus dihay miduol nga mga Fariseo ug mga escriba gikan sa Jerusalem, nga nanag-ingon,

cebuano_ang_biblia_pinadayag@Matthew:15:2 @ "Ngano bang lapason man sa imong mga tinun-an ang kalagdaan nga gikabilin-bilin sa mga katigulangan? Kay inig-pangaon dili sila manghunaw sa ilang mga kamot."

cebuano_ang_biblia_pinadayag@Matthew:15:3 @ Kanila mitubag siya nga nag-ingon, "Ug ngano ba usab nga inyo mang lapason ang sugo sa Dios aron lang pagtuman sa inyong gikabilinbilin nga kalagdaan?

cebuano_ang_biblia_pinadayag@Matthew:15:4 @ Kay ang Dios nagsugo nga nag-ingon, `Tumahud ka sa imong amahan ug sa imong inahan, ug, `Ang magasultig dautan batok sa iyang amahan o inahan, kinahanglan gayud patyon siya.'

cebuano_ang_biblia_pinadayag@Matthew:15:5 @ Apan magaingon kamo, `Kon may makaingon lang ngadto sa iyang amahan o inahan, Ang kapahimuslan mo unta gikan kanako gikahatag ngadto sa Dios, kini siya dili na kinahanglan magtahud pa sa iyang amahan.'

cebuano_ang_biblia_pinadayag@Matthew:15:6 @ Busa, tungod lang sa inyong gikabilinbilin nga kalagdaan, inyong gipakawalay pulos ang pulong sa Dios.

cebuano_ang_biblia_pinadayag@Matthew:15:7 @ Kamong mga maut! Maayo gayud ang pagkahimo ni Isaias sa profesiya mahitungod kaninyo sa iyang pag-ingon:

cebuano_ang_biblia_pinadayag@Matthew:15:8 @ `Kining mga tawhana nagapasidungog kanako pinaagi sa ilang mga ngabil, apan halayo kanako ang ilang kasing-kasing;

cebuano_ang_biblia_pinadayag@Matthew:15:9 @ kawang lamang ang ilang pagsimba kanako, sanglit sa ilang pagpanudlo ila mang gipaka-doctrina ang kalagdaan nga hinimo lamang mga tawo."

cebuano_ang_biblia_pinadayag@Matthew:15:10 @ ¶ Un ya iyang gitawag ang mga tawo ngadto kaniya ug miingon siya kanila, "Paminawa ug sabta ninyo kini:

cebuano_ang_biblia_pinadayag@Matthew:15:11 @ dili ang magasulod sa baba mao an makapahugaw sa tawo; kondili ang magagula sa baba, kini mao ang makapahugaw sa tawo."

cebuano_ang_biblia_pinadayag@Matthew:15:12 @ Unya miduol ang mga tinun-an ug miingon kaniya, "Nasayud ka ba nga ang mga Fariseo gingil-aran sa ilang pagkadungog sa imong sulti?"

cebuano_ang_biblia_pinadayag@Matthew:15:13 @ Siya mitubag nga nag-ingon, "Ang matag-usa ka tanum nga dili tinanum sa akong Amahan nga langitnon, kini pagaibton.

cebuano_ang_biblia_pinadayag@Matthew:15:14 @ Pasagdi lang ninyo sila; sila mga magtotultol nga buta. Ug kon ang buta magaguyod ug buta, sa gahong mangahulog silang duha."

cebuano_ang_biblia_pinadayag@Matthew:15:15 @ Apan si Pedro miingon kaniya, "Isaysay kanamo ang sambingay."

cebuano_ang_biblia_pinadayag@Matthew:15:16 @ Ug siya miingon kanila, "Wala ba gihapon usab kamoy pagsabut?

cebuano_ang_biblia_pinadayag@Matthew:15:17 @ Wala ba ninyo palandunga nga bisan unsay magasulod sa baba moagi lamang sulod sa tiyan ug unya igaitsa ra sa gawas?

cebuano_ang_biblia_pinadayag@Matthew:15:18 @ Apan ang manggula sa baba anha gikan sa kasingkasing, ug mao kini ang makapahugaw sa tawo.

cebuano_ang_biblia_pinadayag@Matthew:15:19 @ Kay gikan sa kasingkasing nagagula ang mga dautang hunahuna, pagbuno, panapaw, pakighilawas, pangawat, pagsaksig bakak, panulti sa pagbuling sa dungog.

cebuano_ang_biblia_pinadayag@Matthew:15:20 @ Mao kini anag makapahugaw sa tawo; apan ang pagkaon nga walay pupanghunaw sa kamot dili makapahugaw sa tawo."

Matthew:15:1-20