Numbers:28:16-29:40
vul@Numbers:28:16 @ mense autem primo quartadecima die mensis phase Domini erit
vul@Numbers:28:17 @ et quintadecima die sollemnitas septem diebus vescentur azymis
vul@Numbers:28:18 @ quarum dies prima venerabilis et sancta erit omne opus servile non facietis in ea
vul@Numbers:28:19 @ offeretisque incensum holocaustum Domino vitulos de armento duos arietem unum agnos anniculos inmaculatos septem
vul@Numbers:28:20 @ et sacrificia singulorum ex simila quae conspersa sit oleo tres decimas per singulos vitulos et duas decimas per arietem
vul@Numbers:28:21 @ et decimam decimae per agnos singulos id est per septem agnos
vul@Numbers:28:22 @ et hircum pro peccato unum ut expietur pro vobis
vul@Numbers:28:23 @ praeter holocaustum matutinum quod semper offertis
vul@Numbers:28:24 @ ita facietis per singulos dies septem dierum in fomitem ignis et in odorem suavissimum Domino qui surget de holocausto et de libationibus singulorum
vul@Numbers:28:25 @ dies quoque septimus celeberrimus et sanctus erit vobis omne opus servile non facietis in eo
vul@Numbers:28:26 @ dies etiam primitivorum quando offertis novas fruges Domino expletis ebdomadibus venerabilis et sancta erit omne opus servile non facietis in ea
vul@Numbers:28:27 @ offeretisque holocaustum in odorem suavissimum Domino vitulos de armento duos arietem unum et agnos anniculos inmaculatos septem
vul@Numbers:28:28 @ atque in sacrificiis eorum similae oleo conspersae tres decimas per singulos vitulos per arietes duas
vul@Numbers:28:29 @ per agnos decimam decimae qui simul sunt agni septem hircum quoque
vul@Numbers:28:30 @ qui mactatur pro expiatione praeter holocaustum sempiternum et liba eius
vul@Numbers:28:31 @ inmaculata offeretis omnia cum libationibus suis
vul@Numbers:29:1 @ mensis etiam septimi prima dies venerabilis et sancta erit vobis omne opus servile non facietis in ea quia dies clangoris est et tubarum
vul@Numbers:29:2 @ offeretisque holocaustum in odorem suavissimum Domino vitulum de armento unum arietem unum agnos anniculos inmaculatos septem
vul@Numbers:29:3 @ et in sacrificiis eorum similae oleo conspersae tres decimas per singulos vitulos duas decimas per arietem
vul@Numbers:29:4 @ unam decimam per agnum qui simul sunt agni septem
vul@Numbers:29:5 @ et hircum pro peccato qui offertur in expiationem populi
vul@Numbers:29:6 @ praeter holocaustum kalendarum cum sacrificiis suis et holocaustum sempiternum cum libationibus solitis hisdem caerimoniis offeretis in odorem suavissimum incensum Domino
vul@Numbers:29:7 @ decima quoque dies mensis huius septimi erit vobis sancta atque venerabilis et adfligetis animas vestras omne opus servile non facietis in ea
vul@Numbers:29:8 @ offeretisque holocaustum Domino in odorem suavissimum vitulum de armento unum arietem unum agnos anniculos inmaculatos septem
vul@Numbers:29:9 @ et in sacrificiis eorum similae oleo conspersae tres decimas per vitulos singulos duas decimas per arietem
vul@Numbers:29:10 @ decimam decimae per agnos singulos qui sunt simul septem agni
vul@Numbers:29:11 @ et hircum pro peccato absque his quae offerri pro delicto solent in expiationem et holocaustum sempiternum in sacrificio et libaminibus eorum
vul@Numbers:29:12 @ quintadecima vero die mensis septimi quae vobis erit sancta atque venerabilis omne opus servile non facietis in ea sed celebrabitis sollemnitatem Domino septem diebus
vul@Numbers:29:13 @ offeretisque holocaustum in odorem suavissimum Domino vitulos de armento tredecim arietes duos agnos anniculos quattuordecim inmaculatos
vul@Numbers:29:14 @ et in libamentis eorum similae oleo conspersae tres decimas per vitulos singulos qui sunt simul vituli tredecim et duas decimas arieti uno id est simul arietibus duobus
vul@Numbers:29:15 @ et decimam decimae agnis singulis qui sunt simul agni quattuordecim
vul@Numbers:29:16 @ et hircum pro peccato absque holocausto sempiterno et sacrificio et libamine eius
vul@Numbers:29:17 @ in die altero offeres vitulos de armento duodecim arietes duos agnos anniculos inmaculatos quattuordecim
vul@Numbers:29:18 @ sacrificiaque et libamina singulorum per vitulos et arietes et agnos rite celebrabis
vul@Numbers:29:19 @ et hircum pro peccato absque holocausto sempiterno sacrificioque eius et libamine
vul@Numbers:29:20 @ die tertio offeres vitulos undecim arietes duos agnos anniculos inmaculatos quattuordecim
vul@Numbers:29:21 @ sacrificiaque et libamina singulorum per vitulos et arietes et agnos rite celebrabis
vul@Numbers:29:22 @ et hircum pro peccato absque holocausto sempiterno et sacrificio et libamine eius
vul@Numbers:29:23 @ die quarto offeres vitulos decem arietes duos agnos anniculos inmaculatos quattuordecim
vul@Numbers:29:24 @ sacrificiaque eorum et libamina singulorum per vitulos et arietes et agnos rite celebrabis
vul@Numbers:29:25 @ et hircum pro peccato absque holocausto sempiterno sacrificioque eius et libamine
vul@Numbers:29:26 @ die quinto offeres vitulos novem arietes duos agnos anniculos inmaculatos quattuordecim
vul@Numbers:29:27 @ sacrificiaque et libamina singulorum per vitulos et arietes et agnos rite celebrabis
vul@Numbers:29:28 @ et hircum pro peccato absque holocausto sempiterno sacrificioque eius et libamine
vul@Numbers:29:29 @ die sexto offeres vitulos octo arietes duos agnos anniculos inmaculatos quattuordecim
vul@Numbers:29:30 @ sacrificiaque et libamina singulorum per vitulos et arietes et agnos rite celebrabis
vul@Numbers:29:31 @ et hircum pro peccato absque holocausto sempiterno sacrificioque eius et libamine
vul@Numbers:29:32 @ die septimo offeres vitulos septem arietes duos agnos anniculos inmaculatos quattuordecim
vul@Numbers:29:33 @ sacrificiaque et libamina singulorum per vitulos et arietes et agnos rite celebrabis
vul@Numbers:29:34 @ et hircum pro peccato absque holocausto sempiterno sacrificioque eius et libamine
vul@Numbers:29:35 @ die octavo qui est celeberrimus omne opus servile non facietis
vul@Numbers:29:36 @ offerentes holocaustum in odorem suavissimum Domino vitulum unum arietem unum agnos anniculos inmaculatos septem
vul@Numbers:29:37 @ sacrificiaque et libamina singulorum per vitulos et arietes et agnos rite celebrabis
vul@Numbers:29:38 @ et hircum pro peccato absque holocausto sempiterno sacrificioque eius et libamine
vul@Numbers:29:39 @ haec offeretis Domino in sollemnitatibus vestris praeter vota et oblationes spontaneas in holocausto in sacrificio in libamine et in hostiis pacificis
vul@Numbers:30:1 @ narravitque Moses filiis Israhel omnia quae ei Dominus imperarat
vul@Numbers:30:2 @ et locutus est ad principes tribuum filiorum Israhel iste est sermo quem praecepit Dominus
vul@Numbers:30:3 @ si quis virorum votum Domino voverit aut se constrinxerit iuramento non faciet irritum verbum suum sed omne quod promisit implebit
vul@Numbers:30:4 @ mulier si quippiam voverit et se constrinxerit iuramento quae est in domo patris sui et in aetate adhuc puellari si cognoverit pater votum quod pollicita est et iuramentum quo obligavit animam suam et tacuerit voti rea erit
vul@Numbers:30:5 @ quicquid pollicita est et iuravit opere conplebit
vul@Numbers:30:6 @ sin autem statim ut audierit contradixerit pater et vota et iuramenta eius irrita erunt nec obnoxia tenebitur sponsioni eo quod contradixerit pater
vul@Numbers:30:7 @ si maritum habuerit et voverit aliquid et semel verbum de ore eius egrediens animam illius obligaverit iuramento
vul@Numbers:30:8 @ quo die audierit vir et non contradixerit voti rea erit reddet quodcumque promiserat
vul@Numbers:30:9 @ sin autem audiens statim contradixerit et irritas fecerit pollicitationes eius verbaque quibus obstrinxerat animam suam propitius ei erit Dominus
vul@Numbers:30:10 @ vidua et repudiata quicquid voverint reddent
vul@Numbers:30:11 @ uxor in domo viri cum se voto constrinxerit et iuramento
vul@Numbers:30:12 @ si audierit vir et tacuerit nec contradixerit sponsioni reddet quodcumque promiserat
vul@Numbers:30:13 @ sin autem extemplo contradixerit non tenebitur promissionis rea quia maritus contradixit et Dominus ei propitius erit
vul@Numbers:30:14 @ si voverit et iuramento se constrinxerit ut per ieiunium vel ceterarum rerum abstinentiam adfligat animam suam in arbitrio viri erit ut faciat sive non faciat
vul@Numbers:30:15 @ quod si audiens vir tacuerit et in alteram diem distulerit sententiam quicquid voverat atque promiserat reddet quia statim ut audivit tacuit
vul@Numbers:30:16 @ sin autem contradixerit postquam rescivit portabit ipse iniquitatem eius
vul@Numbers:30:17 @ istae sunt leges quas constituit Dominus Mosi inter virum et uxorem inter patrem et filiam quae in puellari adhuc aetate est vel quae manet in parentis domo
vul@Numbers:31:1 @ locutusque est Dominus ad Mosen dicens
vul@Numbers:31:2 @ ulciscere prius filios Israhel de Madianitis et sic colligeris ad populum tuum
vul@Numbers:31:3 @ statimque Moses armate inquit ex vobis viros ad pugnam qui possint ultionem Domini expetere de Madianitis
vul@Numbers:31:4 @ mille viri de singulis tribubus eligantur Israhel qui mittantur ad bellum
vul@Numbers:31:5 @ dederuntque millenos de cunctis tribubus id est duodecim milia expeditorum ad pugnam
vul@Numbers:31:6 @ quos misit Moses cum Finees filio Eleazari sacerdotis vasa quoque sancta et tubas ad clangendum tradidit ei
vul@Numbers:31:7 @ cumque pugnassent contra Madianitas atque vicissent omnes mares occiderunt
vul@Numbers:31:8 @ et reges eorum Evi et Recem et Sur et Ur et Rebe quinque principes gentis Balaam quoque filium Beor interfecerunt gladio
vul@Numbers:31:9 @ ceperuntque mulieres eorum et parvulos omniaque pecora et cunctam supellectilem quicquid habere potuerant depopulati sunt
vul@Numbers:31:10 @ tam urbes quam viculos et castella flamma consumpsit
vul@Numbers:31:11 @ et tulerunt praedam et universa quae ceperant tam ex hominibus quam ex iumentis
vul@Numbers:31:12 @ et adduxerunt ad Mosen et Eleazarum sacerdotem et ad omnem multitudinem filiorum Israhel reliqua etiam utensilia portaverunt ad castra in campestribus Moab iuxta Iordanem contra Hiericho
vul@Numbers:31:13 @ egressi sunt autem Moses et Eleazar sacerdos et omnes principes synagogae in occursum eorum extra castra
vul@Numbers:31:14 @ iratusque Moses principibus exercitus tribunis et centurionibus qui venerant de bello
vul@Numbers:31:15 @ ait cur feminas reservastis
vul@Numbers:31:16 @ nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus
vul@Numbers:31:17 @ ergo cunctos interficite quicquid est generis masculini etiam in parvulis et mulieres quae noverunt viros in coitu iugulate
vul@Numbers:31:18 @ puellas autem et omnes feminas virgines reservate vobis
vul@Numbers:31:19 @ et manete extra castra septem diebus qui occiderit hominem vel occisum tetigerit lustrabitur die tertio et septimo
vul@Numbers:31:20 @ et de omni praeda sive vestimentum fuerit sive vas et aliquid in utensilia praeparatum de caprarum pellibus et pilis et ligno expiabitur
vul@Numbers:31:21 @ Eleazar quoque sacerdos ad viros exercitus qui pugnaverant sic locutus est hoc est praeceptum legis quod mandavit Dominus Mosi
vul@Numbers:31:22 @ aurum et argentum et aes et ferrum et stagnum et plumbum
vul@Numbers:31:23 @ et omne quod potest transire per flammas igne purgabitur quicquid autem ignem non potest sustinere aqua expiationis sanctificabitur
vul@Numbers:31:24 @ et lavabitis vestimenta vestra die septimo et purificati postea castra intrabitis
vul@Numbers:31:25 @ dixitque Dominus ad Mosen
vul@Numbers:31:26 @ tollite summam eorum quae capta sunt ab homine usque ad pecus tu et Eleazar sacerdos et principes vulgi
vul@Numbers:31:27 @ dividesque ex aequo praedam inter eos qui pugnaverunt et egressi sunt ad bellum et inter omnem reliquam multitudinem
vul@Numbers:31:28 @ et separabis partem Domino ab his qui pugnaverunt et fuerunt in bello unam animam de quingentis tam ex hominibus quam ex bubus et asinis et ovibus
vul@Numbers:31:29 @ et dabis eam Eleazaro sacerdoti quia primitiae Domini sunt
vul@Numbers:31:30 @ ex media quoque parte filiorum Israhel accipies quinquagesimum caput hominum et boum et asinorum et ovium cunctarumque animantium et dabis ea Levitis qui excubant in custodiis tabernaculi Domini
vul@Numbers:31:31 @ feceruntque Moses et Eleazar sicut praeceperat Dominus
vul@Numbers:31:32 @ fuit autem praeda quam exercitus ceperat ovium sescenta septuaginta quinque milia
vul@Numbers:31:33 @ boum septuaginta duo milia
vul@Numbers:31:34 @ asinorum sexaginta milia et mille
vul@Numbers:31:35 @ animae hominum sexus feminei quae non cognoverant viros triginta duo milia
vul@Numbers:31:36 @ dataque est media pars his qui in proelio fuerant ovium trecenta triginta septem milia quingenta
vul@Numbers:31:37 @ e quibus in partem Domini supputatae sunt oves sescentae septuaginta quinque
vul@Numbers:31:38 @ et de bubus triginta sex milibus boves septuaginta duo
vul@Numbers:31:39 @ de asinis triginta milibus quingentis asini sexaginta unus
vul@Numbers:31:40 @ de animabus hominum sedecim milibus cesserunt in partem Domini triginta duae animae
vul@Numbers:31:41 @ tradiditque Moses numerum primitiarum Domini Eleazaro sacerdoti sicut ei fuerat imperatum
vul@Numbers:31:42 @ ex media parte filiorum Israhel quam separaverat his qui in proelio fuerant
vul@Numbers:31:43 @ de media vero parte quae contigerat reliquae multitudini id est de ovium trecentis triginta septem milibus quingentis
vul@Numbers:31:44 @ et de bubus triginta sex milibus
vul@Numbers:31:45 @ et de asinis triginta milibus quingentis
vul@Numbers:31:46 @ et de hominibus sedecim milibus
vul@Numbers:31:47 @ tulit Moses quinquagesimum caput et dedit Levitis qui excubant in tabernaculo Domini sicut praeceperat Dominus
vul@Numbers:31:48 @ cumque accessissent principes exercitus ad Mosen et tribuni centurionesque dixerunt
vul@Numbers:31:49 @ nos servi tui recensuimus numerum pugnatorum quos habuimus sub manu nostra et ne unus quidem defuit
vul@Numbers:31:50 @ ob hanc causam offerimus in donariis Domini singuli quod in praeda auri potuimus invenire periscelides et armillas anulos et dextralia ac murenulas ut depreceris pro nobis Dominum
vul@Numbers:31:51 @ susceperuntque Moses et Eleazar sacerdos omne aurum in diversis speciebus
vul@Numbers:31:52 @ pondo sedecim milia septingentos quinquaginta siclos a tribunis et centurionibus
vul@Numbers:31:53 @ unusquisque enim quod in praeda rapuerat suum erat
vul@Numbers:31:54 @ et susceptum intulerunt in tabernaculum testimonii in monumentum filiorum Israhel coram Domino
vul@Numbers:32:1 @ filii autem Ruben et Gad habebant pecora multa et erat illis in iumentis infinita substantia cumque vidissent Iazer et Galaad aptas alendis animalibus
vul@Numbers:32:2 @ venerunt ad Mosen et ad Eleazarum sacerdotem et principes multitudinis atque dixerunt
vul@Numbers:32:3 @ Atharoth et Dibon et Iazer et Nemra Esbon et Eleale et Sabam et Nebo et Beon
vul@Numbers:32:4 @ terram quam percussit Dominus in conspectu filiorum Israhel regionis uberrimae est ad pastum animalium et nos servi tui habemus iumenta plurima
vul@Numbers:32:5 @ precamurque si invenimus gratiam coram te ut des nobis famulis tuis eam in possessionem ne facias nos transire Iordanem
vul@Numbers:32:6 @ quibus respondit Moses numquid fratres vestri ibunt ad pugnam et vos hic sedebitis
vul@Numbers:32:7 @ cur subvertitis mentes filiorum Israhel ne transire audeant in locum quem eis daturus est Dominus
vul@Numbers:32:8 @ nonne ita egerunt patres vestri quando misi de Cadesbarne ad explorandam terram
vul@Numbers:32:9 @ cumque venissent usque ad vallem Botri lustrata omni regione subverterunt cor filiorum Israhel ut non intrarent fines quos eis Dominus dedit
vul@Numbers:32:10 @ qui iratus iuravit dicens
vul@Numbers:32:11 @ si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me
vul@Numbers:32:12 @ praeter Chaleb filium Iepphonne Cenezeum et Iosue filium Nun isti impleverunt voluntatem meam
vul@Numbers:32:13 @ iratusque Dominus adversum Israhel circumduxit eum per desertum quadraginta annis donec consumeretur universa generatio quae fecerat malum in conspectu eius
vul@Numbers:32:14 @ et ecce inquit vos surrexistis pro patribus vestris incrementa et alumni hominum peccatorum ut augeretis furorem Domini contra Israhel
vul@Numbers:32:15 @ qui si nolueritis sequi eum in solitudine populum derelinquet et vos causa eritis necis omnium
vul@Numbers:32:16 @ at illi prope accedentes dixerunt caulas ovium fabricabimus et stabula iumentorum parvulis quoque nostris urbes munitas
vul@Numbers:32:17 @ nos autem ipsi armati et accincti pergemus ad proelium ante filios Israhel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidias
vul@Numbers:32:18 @ non revertemur in domos nostras usquequo possideant filii Israhel hereditatem suam
vul@Numbers:32:19 @ nec quicquam quaeremus trans Iordanem quia iam habemus possessionem nostram in orientali eius plaga
vul@Numbers:32:20 @ quibus Moses ait si facitis quod promittitis expediti pergite coram Domino ad pugnam
vul@Numbers:32:21 @ et omnis vir bellator armatus Iordanem transeat donec subvertat Dominus inimicos suos
vul@Numbers:32:22 @ et subiciatur ei omnis terra tunc eritis inculpabiles et apud Dominum et apud Israhel et obtinebitis regiones quas vultis coram Domino
vul@Numbers:32:23 @ sin autem quod dicitis non feceritis nulli dubium quin peccetis in Dominum et scitote quoniam peccatum vestrum adprehendet vos
vul@Numbers:32:24 @ aedificate ergo urbes parvulis vestris et caulas ac stabula ovibus ac iumentis et quod polliciti estis implete
vul@Numbers:32:25 @ dixeruntque filii Gad et Ruben ad Mosen servi tui sumus faciemus quod iubet dominus noster
vul@Numbers:32:26 @ parvulos nostros et mulieres et pecora ac iumenta relinquemus in urbibus Galaad
vul@Numbers:32:27 @ nos autem famuli tui omnes expediti pergemus ad bellum sicut tu domine loqueris
vul@Numbers:32:28 @ praecepit ergo Moses Eleazaro sacerdoti et Iosue filio Nun et principibus familiarum per tribus Israhel et dixit ad eos
vul@Numbers:32:29 @ si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionem
vul@Numbers:32:30 @ sin autem noluerint transire vobiscum in terram Chanaan inter vos habitandi accipiant loca
vul@Numbers:32:31 @ responderuntque filii Gad et filii Ruben sicut locutus est Dominus servis suis ita faciemus
vul@Numbers:32:32 @ ipsi armati pergemus coram Domino in terram Chanaan et possessionem iam suscepisse nos confitemur trans Iordanem
vul@Numbers:32:33 @ dedit itaque Moses filiis Gad et Ruben et dimidiae tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitum
vul@Numbers:32:34 @ igitur extruxerunt filii Gad Dibon et Atharoth et Aroer
vul@Numbers:32:35 @ Etrothsophan et Iazer Iecbaa
vul@Numbers:32:36 @ et Bethnemra et Betharan urbes munitas et caulas pecoribus suis
vul@Numbers:32:37 @ filii vero Ruben aedificaverunt Esbon et Eleale et Cariathaim
vul@Numbers:32:38 @ et Nabo et Baalmeon versis nominibus Sabama quoque inponentes vocabula urbibus quas extruxerant
vul@Numbers:32:39 @ porro filii Machir filii Manasse perrexerunt in Galaad et vastaverunt eam interfecto Amorreo habitatore eius
vul@Numbers:32:40 @ dedit ergo Moses terram Galaad Machir filio Manasse qui habitavit in ea
vul@Numbers:32:41 @ Iair autem filius Manasse abiit et occupavit vicos eius quos appellavit Avothiair id est villas Iair
vul@Numbers:32:42 @ Nobe quoque perrexit et adprehendit Canath cum viculis suis vocavitque eam ex nomine suo Nobe
vul@Numbers:33:1 @ hae sunt mansiones filiorum Israhel qui egressi sunt de Aegypto per turmas suas in manu Mosi et Aaron
vul@Numbers:33:2 @ quas descripsit Moses iuxta castrorum loca quae Domini iussione mutabant
vul@Numbers:33:3 @ profecti igitur de Ramesse mense primo quintadecima die mensis primi altera die phase filii Israhel in manu excelsa videntibus cunctis Aegyptiis
vul@Numbers:33:4 @ et sepelientibus primogenitos quos percusserat Dominus nam et in diis eorum exercuerat ultionem
vul@Numbers:33:5 @ castrametati sunt in Soccoth
vul@Numbers:33:6 @ et de Soccoth venerunt in Aetham quae est in extremis finibus solitudinis
vul@Numbers:33:7 @ inde egressi venerunt contra Phiahiroth quae respicit Beelsephon et castrametati sunt ante Magdolum
vul@Numbers:33:8 @ profectique de Phiahiroth transierunt per medium mare in solitudinem et ambulantes tribus diebus per desertum Aetham castrametati sunt in Mara
vul@Numbers:33:9 @ profectique de Mara venerunt in Helim ubi erant duodecim fontes aquarum et palmae septuaginta ibique castrametati sunt
vul@Numbers:33:10 @ sed et inde egressi fixere tentoria super mare Rubrum profectique de mari Rubro
vul@Numbers:33:11 @ castrametati sunt in deserto Sin
vul@Numbers:33:12 @ unde egressi venerunt in Dephca
vul@Numbers:33:13 @ profectique de Dephca castrametati sunt in Alus
vul@Numbers:33:14 @ egressi de Alus Raphidim fixere tentoria ubi aqua populo defuit ad bibendum
vul@Numbers:33:15 @ profectique de Raphidim castrametati sunt in deserto Sinai
vul@Numbers:33:16 @ sed et de solitudine Sinai egressi venerunt ad sepulchra Concupiscentiae
vul@Numbers:33:17 @ profectique de sepulchris Concupiscentiae castrametati sunt in Aseroth
vul@Numbers:33:18 @ et de Aseroth venerunt in Rethma
vul@Numbers:33:19 @ profectique de Rethma castrametati sunt in Remmonphares
vul@Numbers:33:20 @ unde egressi venerunt in Lebna
vul@Numbers:33:21 @ et de Lebna castrametati sunt in Ressa
vul@Numbers:33:22 @ egressi de Ressa venerunt in Ceelatha
vul@Numbers:33:23 @ unde profecti castrametati sunt in monte Sepher
vul@Numbers:33:24 @ egressi de monte Sepher venerunt in Arada
vul@Numbers:33:25 @ inde proficiscentes castrametati sunt in Maceloth
vul@Numbers:33:26 @ profectique de Maceloth venerunt in Thaath
vul@Numbers:33:27 @ de Thaath castrametati sunt in Thare
vul@Numbers:33:28 @ unde egressi fixerunt tentoria in Methca
vul@Numbers:33:29 @ et de Methca castrametati sunt in Esmona
vul@Numbers:33:30 @ profectique de Esmona venerunt in Moseroth
vul@Numbers:33:31 @ et de Moseroth castrametati sunt in Baneiacan
vul@Numbers:33:32 @ egressique de Baneiacan venerunt in montem Gadgad
vul@Numbers:33:33 @ unde profecti castrametati sunt in Hietebatha
vul@Numbers:33:34 @ et de Hietebatha venerunt in Ebrona
vul@Numbers:33:35 @ egressique de Ebrona castrametati sunt in Asiongaber
vul@Numbers:33:36 @ inde profecti venerunt in desertum Sin haec est Cades
vul@Numbers:33:37 @ egressique de Cades castrametati sunt in monte Hor in extremis finibus terrae Edom
vul@Numbers:33:38 @ ascenditque Aaron sacerdos montem Hor iubente Domino et ibi mortuus est anno quadragesimo egressionis filiorum Israhel ex Aegypto mense quinto prima die mensis
vul@Numbers:33:39 @ cum esset annorum centum viginti trium
vul@Numbers:33:40 @ audivitque Chananeus rex Arad qui habitabat ad meridiem in terra Chanaan venisse filios Israhel
vul@Numbers:33:41 @ et profecti de monte Hor castrametati sunt in Salmona
vul@Numbers:33:42 @ unde egressi venerunt in Phinon
vul@Numbers:33:43 @ profectique de Phinon castrametati sunt in Oboth
vul@Numbers:33:44 @ et de Oboth venerunt in Ieabarim quae est in finibus Moabitarum
vul@Numbers:33:45 @ profectique de Ieabarim fixere tentoria in Dibongad
vul@Numbers:33:46 @ unde egressi castrametati sunt in Elmondeblathaim
vul@Numbers:33:47 @ egressi de Elmondeblathaim venerunt ad montes Abarim contra Nabo
vul@Numbers:33:48 @ profectique de montibus Abarim transierunt ad campestria Moab super Iordanem contra Hiericho
vul@Numbers:33:49 @ ibique castrametati sunt de Bethsimon usque ad Belsattim in planioribus locis Moabitarum
vul@Numbers:33:50 @ ubi locutus est Dominus ad Mosen
vul@Numbers:33:51 @ praecipe filiis Israhel et dic ad eos quando transieritis Iordanem intrantes terram Chanaan
vul@Numbers:33:52 @ disperdite cunctos habitatores regionis illius confringite titulos et statuas comminuite atque omnia excelsa vastate
vul@Numbers:33:53 @ mundantes terram et habitantes in ea ego enim dedi vobis illam in possessionem
vul@Numbers:33:54 @ quam dividetis vobis sorte pluribus dabitis latiorem et paucis angustiorem singulis ut sors ceciderit ita tribuetur hereditas per tribus et familias possessio dividetur
vul@Numbers:33:55 @ sin autem nolueritis interficere habitatores terrae qui remanserint erunt vobis quasi clavi in oculis et lanceae in lateribus et adversabuntur vobis in terra habitationis vestrae
vul@Numbers:33:56 @ et quicquid illis facere cogitaram vobis faciam
vul@Numbers:34:1 @ locutus est Dominus ad Mosen
vul@Numbers:34:2 @ praecipe filiis Israhel et dices ad eos cum ingressi fueritis terram Chanaan et in possessionem vobis sorte ceciderit his finibus terminabitur
vul@Numbers:34:3 @ pars meridiana incipiet a solitudine Sin quae est iuxta Edom et habebit terminos contra orientem mare Salsissimum
vul@Numbers:34:4 @ qui circumibunt australem plagam per ascensum Scorpionis ita ut transeant Senna et perveniant in meridiem usque ad Cadesbarne unde egredientur confinia ad villam nomine Addar et tendent usque Asemona
vul@Numbers:34:5 @ ibitque per gyrum terminus ab Asemona usque ad torrentem Aegypti et maris Magni litore finietur
vul@Numbers:34:6 @ plaga autem occidentalis a mari Magno incipiet et ipso fine cludetur
vul@Numbers:34:7 @ porro ad septentrionalem plagam a mari Magno termini incipient pervenientes usque ad montem Altissimum
vul@Numbers:34:8 @ a quo venies in Emath usque ad terminos Sedada
vul@Numbers:34:9 @ ibuntque confinia usque Zephrona et villam Henan hii erunt termini in parte aquilonis
vul@Numbers:34:10 @ inde metabuntur fines contra orientalem plagam de villa Henan usque Sephama
vul@Numbers:34:11 @ et de Sephama descendent termini in Rebla contra fontem inde pervenient contra orientem ad mare Chenereth
vul@Numbers:34:12 @ et tendent usque Iordanem et ad ultimum Salsissimo cludentur mari hanc habebitis terram per fines suos in circuitu
vul@Numbers:34:13 @ praecepitque Moses filiis Israhel dicens haec erit terra quam possidebitis sorte et quam iussit dari Dominus novem tribubus et dimidiae tribui
vul@Numbers:34:14 @ tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse
vul@Numbers:34:15 @ id est duae semis tribus acceperunt partem suam trans Iordanem contra Hiericho ad orientalem plagam
vul@Numbers:34:16 @ et ait Dominus ad Mosen
vul@Numbers:34:17 @ haec sunt nomina virorum qui terram vobis divident Eleazar sacerdos et Iosue filius Nun
vul@Numbers:34:18 @ et singuli principes de tribubus singulis
vul@Numbers:34:19 @ quorum ista sunt vocabula de tribu Iuda Chaleb filius Iepphonne
vul@Numbers:34:20 @ de tribu Symeon Samuhel filius Ammiud
vul@Numbers:34:21 @ de tribu Beniamin Helidad filius Chaselon
vul@Numbers:34:22 @ de tribu filiorum Dan Bocci filius Iogli
vul@Numbers:34:23 @ filiorum Ioseph de tribu Manasse Hannihel filius Ephod
vul@Numbers:34:24 @ de tribu Ephraim Camuhel filius Sephtan
vul@Numbers:34:25 @ de tribu Zabulon Elisaphan filius Pharnach
vul@Numbers:34:26 @ de tribu Isachar dux Faltihel filius Ozan
vul@Numbers:34:27 @ de tribu Aser Ahiud filius Salomi
vul@Numbers:34:28 @ de tribu Nepthali Phedahel filius Ameiud
vul@Numbers:34:29 @ hii sunt quibus praecepit Dominus ut dividerent filiis Israhel terram Chanaan
vul@Numbers:35:1 @ haec quoque locutus est Dominus ad Mosen in campestribus Moab super Iordanem contra Hiericho