cebuano_ang_biblia_pinadayag

cebuano_ang_biblia_pinadayag@Matthew:22:1 @ ¶ Ug kanila misulti si Jesus pag-usab pinaagi sa mga sambingay, nga nag-ingon,

cebuano_ang_biblia_pinadayag@Matthew:22:2 @ "Ang gingharian sa langit sama sa usa ka hari nga naghimog kombira sa kasal alang sa iyang anak nga lalaki,

cebuano_ang_biblia_pinadayag@Matthew:22:3 @ ug nagsugo sa iyang mga ulipon sa pagtawag sa mga dinapitsa kombira sa kasal; apan nanagdumili sila sa pagtambong.

cebuano_ang_biblia_pinadayag@Matthew:22:4 @ Ug nagpaadto na usab siyag uban pang mga ulipon nga iyang giingnan, `Ingna ang mga dinapit, Tan-awa, nahikay ko na ang akong kombira, naihaw na ang akong mga baka ug ang akong mga nati nga pinatambok, ug andam na ang tanan; busa, pangadto na kamo sa kombira.'

cebuano_ang_biblia_pinadayag@Matthew:22:5 @ Apan ang mga dinapit wala lang manumbaling niini ug nanglakaw hinoon sila, usa paingon sa iyang uma, ug usa paingon sa iyang patigayon,

cebuano_ang_biblia_pinadayag@Matthew:22:6 @ samtang ang uban nanagdakop sa iyang mga ulipon, ug ilang gidagmalan ug gipamatay sila.

cebuano_ang_biblia_pinadayag@Matthew:22:7 @ Ug ang hari nasuko, ug gipaadtoan niya sa iyang mga sundalo ug gipapatay ang maong mga mamumuno ug gipasunog ang ilang siyudad.

cebuano_ang_biblia_pinadayag@Matthew:22:8 @ Ug siya miingon sa iyang mga ulipon, `Andam na ang kombira sa kasal, apan dili takus kadtong mga dinapit.

cebuano_ang_biblia_pinadayag@Matthew:22:9 @ Busa pangadto hinoon kamo sa kadalanan, ug bisan kinsay inyong ihibalag didto, dapita ninyo sila sa kombira.'

cebuano_ang_biblia_pinadayag@Matthew:22:10 @ Ug ang mga ulipon miadto sa kadalanan ug ilang gitigum ang tanan nga ilang gihibalag, mga dautan ug mga maayo; ug ang kombirahan sa kasal napuno sa mga dinapit.

cebuano_ang_biblia_pinadayag@Matthew:22:11 @ "Apan sa pagsulod sa hari aron sa pagtan-aw sa mga dinapit, nakita niya didto ang usa ka tawo nga wala magsul-ob ug bisti alang sa kombira sa kasal;

cebuano_ang_biblia_pinadayag@Matthew:22:12 @ ug siya miingon kaniya, `Migo, naunsa ba nga misulod ka man dinhi nga wala magsul-ob ug bisti nga angay sa kasal?' Ug ang tawo wala makatingog.

cebuano_ang_biblia_pinadayag@Matthew:22:13 @ Ug ang hari miingon sa iyang mga sulogoon, `Gapusa ninyo siya sa tiil ug kamot, ug ilabay ninyo siya ngadto sa labawng kangitngitan sa gowa; didto ang mga tawo managpanghilak ug managkagot sa ilang mga ngipon.'

cebuano_ang_biblia_pinadayag@Matthew:22:14 @ Kay daghan ang gipanagtawag apan diyutay ra ang pagapilion."

Matthew:22:1-14