cebuano_ang_biblia_pinadayag - Matthew:26:17-30

cebuano_ang_biblia_pinadayag@Matthew:26:17 @ ¶ Ug sa nahaunang adlaw sa fiesta sa Tinapay nga Walay Igapapatubo, si Jesus giadto sa mga tinun-an nga nanag-ingon, "Asa man ang gusto mong hikayan namo alang kanimo sa imong pagkaon sa pasko?"

cebuano_ang_biblia_pinadayag@Matthew:26:18 @ Ug siya miingon kanila, "Adtoa ninyo ang usa ka tawo sa siyudad, ug ingna ninyo siya, `Ang Magtutudlo nagaingon, Ang akong panahon haduol na, ug saulogon ko ang pasko dinhi sa imong balay uban sa akong mga tinun-an.'"

cebuano_ang_biblia_pinadayag@Matthew:26:19 @ Ug gibuhat sa mga tinun-an ang gisugo kanila ni Jesus, ug ilang gihikay ang pasko.

cebuano_ang_biblia_pinadayag@Matthew:26:20 @ Ug sa pagkasawomsom na, siya mitambong sa kan-anan uban sa napulogduha ka mga tinun-an;

cebuano_ang_biblia_pinadayag@Matthew:26:21 @ ug samtang nangaon sila, siya miingon kanila, "Sa pagkatinuod, magaingon ako kaninyo, nga usa kaninyo magabudhi kanako."

cebuano_ang_biblia_pinadayag@Matthew:26:22 @ Ug sila nanagsubo pag-ayo, ug misugod sila sa pagtinagsag ingon kaniya, "Ako ba, Ginoo?"

cebuano_ang_biblia_pinadayag@Matthew:26:23 @ Siya mitubag nga nag-ingon, "Ang nagatuslob sa iyang kamot sa panaksan uban kanako, siya mao ang magabudhi kanako.

cebuano_ang_biblia_pinadayag@Matthew:26:24 @ Ang Anak sa Tawo mopahawa sumala sa nahisulat mahitungod kaniya, apan alaut kadtong tawhana nga mao ang magabudhi sa Anak sa Tawo! Maayo pa lang unta hinoon alang niadtong tawhana kon wala siya matawo."

cebuano_ang_biblia_pinadayag@Matthew:26:25 @ Ug si Judas nga mao ang nagtugyan kaniya, miingon, "Magtutudlo, ako ba?" Siya mitubag kaniya, "Ang giingon mo, mao."

cebuano_ang_biblia_pinadayag@Matthew:26:26 @ ¶ Ug samtang nangaon sila, si Jesus mikuhag tinapay, ug sa nakapanalangin na siya niini, kini iyang gipikaspikas ug ngadto sa mga tinun-an gihatag niya nga nag-ingon, "Komuha ug komaon kamo; kini mao ang akong lawas."

cebuano_ang_biblia_pinadayag@Matthew:26:27 @ Ug gikuha niya ang kopa, ug sa nakapasalamat na siya, kanila gihatag kini niya nga nag-ingon, "Uminom kamo niini, kamong tanan;

cebuano_ang_biblia_pinadayag@Matthew:26:28 @ kay kini mao ang akong dugo sa pakigsaad, nga igaula alang sa daghan sa kapasayloan sa mga sala.

cebuano_ang_biblia_pinadayag@Matthew:26:29 @ Ug sultihan ko kamo, nga ako dili na moinom pag-usab niining gikan sa bunga sa parras hangtud niadtong adlawa nga magainom ako sa bag-o niini uban kaninyo diha sa gingharian sa akong Amahan."

cebuano_ang_biblia_pinadayag@Matthew:26:30 @ Ug sa nakaawit silag usa ka awit, sila nangadto sa Bungtod sa mga Olivo.