alb - Matthew:25:1-30

alb@Matthew:25:1 @ ``Atëherë mbretëria e qiejve do t`u ngjajë dhjetë virgjëreshave, të cilat i morën llampat e tyre, dhe i dolën para dhëndrit.

alb@Matthew:25:2 @ Tani pesë nga ato ishin të mençura dhe pesë budallaçka.

alb@Matthew:25:3 @ Budallaçkat, kur morën llampat e tyre, nuk morën me vet vajin;

alb@Matthew:25:4 @ kurse të mençurat, bashkë me llampat, morën edhe vajin në enët e tyre.

alb@Matthew:25:5 @ Tani, duke qenë se dhëndri po vononte, dremitën të gjitha dhe i zuri gjumi.

alb@Matthew:25:6 @ Aty nga mesnata u dëgjua një britmë: "Ja, po vjen dhëndri, i dilni para!".

alb@Matthew:25:7 @ Atëherë të gjitha ato virgjëreshat u zgjuan dhe përgatitën llampat e tyre.

alb@Matthew:25:8 @ Dhe budallaçkat u thanë të mençurave: "Na jepni nga vaji juaj, sepse llampat tona po na fiken".

alb@Matthew:25:9 @ Por të mençurat duke u përgjigjur thanë: "Jo, sepse nuk do të mjaftonte as për ne e as për ju; më mirë shkoni te tregtarët dhe e blini"

alb@Matthew:25:10 @ Tani kur ato shkuan ta blejnë, erdhi dhëndri; virgjëreshat që ishin gati, hynë bashkë me të në dasmë; dhe dera u mbyll.

alb@Matthew:25:11 @ Më pas erdhën edhe virgjëreshat e tjera, duke thënë: "Zot, zot, hapna".

alb@Matthew:25:12 @ Por ai, duke u përgjigjur, tha: "Në të vërtetë po ju them se nuk ju njoh".

alb@Matthew:25:13 @ Prandaj rrini zgjuar, sepse nuk e dini as ditën as orën në të cilët do të vijë Biri i njeriut``.

alb@Matthew:25:14 @ ``Mbretëria e qiejve i ngjan gjithashtu një njeriu, që, kur po nisej për një udhëtim, i thirri shërbëtorët e tij dhe u besoi pasuritë e veta.

alb@Matthew:25:15 @ Njërit i dha pesë talenta, tjetrit dy dhe një tjetri një; secilit sipas zotësisë së tij; dhe u nis fill.

alb@Matthew:25:16 @ Tani ai që kishte marrë të pesë talentat shkoi, dhe bëri tregti me to dhe fitoi pesë të tjerë.

alb@Matthew:25:17 @ Po ashtu edhe ai që kishte marrë dy talenta fitoi edhe dy të tjerë.

alb@Matthew:25:18 @ Por kurse ai që kishte marrë një, shkoi, hapi një gropë në dhe dhe e fshehu denarin e zotit të vet.

alb@Matthew:25:19 @ Tani mbas një kohe të gjatë, u kthye zoti i atyre shërbëtorëve dhe i bëri llogaritë me ta.

alb@Matthew:25:20 @ Dhe ai që kishte marrë të pesë talentat doli përpara dhe i paraqiti pesë të tjerë, duke thënë: "Zot, ti më besove pesë talenta; ja, me ato unë fitova pesë talenta të tjerë".

alb@Matthew:25:21 @ Dhe i zoti i tha: "Të lumtë, shërbëtor i mirë dhe besnik; ti u tregove besnik në gjëra të vogla, unë do të të vë mbi shumë gjëra; hyr në gëzimin e zotit tënd".

alb@Matthew:25:22 @ Pastaj erdhi edhe ai që kishte marrë të dy talenta dhe tha: "Zot, ti më besove dy talenta; ja, me ato unë fitova dy talenta të tjerë".

alb@Matthew:25:23 @ Dhe zoti i tij i tha: "Të lumtë, shërbëtor i mirë dhe besnik; ti u tregove besnik në gjëra të vogla; unë do të të vë mbi shumë gjëra; hyr në gëzimin e zotit tënd".

alb@Matthew:25:24 @ Në fund erdhi edhe ai që kishte marrë vetëm një talent dhe tha: "Zot, unë e dija se je njeri i ashpër, që korr atje ku nuk ke mbjellë dhe vjel ku nuk ke shpërndarë,

alb@Matthew:25:25 @ prandaj pata frikë dhe shkova dhe e fsheha talentin tënd nën tokë; ja, unë po ta kthej".

alb@Matthew:25:26 @ Dhe i zoti duke i përgjigjur i tha: "Shërbëtor i mbrapshtë dhe përtac, ti e dije se unë korr atje ku nuk kam mbjellë dhe vjel aty ku nuk kam shpërndarë;

alb@Matthew:25:27 @ Ti duhet t`ia kishe besuar denarin tim bankierëve dhe kështu, në kthimin tim, do ta kisha marrë me interes.

alb@Matthew:25:28 @ Prandaj ia hiqni këtij talentin dhe ia jepni atij që ka dhjetë talenta.

alb@Matthew:25:29 @ Sepse atij që ka do t`i jepet edhe më e do të ketë me bollëk të madh, por atij që nuk ka, do t`i merret edhe ajo që ka.

alb@Matthew:25:30 @ Dhe flakeni në errësirën e jashtme këtë shërbëtor të pavlefshëm. Atje do të jetë e qara dhe kërcëllim dhëmbësh"``.