Numbers:9:1-14
vul@Numbers:9:1 @ locutus est Dominus ad Mosen in deserto Sinai anno secundo postquam egressi sunt de terra Aegypti mense primo dicens
vul@Numbers:9:2 @ faciant filii Israhel phase in tempore suo
vul@Numbers:9:3 @ quartadecima die mensis huius ad vesperam iuxta omnes caerimonias et iustificationes eius
vul@Numbers:9:4 @ praecepitque Moses filiis Israhel ut facerent phase
vul@Numbers:9:5 @ qui fecerunt tempore suo quartadecima die mensis ad vesperam in monte Sinai iuxta omnia quae mandaverat Dominus Mosi fecerunt filii Israhel
vul@Numbers:9:6 @ ecce autem quidam inmundi super animam hominis qui non poterant facere pascha in die illo accedentes ad Mosen et Aaron
vul@Numbers:9:7 @ dixerunt eis inmundi sumus super animam hominis quare fraudamur ut non valeamus offerre oblationem Domino in tempore suo inter filios Israhel
vul@Numbers:9:8 @ quibus respondit Moses state ut consulam quid praecipiat Dominus de vobis
vul@Numbers:9:9 @ locutusque est Dominus ad Mosen dicens
vul@Numbers:9:10 @ loquere filiis Israhel homo qui fuerit inmundus super anima sive in via procul in gente vestra faciat phase Domino
vul@Numbers:9:11 @ mense secundo quartadecima die mensis ad vesperam cum azymis et lactucis agrestibus comedent illud
vul@Numbers:9:12 @ non relinquent ex eo quippiam usque mane et os eius non confringent omnem ritum phase observabunt
vul@Numbers:9:13 @ si quis autem et mundus est et in itinere non fuit et tamen non fecit phase exterminabitur anima illa de populis suis quia sacrificium Domino non obtulit tempore suo peccatum suum ipse portabit
vul@Numbers:9:14 @ peregrinus quoque et advena si fuerit apud vos faciet phase Domini iuxta caerimonias et iustificationes eius praeceptum idem erit apud vos tam advenae quam indigenae