vul - Philippians:1:12-30

vul@Philippians:1:12 @ scire autem vos volo fratres quia quae circa me sunt magis ad profectum venerunt evangelii

vul@Philippians:1:13 @ ita ut vincula mea manifesta fierent in Christo in omni praetorio et in ceteris omnibus

vul@Philippians:1:14 @ et plures e fratribus in Domino confidentes vinculis meis abundantius audere sine timore verbum Dei loqui

vul@Philippians:1:15 @ quidam quidem et propter invidiam et contentionem quidam autem et propter bonam voluntatem Christum praedicant

vul@Philippians:1:16 @ quidam ex caritate scientes quoniam in defensionem evangelii positus sum

vul@Philippians:1:17 @ quidam autem ex contentione Christum adnuntiant non sincere existimantes pressuram se suscitare vinculis meis

vul@Philippians:1:18 @ quid enim dum omni modo sive per occasionem sive per veritatem Christus adnuntiatur et in hoc gaudeo sed et gaudebo

vul@Philippians:1:19 @ scio enim quia hoc mihi proveniet in salutem per vestram orationem et subministrationem Spiritus Iesu Christi

vul@Philippians:1:20 @ secundum expectationem et spem meam quia in nullo confundar sed in omni fiducia sicut semper et nunc magnificabitur Christus in corpore meo sive per vitam sive per mortem

vul@Philippians:1:21 @ mihi enim vivere Christus est et mori lucrum

vul@Philippians:1:22 @ quod si vivere in carne hic mihi fructus operis est et quid eligam ignoro

vul@Philippians:1:23 @ coartor autem e duobus desiderium habens dissolvi et cum Christo esse multo magis melius

vul@Philippians:1:24 @ permanere autem in carne magis necessarium est propter vos

vul@Philippians:1:25 @ et hoc confidens scio quia manebo et permanebo omnibus vobis ad profectum vestrum et gaudium fidei

vul@Philippians:1:26 @ ut gratulatio vestra abundet in Christo Iesu in me per meum adventum iterum ad vos

vul@Philippians:1:27 @ tantum digne evangelio Christi conversamini ut sive cum venero et videro vos sive absens audiam de vobis quia stetistis uno spiritu unianimes conlaborantes fide evangelii

vul@Philippians:1:28 @ et in nullo terreamini ab adversariis quae est illis causa perditionis vobis autem salutis et hoc a Deo

vul@Philippians:1:29 @ quia vobis donatum est pro Christo non solum ut in eum credatis sed ut etiam pro illo patiamini

vul@Philippians:1:30 @ eundem certamen habentes qualem et vidistis in me et nunc audistis de me