cebuano_ang_biblia_pinadayag - Matthew:26:57-68

cebuano_ang_biblia_pinadayag@Matthew:26:57 @ ¶ Ug si Jesus gidala sa mga nanag-dakop kaniya ngadto kang Caifas, ang labawng sacerdote, diin nanagkatigum ang mga escriba ug ang mga anciano.

cebuano_ang_biblia_pinadayag@Matthew:26:58 @ Apan si Pedro nga nagpaantaw minunot kaniya hangtud sa hawanan sa tugkaran sa balay sa labawng sacerdote, ug sa paghisulod na niya milingkod siya uban sa mga bantay aron sa pagtan-aw sa sangputan.

cebuano_ang_biblia_pinadayag@Matthew:26:59 @ Unya ang mga sacerdote nga punoan ug ang tibuok nga Sanhedrin nangitag ikabutangbutang batok kang Jesus aron ilang ikapapatay siya,

cebuano_ang_biblia_pinadayag@Matthew:26:60 @ apan wala silay hingkaplagan, bisan tuod nangatubang ang daghang mga bakakon nga saksi. Sa katapusan dihay duroha nga miduol.

cebuano_ang_biblia_pinadayag@Matthew:26:61 @ ug miingon, "Kining tawhana nag-ingon, `Makahimo ako sa pagguba sa templo sa Dios, ug sa pagpatindog niini pag-usab sulod sa tulo ka adlaw.'"

cebuano_ang_biblia_pinadayag@Matthew:26:62 @ Ug mitindog ang labawng sacerdote ug miingon kaniya, "Wala ka bay ikatubag? Unsa ba kining gipamatuod niining mga tawhana batok kanimo?"

cebuano_ang_biblia_pinadayag@Matthew:26:63 @ Apan si Jesus nagpakahilum lamang. Ug ang labawng sacerdote miingon kaniya, "Nagasugo ako kanimo sa pagtug-an kanamo, ubos sa panumpa tungod sa buhing Dios, kon ikaw mao ba ang Cristo, ang Anak sa Dios."

cebuano_ang_biblia_pinadayag@Matthew:26:64 @ Kaniya si Jesus mitubag nga nag-ingon, "Sumala sa giingon mo, mao ako. Apan sultihan ko kamo nga makita ra unya ninyo ang Anak sa Tawo nga magalingkod sa too sa Gahum, ug magaanhi nga sinapwang sa mga panganud sa langit."

cebuano_ang_biblia_pinadayag@Matthew:26:65 @ Ug ang labawng sacerdote migisi sa iyang mga sapot ug miingon, "Nakasulti siyag pasipala! Nganong magkinahanglan pa kitag mga saksi? Kamo na gayud mao ang nakadungog karon sa iyang pagpasipala.

cebuano_ang_biblia_pinadayag@Matthew:26:66 @ Unsay inyong hukom?" Sila mitubag nga nanag-ingon, "Siya angayng silotan sa kamatayon."

cebuano_ang_biblia_pinadayag@Matthew:26:67 @ Unya ilang gilud-an siya sa nawong, ug ilang gipanagsumbag siya; ug gisagpa siya sa uban

cebuano_ang_biblia_pinadayag@Matthew:26:68 @ nga nanag-ingon, "Tagnai kami, Cristo! Kinsay nagsumbag kanimo?"