Philippians:2:1-11
vul@Philippians:2:1 @ si qua ergo consolatio in Christo si quod solacium caritatis si qua societas spiritus si quid viscera et miserationes
vul@Philippians:2:2 @ implete gaudium meum ut idem sapiatis eandem caritatem habentes unianimes id ipsum sentientes
vul@Philippians:2:3 @ nihil per contentionem neque per inanem gloriam sed in humilitate superiores sibi invicem arbitrantes
vul@Philippians:2:4 @ non quae sua sunt singuli considerantes sed et ea quae aliorum
vul@Philippians:2:5 @ hoc enim sentite in vobis quod et in Christo Iesu
vul@Philippians:2:6 @ qui cum in forma Dei esset non rapinam arbitratus est esse se aequalem Deo
vul@Philippians:2:7 @ sed semet ipsum exinanivit formam servi accipiens in similitudinem hominum factus et habitu inventus ut homo
vul@Philippians:2:8 @ humiliavit semet ipsum factus oboediens usque ad mortem mortem autem crucis
vul@Philippians:2:9 @ propter quod et Deus illum exaltavit et donavit illi nomen super omne nomen
vul@Philippians:2:10 @ ut in nomine Iesu omne genu flectat caelestium et terrestrium et infernorum
vul@Philippians:2:11 @ et omnis lingua confiteatur quia Dominus Iesus Christus in gloria est Dei Patris