Matthew:5:1-12
alb@Matthew:5:1 @ Dhe ai, kur pa turmat, u ngjit në mal dhe, pasi u ul, iu afruan dishepujt e tij.
alb@Matthew:5:2 @ Atëherë ai hapi gojën dhe i mësoi duke u thënë:
alb@Matthew:5:3 @ ``Lum skamësit në frymë, sepse e tyre është mbretëria e qiejve.
alb@Matthew:5:4 @ Lum ata që vajtojnë, sepse ata do të ngushëllohen.
alb@Matthew:5:5 @ Lum ata që janë zemërbutë, sepse ata do ta trashëgojnë tokën.
alb@Matthew:5:6 @ Lum ata që janë të uritur dhe të etur për drejtësi, sepse ata do të ngopen.
alb@Matthew:5:7 @ Lum ata që janë të mëshirshëm, sepse ata do të gjejnë mëshirë.
alb@Matthew:5:8 @ Lum ata që janë të pastër në zemër, sepse ata do ta shohin Perëndinë.
alb@Matthew:5:9 @ Lum ata që përpiqen për paqen, sepse ata do të quhen bij të Perëndisë.
alb@Matthew:5:10 @ Lum ata që janë përndjekur për hir të drejtësisë, sepse e tyre është mbretëria e qiejve.
alb@Matthew:5:11 @ Lum ju kur do t`ju shajnë dhe do t`ju përndjekin dhe, duke gënjyer, do të thonë të gjitha të zezat kundër jush, për shkakun tim.
alb@Matthew:5:12 @ Gëzohuni dhe ngazëllohuni, sepse shpërblimi juaj është i madh në qiej, sepse kështu i kanë përndjekur profetët që qenë para jush``