Nehemiah:6:15-7:3
vul@Nehemiah:6:15 @ conpletus est autem murus vicesimo quinto die mensis elul quinquaginta duobus diebus
vul@Nehemiah:6:16 @ factum est ergo cum audissent omnes inimici nostri ut timerent universae gentes quae erant in circuitu nostro et conciderent intra semet ipsos et scirent quod a Deo factum esset opus hoc
vul@Nehemiah:6:17 @ sed et in diebus illis multae optimatium Iudaeorum epistulae mittebantur ad Tobiam et a Tobia veniebant ad eos
vul@Nehemiah:6:18 @ multi enim erant in Iudaea habentes iuramentum eius quia gener erat Secheniae filii Orei et Iohanan filius eius acceperat filiam Mosollam filii Barachiae
vul@Nehemiah:6:19 @ sed et laudabant eum coram me et verba mea nuntiabant ei et Tobias mittebat epistulas ut terreret me
vul@Nehemiah:7:1 @ postquam autem aedificatus est murus et posui valvas et recensui ianitores et cantores et Levitas
vul@Nehemiah:7:2 @ praecepi Aneni fratri meo et Ananiae principi domus de Hierusalem ipse enim quasi vir verax et timens Deum plus ceteris videbatur
vul@Nehemiah:7:3 @ et dixi eis non aperiantur portae Hierusalem usque ad calorem solis cumque adhuc adsisterent clausae portae sunt et oppilatae et posui custodes de habitatoribus Hierusalem singulos per vices suas et unumquemque contra domum suam