Philippians:4:10-20
vul@Philippians:4:10 @ gavisus sum autem in Domino vehementer quoniam tandem aliquando refloruistis pro me sentire sicut et sentiebatis occupati autem eratis
vul@Philippians:4:11 @ non quasi propter penuriam dico ego enim didici in quibus sum sufficiens esse
vul@Philippians:4:12 @ scio et humiliari scio et abundare ubique et in omnibus institutus sum et satiari et esurire et abundare et penuriam pati
vul@Philippians:4:13 @ omnia possum in eo qui me confortat
vul@Philippians:4:14 @ verumtamen bene fecistis communicantes tribulationi meae
vul@Philippians:4:15 @ scitis autem et vos Philippenses quod in principio evangelii quando profectus sum a Macedonia nulla mihi ecclesia communicavit in ratione dati et accepti nisi vos soli
vul@Philippians:4:16 @ quia et Thessalonicam et semel et bis in usum mihi misistis
vul@Philippians:4:17 @ non quia quaero datum sed requiro fructum abundantem in rationem vestram
vul@Philippians:4:18 @ habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem Deo
vul@Philippians:4:19 @ Deus autem meus impleat omne desiderium vestrum secundum divitias suas in gloria in Christo Iesu
vul@Philippians:4:20 @ Deo autem et Patri nostro gloria in saecula saeculorum amen