vul - Numbers:11:4-35

vul@Numbers:11:4 @ vulgus quippe promiscuum quod ascenderat cum eis flagravit desiderio sedens et flens iunctis sibi pariter filiis Israhel et ait quis dabit nobis ad vescendum carnes

vul@Numbers:11:5 @ recordamur piscium quos comedebamus in Aegypto gratis in mentem nobis veniunt cucumeres et pepones porrique et cepae et alia

vul@Numbers:11:6 @ anima nostra arida est nihil aliud respiciunt oculi nostri nisi man

vul@Numbers:11:7 @ erat autem man quasi semen coriandri coloris bdellii

vul@Numbers:11:8 @ circuibatque populus et colligens illud frangebat mola sive terebat in mortario coquens in olla et faciens ex eo tortulas saporis quasi panis oleati

vul@Numbers:11:9 @ cumque descenderet nocte super castra ros descendebat pariter et man

vul@Numbers:11:10 @ audivit ergo Moses flentem populum per familias singulos per ostia tentorii sui iratusque est furor Domini valde sed et Mosi intoleranda res visa est

vul@Numbers:11:11 @ et ait ad Dominum cur adflixisti servum tuum quare non invenio gratiam coram te et cur inposuisti pondus universi populi huius super me

vul@Numbers:11:12 @ numquid ego concepi omnem hanc multitudinem vel genui eam ut dicas mihi porta eos in sinu tuo sicut portare solet nutrix infantulum et defer in terram pro qua iurasti patribus eorum

vul@Numbers:11:13 @ unde mihi carnes ut dem tantae multitudini flent contra me dicentes da nobis carnes ut comedamus

vul@Numbers:11:14 @ non possum solus sustinere omnem hunc populum quia gravis mihi est

vul@Numbers:11:15 @ sin aliter tibi videtur obsecro ut interficias me et inveniam gratiam in oculis tuis ne tantis adficiar malis

vul@Numbers:11:16 @ et dixit Dominus ad Mosen congrega mihi septuaginta viros de senibus Israhel quos tu nosti quod senes populi sint ac magistri et duces eos ad ostium tabernaculi foederis faciesque ibi stare tecum

vul@Numbers:11:17 @ ut descendam et loquar tibi et auferam de spiritu tuo tradamque eis ut sustentent tecum onus populi et non tu solus graveris

vul@Numbers:11:18 @ populo quoque dices sanctificamini cras comedetis carnes ego enim audivi vos dicere quis dabit nobis escas carnium bene nobis erat in Aegypto ut det vobis Dominus carnes et comedatis

vul@Numbers:11:19 @ non uno die nec duobus vel quinque aut decem nec viginti quidem

vul@Numbers:11:20 @ sed usque ad mensem dierum donec exeat per nares vestras et vertatur in nausiam eo quod reppuleritis Dominum qui in medio vestri est et fleveritis coram eo dicentes quare egressi sumus ex Aegypto

vul@Numbers:11:21 @ et ait Moses sescenta milia peditum huius populi sunt et tu dicis dabo eis esum carnium mense integro

vul@Numbers:11:22 @ numquid ovium et boum multitudo caedetur ut possit sufficere ad cibum vel omnes pisces maris in unum congregabuntur ut eos satient

vul@Numbers:11:23 @ cui respondit Dominus numquid manus Domini invalida est iam nunc videbis utrum meus sermo opere conpleatur

vul@Numbers:11:24 @ venit igitur Moses et narravit populo verba Domini congregans septuaginta viros de senibus Israhel quos stare fecit circa tabernaculum

vul@Numbers:11:25 @ descenditque Dominus per nubem et locutus est ad eum auferens de spiritu qui erat in Mosen et dans septuaginta viris cumque requievisset in eis spiritus prophetaverunt nec ultra cessarunt

vul@Numbers:11:26 @ remanserant autem in castris duo viri quorum unus vocabatur Heldad et alter Medad super quos requievit spiritus nam et ipsi descripti fuerant et non exierant ad tabernaculum

vul@Numbers:11:27 @ cumque prophetarent in castris cucurrit puer et nuntiavit Mosi dicens Heldad et Medad prophetant in castris

vul@Numbers:11:28 @ statim Iosue filius Nun minister Mosi et electus e pluribus ait domine mi Moses prohibe eos

vul@Numbers:11:29 @ at ille quid inquit aemularis pro me quis tribuat ut omnis populus prophetet et det eis Dominus spiritum suum

vul@Numbers:11:30 @ reversusque est Moses et maiores natu Israhel in castra

vul@Numbers:11:31 @ ventus autem egrediens a Domino arreptas trans mare coturnices detulit et dimisit in castra itinere quantum uno die confici potest ex omni parte castrorum per circuitum volabantque in aere duobus cubitis altitudine super terram

vul@Numbers:11:32 @ surgens ergo populus toto die illo et nocte ac die altero congregavit coturnicum qui parum decem choros et siccaverunt eas per gyrum castrorum

vul@Numbers:11:33 @ adhuc carnes erant in dentibus eorum nec defecerat huiuscemodi cibus et ecce furor Domini concitatus in populum percussit eum plaga magna nimis

vul@Numbers:11:34 @ vocatusque est ille locus sepulchra Concupiscentiae ibi enim sepelierunt populum qui desideraverat egressi autem de sepulchris Concupiscentiae venerunt in Aseroth et manserunt ibi