alb - Psalms:20

alb@Psalms:20:1 @ Zoti të dhënte përgjigje ditën e fatkeqësisë; emri i Perëndisë të Jakobit të mbroftë me siguri lart.

alb@Psalms:20:2 @ Të dërgoftë ndihmë nga shenjtërorja dhe të dhëntë përkrahje nga Sioni;

alb@Psalms:20:3 @ Mos i harroftë të gjitha ofertat e tua dhe pranoftë olokaustin tënd. (Sela)

alb@Psalms:20:4 @ Të dhëntë atë që zemra jote dëshëron dhe plotësoftë të gjitha planet e tua.

alb@Psalms:20:5 @ Ne do të këndojmë tërë gaz në çlirimin tënd dhe do të lartojmë flamuret tona në emër të Perëndisë tonë. Zoti i plotësoftë të gjitha kërkesat e tua.

alb@Psalms:20:6 @ Tani e di që Zoti shpëton të vajosurin e tij; do t`i përgjigjet nga qielli i tij i shenjtë me forcën shpëtimtare të dorës së tij të djathtë.

alb@Psalms:20:7 @ Disa kanë besim te qerret dhe të tjerë te kuajt, por ne do të kujtojmë emrin e Zotit, Perëndisë tonë.

alb@Psalms:20:8 @ Ata u përkulën dhe ranë; por ne u ngritëm përsëri dhe mbahemi në këmbë.

alb@Psalms:20:9 @ Shpëtomë, o Zot; mbreti le të na përgjigjet ditën në të cilën do të këlthasim.