cebuano_ang_biblia_pinadayag - Philippians:2:1-11

cebuano_ang_biblia_pinadayag@Philippians:2:1 @ ¶ Busa kon aduna may pagkadinasig diha kang Cristo, kon aduna may pagkadinasig diha sa gugma, kon aduna may pakig-ambitay diha sa Espiritu, kon aduna may pagbinatiay sa kalomo ug pagkinaloy-anay,

cebuano_ang_biblia_pinadayag@Philippians:2:2 @ hingpita ninyo ang akong kalipay pinaagi sa inyong paggawi nga magkasinabtanay, nga managbaton sa samang pagbati sa paghigugma, sa samang panghunahuna ug katuyoan.

cebuano_ang_biblia_pinadayag@Philippians:2:3 @ Ayaw na kamo pagbuhat ug bisan unsa sa tuyo sa pagbahinbahin o sa kawang pagpagarbo sa kaugalingon, hinonoa uban sa pagpaubos isipa ang uban ingon nga labi pang maayo kay sa inyong kaugalingon;

cebuano_ang_biblia_pinadayag@Philippians:2:4 @ nga ang matag-usa kaninyo magatagad dili lamang sa iyang kaugalingong mga kahimtang, kondili sa mga kahimtang sa uban usab.

cebuano_ang_biblia_pinadayag@Philippians:2:5 @ Batoni diha kaninyo kining hunahunaa nga mabatonan ninyo diha kang Cristo Jesus,

cebuano_ang_biblia_pinadayag@Philippians:2:6 @ nga, bisan tuod siya naglungtad diha sa kinaiya sa Dios, siya wala mag-isip sa iyang pagkasama sa Dios ingon nga usa ka butang nga pagailogan;

cebuano_ang_biblia_pinadayag@Philippians:2:7 @ hinonoa, gihaw-asan niya ang iyang kaugalingon diha sa iyang pagsagop sa kinaiya sa ulipon, diha sa iyang pagkahisama sa mga tawo.

cebuano_ang_biblia_pinadayag@Philippians:2:8 @ Ug sa nakita siya diha sa dagway nga tawhanon, siya nagpaubos sa iyang kaugalingon ug nahimong masinugtanon hangtud sa kamatayon, oo, bisan pa sa kamatayon diha sa krus.

cebuano_ang_biblia_pinadayag@Philippians:2:9 @ Tungod niini, ang Dios nagbayaw kaniya sa kahitas-an ug mihatag kaniya sa ngalan nga labaw sa tanang mga ngalan,

cebuano_ang_biblia_pinadayag@Philippians:2:10 @ aron nga sa ngalan ni Jesus ang tanang tuhod magapiko didto sa langit, dinhi sa yuta ug sa ilalum sa yuta,

cebuano_ang_biblia_pinadayag@Philippians:2:11 @ ug ang tanang dila magasugid nga Ginoo si Jesu-Cristo, alang sa pagdalayeg sa Dios nga Amahan.