sf_luther_1545_letzte_hand_rev2
@Philippians:1:3 @ JCH dancke meinem Gott / so offt ich ewer gedencke
sf_luther_1545_letzte_hand_rev2@Philippians:1:4 @ (welchs ich alle zeit thue / in alle meinem Gebet fur euch alle / vnd thu das gebet mit freuden)
sf_luther_1545_letzte_hand_rev2@Philippians:1:5 @ vber ewer gemeinschafft am Euangelio / vom ersten tage an bisher /
sf_luther_1545_letzte_hand_rev2@Philippians:1:6 @ Vnd bin desselbigen in guter zuuersicht / das / der in euch angefangen hat das gute werck / der wirds auch volfüren bis an den tag Jhesu Christi /
sf_luther_1545_letzte_hand_rev2@Philippians:1:7 @ Wie es denn mir billich ist / das ich der massen von euch allen halte / darumb das ich euch in meinem hertzen habe / in diesem meinem Gefengnis / darin ich das Euangelium verantworte vnd bekrefftige / als die jr alle mit mir der gnade teilhafftig seid.
sf_luther_1545_letzte_hand_rev2@Philippians:1:8 @ DEnn Gott ist mein Zeuge / wie mich nach euch allen verlangt von hertzen grund in Jhesu Christo /
sf_luther_1545_letzte_hand_rev2@Philippians:1:9 @ Vnd daselbs vmb bete ich / das ewre Liebe je mehr vnd mehr reich werde / in allerley Erkenntnis vnd Erfarung /
sf_luther_1545_letzte_hand_rev2@Philippians:1:10 @ das jr prüfen müget / was das Beste sey / Auff das jr seid lauter vnd vnanstössig bis auff den tag Christi /
sf_luther_1545_letzte_hand_rev2@Philippians:1:11 @ erfüllet mit Früchten der gerechtigkeit / die durch Jhesum Christum geschehen (in euch) zu ehre vnd lobe Gottes.