Philippians:2:19-30
vul@Philippians:2:19 @ spero autem in Domino Iesu Timotheum cito me mittere ad vos ut et ego bono animo sim cognitis quae circa vos sunt
vul@Philippians:2:20 @ neminem enim habeo tam unianimem qui sincera affectione pro vobis sollicitus sit
vul@Philippians:2:21 @ omnes enim sua quaerunt non quae sunt Christi Iesu
vul@Philippians:2:22 @ experimentum autem eius cognoscite quoniam sicut patri filius mecum servivit in evangelium
vul@Philippians:2:23 @ hunc igitur spero me mittere mox ut videro quae circa me sunt
vul@Philippians:2:24 @ confido autem in Domino quoniam et ipse veniam ad vos cito
vul@Philippians:2:25 @ necessarium autem existimavi Epafroditum fratrem et cooperatorem et commilitonem meum vestrum autem apostolum et ministrum necessitatis meae mittere ad vos
vul@Philippians:2:26 @ quoniam quidem omnes vos desiderabat et maestus erat propterea quod audieratis illum infirmatum
vul@Philippians:2:27 @ nam et infirmatus est usque ad mortem sed Deus misertus est eius non solum autem eius verum etiam et mei ne tristitiam super tristitiam haberem
vul@Philippians:2:28 @ festinantius ergo misi illum ut viso eo iterum gaudeatis et ego sine tristitia sim
vul@Philippians:2:29 @ excipite itaque illum cum omni gaudio in Domino et eiusmodi cum honore habetote
vul@Philippians:2:30 @ quoniam propter opus Christi usque ad mortem accessit tradens animam suam ut impleret id quod ex vobis deerat erga meum obsequium