Numbers:23-24
vul@Numbers:23:1 @ dixitque Balaam ad Balac aedifica mihi hic septem aras et para totidem vitulos eiusdemque numeri arietes
vul@Numbers:23:2 @ cumque fecisset iuxta sermonem Balaam inposuerunt simul vitulum et arietem super aram
vul@Numbers:23:3 @ dixitque Balaam ad Balac sta paulisper iuxta holocaustum tuum donec vadam si forte occurrat mihi Dominus et quodcumque imperaverit loquar tibi
vul@Numbers:23:4 @ cumque abisset velociter occurrit ei Deus locutusque ad eum Balaam septem inquit aras erexi et inposui vitulum et arietem desuper
vul@Numbers:23:5 @ Dominus autem posuit verbum in ore eius et ait revertere ad Balac et haec loqueris
vul@Numbers:23:6 @ reversus invenit stantem Balac iuxta holocaustum suum et omnes principes Moabitarum
vul@Numbers:23:7 @ adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel
vul@Numbers:23:8 @ quomodo maledicam cui non maledixit Deus qua ratione detester quem Dominus non detestatur
vul@Numbers:23:9 @ de summis silicibus videbo eum et de collibus considerabo illum populus solus habitabit et inter gentes non reputabitur
vul@Numbers:23:10 @ quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia
vul@Numbers:23:11 @ dixitque Balac ad Balaam quid est hoc quod agis ut malediceres inimicis vocavi te et tu e contrario benedicis eis
vul@Numbers:23:12 @ cui ille respondit num aliud possum loqui nisi quod iusserit Dominus
vul@Numbers:23:13 @ dixit ergo Balac veni mecum in alterum locum unde partem Israhelis videas et totum videre non possis inde maledicito ei
vul@Numbers:23:14 @ cumque duxisset eum in locum sublimem super verticem montis Phasga aedificavit Balaam septem aras et inpositis supra vitulo atque ariete
vul@Numbers:23:15 @ dixit ad Balac sta hic iuxta holocaustum tuum donec ego pergam obvius
vul@Numbers:23:16 @ cui cum Dominus occurrisset posuissetque verbum in ore eius ait revertere ad Balac et haec loqueris ei
vul@Numbers:23:17 @ reversus invenit eum stantem iuxta holocaustum suum et principes Moabitarum cum eo ad quem Balac quid inquit locutus est Dominus
vul@Numbers:23:18 @ at ille adsumpta parabola sua ait sta Balac et ausculta audi fili Sepphor
vul@Numbers:23:19 @ non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit
vul@Numbers:23:20 @ ad benedicendum adductus sum benedictionem prohibere non valeo
vul@Numbers:23:21 @ non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo
vul@Numbers:23:22 @ Deus eduxit eum de Aegypto cuius fortitudo similis est rinocerotis
vul@Numbers:23:23 @ non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus
vul@Numbers:23:24 @ ecce populus ut leaena consurget et quasi leo erigetur non accubabit donec devoret praedam et occisorum sanguinem bibat
vul@Numbers:23:25 @ dixitque Balac ad Balaam nec maledicas ei nec benedicas
vul@Numbers:23:26 @ et ille nonne ait dixi tibi quod quicquid mihi Deus imperaret hoc facerem
vul@Numbers:23:27 @ et ait Balac ad eum veni et ducam te ad alium locum si forte placeat Deo ut inde maledicas eis
vul@Numbers:23:28 @ cumque duxisset eum super verticem montis Phogor qui respicit solitudinem
vul@Numbers:23:29 @ dixit ei Balaam aedifica mihi hic septem aras et para totidem vitulos eiusdemque numeri arietes
vul@Numbers:23:30 @ fecit Balac ut Balaam dixerat inposuitque vitulos et arietes per singulas aras
vul@Numbers:24:1 @ cumque vidisset Balaam quod placeret Domino ut benediceret Israheli nequaquam abiit ut ante perrexerat ut augurium quaereret sed dirigens contra desertum vultum suum
vul@Numbers:24:2 @ et elevans oculos vidit Israhel in tentoriis commorantem per tribus suas et inruente in se spiritu Dei
vul@Numbers:24:3 @ adsumpta parabola ait dixit Balaam filius Beor dixit homo cuius obturatus est oculus
vul@Numbers:24:4 @ dixit auditor sermonum Dei qui visionem Omnipotentis intuitus est qui cadit et sic aperiuntur oculi eius
vul@Numbers:24:5 @ quam pulchra tabernacula tua Iacob et tentoria tua Israhel
vul@Numbers:24:6 @ ut valles nemorosae ut horti iuxta fluvios inrigui ut tabernacula quae fixit Dominus quasi cedri propter aquas
vul@Numbers:24:7 @ fluet aqua de situla eius et semen illius erit in aquas multas tolletur propter Agag rex eius et auferetur regnum illius
vul@Numbers:24:8 @ Deus eduxit illum de Aegypto cuius fortitudo similis est rinocerotis devorabunt gentes hostes illius ossaque eorum confringent et perforabunt sagittis
vul@Numbers:24:9 @ accubans dormivit ut leo et quasi leaena quam suscitare nullus audebit qui benedixerit tibi erit ipse benedictus qui maledixerit in maledictione reputabitur
vul@Numbers:24:10 @ iratusque Balac contra Balaam conplosis manibus ait ad maledicendum inimicis meis vocavi te quibus e contrario tertio benedixisti
vul@Numbers:24:11 @ revertere ad locum tuum decreveram quidem magnifice honorare te sed Dominus privavit te honore disposito
vul@Numbers:24:12 @ respondit Balaam ad Balac nonne nuntiis tuis quos misisti ad me dixi
vul@Numbers:24:13 @ si dederit mihi Balac plenam domum suam argenti et auri non potero praeterire sermonem Domini Dei mei ut vel boni quid vel mali proferam ex corde meo sed quicquid Dominus dixerit hoc loquar
vul@Numbers:24:14 @ verumtamen pergens ad populum meum dabo consilium quid populus tuus huic populo faciat extremo tempore
vul@Numbers:24:15 @ sumpta igitur parabola rursum ait dixit Balaam filius Beor dixit homo cuius obturatus est oculus
vul@Numbers:24:16 @ dixit auditor sermonum Dei qui novit doctrinam Altissimi et visiones Omnipotentis videt qui cadens apertos habet oculos
vul@Numbers:24:17 @ videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth
vul@Numbers:24:18 @ et erit Idumea possessio eius hereditas Seir cedet inimicis suis Israhel vero fortiter aget
vul@Numbers:24:19 @ de Iacob erit qui dominetur et perdat reliquias civitatis
vul@Numbers:24:20 @ cumque vidisset Amalech adsumens parabolam ait principium gentium Amalech cuius extrema perdentur
vul@Numbers:24:21 @ vidit quoque Cineum et adsumpta parabola ait robustum est quidem habitaculum tuum sed si in petra posueris nidum tuum
vul@Numbers:24:22 @ et fueris electus de stirpe Cain quamdiu poteris permanere Assur enim capiet te
vul@Numbers:24:23 @ adsumptaque parabola iterum locutus est heu quis victurus est quando ista faciet Deus
vul@Numbers:24:24 @ venient in trieribus de Italia superabunt Assyrios vastabuntque Hebraeos et ad extremum etiam ipsi peribunt
vul@Numbers:24:25 @ surrexitque Balaam et reversus est in locum suum Balac quoque via qua venerat rediit
vul@Numbers:25:1 @ morabatur autem eo tempore Israhel in Setthim et fornicatus est populus cum filiabus Moab