Psalms:104
alb@Psalms:104:1 @ Beko, o shpirti im, Zotin! O Zot, Perëndia im, ti je jashtëzakonisht i madh; je veshur me shkëlqim dhe madhështi.
alb@Psalms:104:2 @ Ai të mbështjell me dritë si të ishte një mantel dhe i shtrin qiejtë si një çadër;
alb@Psalms:104:3 @ ai ndërton mbi ujërat dhomat e tij të larta, i bën retë si qerren e tij dhe ecën mbi krahët erës.
alb@Psalms:104:4 @ I bën erërat lajmëtarë të tij dhe flakët e zjarrit shërbëtorë të tij.
alb@Psalms:104:5 @ Ai e ka krijuar tokën mbi themelet e saj; kjo nuk do të luajë kurrë përjetë.
alb@Psalms:104:6 @ Ti e kishe mbuluar me humnerë si me një rrobe; ujërat ishin ndalur mbi malet.
alb@Psalms:104:7 @ Në qortimin tënd ato ikën, në zërin e gjëmimit tënd u larguan me nxitim.
alb@Psalms:104:8 @ Dolën malet dhe luginat u ulën në vendin që ti kishe caktuar për to.
alb@Psalms:104:9 @ Ti u vure ujërave një kufi që nuk duhet ta kapërxenin; ato nuk do të kthehen më të mbulojnë tokën.
alb@Psalms:104:10 @ Ai bën që të dalin burime në luginat; ato rrjedhin midis maleve,
alb@Psalms:104:11 @ dhe u japin për të pirë tërë kafshëve të fushës; gomarët e egër shuajnë etjen e tyre.
alb@Psalms:104:12 @ Pranë tyre banojnë shpendët e qiellit; midis gjelbërimeve lartojnë këngën e tyre.
alb@Psalms:104:13 @ Nga dhomat e sipërme të tij ai u jep ujë maleve; toka ngopet me frytin e veprave të tua.
alb@Psalms:104:14 @ Ai bën që të rritet bari për bagëtinë dhe bimësia në shërbim të njeriut, duke nxjerrë nga toka ushqimin e tij,
alb@Psalms:104:15 @ dhe verën që gëzon zemrën e njeriut, vajin që bën të shkëlqejë fytyra tij dhe bukën që i jep forcë zemrës së njeriut.
alb@Psalms:104:16 @ Kështu ngopen drurët e Zotit dhe kedrat e Libanit që ai ka mbjellë;
alb@Psalms:104:17 @ aty bëjnë folenë e tyre zogjtë, ndërsa lejleku bën nëpër selvitë banesën e tij.
alb@Psalms:104:18 @ Malet e larta janë për dhitë e egra, shkëmbinjtë janë streha e lepujve.
alb@Psalms:104:19 @ Ai ka bërë hënën për stinët, dielli e di orën e perëndimit të tij.
alb@Psalms:104:20 @ Ti dërgon terrin dhe bëhet natë; gjatë asaj shkojnë rreth e qark gjithë kafshët e pyllit.
alb@Psalms:104:21 @ Luanët e vegjël vrumbullojnë duke kërkuar gjahun dhe i kërkojnë Perëndisë ushqimin e tyre.
alb@Psalms:104:22 @ Por, kur lind dielli, ata tërhiqen dhe rrinë në strofkat e tyre.
alb@Psalms:104:23 @ Atëherë njeriu del për të punuar dhe punon deri në mbrëmje.
alb@Psalms:104:24 @ Sa të shumta janë veprat e tua, o Zot! Ti i ke bërë të gjitha me dituri; toka është plot me pasuritë e tua.
alb@Psalms:104:25 @ Ja deti, i madh dhe i gjerë, ku gëlojnë krijesa të panumërta;
alb@Psalms:104:26 @ e përshkojnë anijet dhe Leviathani, që ti ke formuar për t`u tallur në të.
alb@Psalms:104:27 @ Të gjithë presin që ti t`u japësh ushqimin në kohën e duhur.
alb@Psalms:104:28 @ Ti ua jep atyre dhe ata e mbledhin; ti hap dorën dhe ngopen me të mira.
alb@Psalms:104:29 @ Ti fsheh fytyrën tënde dhe ata e humbasin fare; ti heq frymën, dhe ata vdesin duke u kthyer përsëri në pluhurin e tyre.
alb@Psalms:104:30 @ Ti dërgon frymën tënde dhe ata krijohen, kështu ti ripërtërin faqen e dheut.
alb@Psalms:104:31 @ Lavdia e Zotit të rrojë përjetë; le të gëzohet Zoti me veprat e tij;
alb@Psalms:104:32 @ ai shikon tokën dhe kjo dridhet; ai prek malet dhe ato nxjerrin tym.
alb@Psalms:104:33 @ Unë do t`i këndoj Zotit deri sa të kem jetë; do t`i këndoj lavde Perëndisë tim deri sa të jem.
alb@Psalms:104:34 @ Le të jetë mendimi im i pëlqyer prej tij; unë do të ngazëllohem tek Zoti.
alb@Psalms:104:35 @ Le të zhduken mëkatarët nga toka dhe të pabesët mos qofshin më. Shpirti im, bekoje Zotin! Aleluja.