sept - Psalms:42-72

sept@Psalms:42:1 @ ψαλμος τω δαυιδ κρινον με ο θεος και δικασον την δικην μου εξ εθνους ουχ οσιου απο ανθρωπου αδικου και δολιου ρυσαι με

sept@Psalms:42:2 @ οτι συ ει ο θεος κραταιωμα μου ινα τι απωσω με και ινα τι σκυθρωπαζων πορευομαι εν τω εκθλιβειν τον εχθρον μου

sept@Psalms:42:3 @ εξαποστειλον το φως σου και την αληθειαν σου αυτα με ωδηγησαν και ηγαγον με εις ορος αγιον σου και εις τα σκηνωματα σου

sept@Psalms:42:4 @ και εισελευσομαι προς το θυσιαστηριον του θεου προς τον θεον τον ευφραινοντα την νεοτητα μου εξομολογησομαι σοι εν κιθαρα ο θεος ο θεος μου

sept@Psalms:42:5 @ ινα τι περιλυπος ει ψυχη και ινα τι συνταρασσεις με ελπισον επι τον θεον οτι εξομολογησομαι αυτω σωτηριον του προσωπου μου ο θεος μου

sept@Psalms:43:1 @ εις το τελος τοις υιοις κορε εις συνεσιν ψαλμος

sept@Psalms:43:2 @ ο θεος εν τοις ωσιν ημων ηκουσαμεν οι πατερες ημων ανηγγειλαν ημιν εργον ο ειργασω εν ταις ημεραις αυτων εν ημεραις αρχαιαις

sept@Psalms:43:3 @ η χειρ σου εθνη εξωλεθρευσεν και κατεφυτευσας αυτους εκακωσας λαους και εξεβαλες αυτους

sept@Psalms:43:4 @ ου γαρ εν τη ρομφαια αυτων εκληρονομησαν γην και ο βραχιων αυτων ουκ εσωσεν αυτους αλλ' η δεξια σου και ο βραχιων σου και ο φωτισμος του προσωπου σου οτι ευδοκησας εν αυτοις

sept@Psalms:43:5 @ συ ει αυτος ο βασιλευς μου και ο θεος μου ο εντελλομενος τας σωτηριας ιακωβ

sept@Psalms:43:6 @ εν σοι τους εχθρους ημων κερατιουμεν και εν τω ονοματι σου εξουθενωσομεν τους επανιστανομενους ημιν

sept@Psalms:43:7 @ ου γαρ επι τω τοξω μου ελπιω και η ρομφαια μου ου σωσει με

sept@Psalms:43:8 @ εσωσας γαρ ημας εκ των θλιβοντων ημας και τους μισουντας ημας κατησχυνας

sept@Psalms:43:9 @ εν τω θεω επαινεσθησομεθα ολην την ημεραν και εν τω ονοματι σου εξομολογησομεθα εις τον αιωνα διαψαλμα

sept@Psalms:43:10 @ νυνι δε απωσω και κατησχυνας ημας και ουκ εξελευση εν ταις δυναμεσιν ημων

sept@Psalms:43:11 @ απεστρεψας ημας εις τα οπισω παρα τους εχθρους ημων και οι μισουντες ημας διηρπαζον εαυτοις

sept@Psalms:43:12 @ εδωκας ημας ως προβατα βρωσεως και εν τοις εθνεσιν διεσπειρας ημας

sept@Psalms:43:13 @ απεδου τον λαον σου ανευ τιμης και ουκ ην πληθος εν τοις αλλαγμασιν αυτων

sept@Psalms:43:14 @ εθου ημας ονειδος τοις γειτοσιν ημων μυκτηρισμον και καταγελωτα τοις κυκλω ημων

sept@Psalms:43:15 @ εθου ημας εις παραβολην εν τοις εθνεσιν κινησιν κεφαλης εν τοις λαοις

sept@Psalms:43:16 @ ολην την ημεραν η εντροπη μου κατεναντιον μου εστιν και η αισχυνη του προσωπου μου εκαλυψεν με

sept@Psalms:43:17 @ απο φωνης ονειδιζοντος και παραλαλουντος απο προσωπου εχθρου και εκδιωκοντος

sept@Psalms:43:18 @ ταυτα παντα ηλθεν εφ' ημας και ουκ επελαθομεθα σου και ουκ ηδικησαμεν εν διαθηκη σου

sept@Psalms:43:19 @ και ουκ απεστη εις τα οπισω η καρδια ημων και εξεκλινας τας τριβους ημων απο της οδου σου

sept@Psalms:43:20 @ οτι εταπεινωσας ημας εν τοπω κακωσεως και επεκαλυψεν ημας σκια θανατου

sept@Psalms:43:21 @ ει επελαθομεθα του ονοματος του θεου ημων και ει διεπετασαμεν χειρας ημων προς θεον αλλοτριον

sept@Psalms:43:22 @ ουχι ο θεος εκζητησει ταυτα αυτος γαρ γινωσκει τα κρυφια της καρδιας

sept@Psalms:43:23 @ οτι ενεκα σου θανατουμεθα ολην την ημεραν ελογισθημεν ως προβατα σφαγης

sept@Psalms:43:24 @ εξεγερθητι ινα τι υπνοις κυριε αναστηθι και μη απωση εις τελος

sept@Psalms:43:25 @ ινα τι το προσωπον σου αποστρεφεις επιλανθανη της πτωχειας ημων και της θλιψεως ημων

sept@Psalms:43:26 @ οτι εταπεινωθη εις χουν η ψυχη ημων εκολληθη εις γην η γαστηρ ημων

sept@Psalms:43:27 @ αναστα κυριε βοηθησον ημιν και λυτρωσαι ημας ενεκεν του ονοματος σου

sept@Psalms:44:1 @ εις το τελος υπερ των αλλοιωθησομενων τοις υιοις κορε εις συνεσιν ωδη υπερ του αγαπητου

sept@Psalms:44:2 @ εξηρευξατο η καρδια μου λογον αγαθον λεγω εγω τα εργα μου τω βασιλει η γλωσσα μου καλαμος γραμματεως οξυγραφου

sept@Psalms:44:3 @ ωραιος καλλει παρα τους υιους των ανθρωπων εξεχυθη χαρις εν χειλεσιν σου δια τουτο ευλογησεν σε ο θεος εις τον αιωνα

sept@Psalms:44:4 @ περιζωσαι την ρομφαιαν σου επι τον μηρον σου δυνατε τη ωραιοτητι σου και τω καλλει σου

sept@Psalms:44:5 @ και εντεινον και κατευοδου και βασιλευε ενεκεν αληθειας και πραυτητος και δικαιοσυνης και οδηγησει σε θαυμαστως η δεξια σου

sept@Psalms:44:6 @ τα βελη σου ηκονημενα δυνατε λαοι υποκατω σου πεσουνται εν καρδια των εχθρων του βασιλεως

sept@Psalms:44:7 @ ο θρονος σου ο θεος εις τον αιωνα του αιωνος ραβδος ευθυτητος η ραβδος της βασιλειας σου

sept@Psalms:44:8 @ ηγαπησας δικαιοσυνην και εμισησας ανομιαν δια τουτο εχρισεν σε ο θεος ο θεος σου ελαιον αγαλλιασεως παρα τους μετοχους σου

sept@Psalms:44:9 @ σμυρνα και στακτη και κασια απο των ιματιων σου απο βαρεων ελεφαντινων εξ ων ηυφραναν σε

sept@Psalms:44:10 @ θυγατερες βασιλεων εν τη τιμη σου παρεστη η βασιλισσα εκ δεξιων σου εν ιματισμω διαχρυσω περιβεβλημενη πεποικιλμενη

sept@Psalms:44:11 @ ακουσον θυγατερ και ιδε και κλινον το ους σου και επιλαθου του λαου σου και του οικου του πατρος σου

sept@Psalms:44:12 @ οτι επεθυμησεν ο βασιλευς του καλλους σου οτι αυτος εστιν ο κυριος σου

sept@Psalms:44:13 @ και προσκυνησουσιν αυτω θυγατερες τυρου εν δωροις το προσωπον σου λιτανευσουσιν οι πλουσιοι του λαου

sept@Psalms:44:14 @ πασα η δοξα αυτης θυγατρος βασιλεως εσωθεν εν κροσσωτοις χρυσοις περιβεβλημενη πεποικιλμενη

sept@Psalms:44:15 @ απενεχθησονται τω βασιλει παρθενοι οπισω αυτης αι πλησιον αυτης απενεχθησονται σοι

sept@Psalms:44:16 @ απενεχθησονται εν ευφροσυνη και αγαλλιασει αχθησονται εις ναον βασιλεως

sept@Psalms:44:17 @ αντι των πατερων σου εγενηθησαν σοι υιοι καταστησεις αυτους αρχοντας επι πασαν την γην

sept@Psalms:44:18 @ μνησθησονται του ονοματος σου εν παση γενεα και γενεα δια τουτο λαοι εξομολογησονται σοι εις τον αιωνα και εις τον αιωνα του αιωνος

sept@Psalms:45:1 @ εις το τελος υπερ των υιων κορε υπερ των κρυφιων ψαλμος

sept@Psalms:45:2 @ ο θεος ημων καταφυγη και δυναμις βοηθος εν θλιψεσιν ταις ευρουσαις ημας σφοδρα

sept@Psalms:45:3 @ δια τουτο ου φοβηθησομεθα εν τω ταρασσεσθαι την γην και μετατιθεσθαι ορη εν καρδιαις θαλασσων

sept@Psalms:45:4 @ ηχησαν και εταραχθησαν τα υδατα αυτων εταραχθησαν τα ορη εν τη κραταιοτητι αυτου διαψαλμα

sept@Psalms:45:5 @ του ποταμου τα ορμηματα ευφραινουσιν την πολιν του θεου ηγιασεν το σκηνωμα αυτου ο υψιστος

sept@Psalms:45:6 @ ο θεος εν μεσω αυτης ου σαλευθησεται βοηθησει αυτη ο θεος το προς πρωι

sept@Psalms:45:7 @ εταραχθησαν εθνη εκλιναν βασιλειαι εδωκεν φωνην αυτου εσαλευθη η γη

sept@Psalms:45:8 @ κυριος των δυναμεων μεθ' ημων αντιλημπτωρ ημων ο θεος ιακωβ διαψαλμα

sept@Psalms:45:9 @ δευτε ιδετε τα εργα κυριου α εθετο τερατα επι της γης

sept@Psalms:45:10 @ ανταναιρων πολεμους μεχρι των περατων της γης τοξον συντριψει και συγκλασει οπλον και θυρεους κατακαυσει εν πυρι

sept@Psalms:45:11 @ σχολασατε και γνωτε οτι εγω ειμι ο θεος υψωθησομαι εν τοις εθνεσιν υψωθησομαι εν τη γη

sept@Psalms:45:12 @ κυριος των δυναμεων μεθ' ημων αντιλημπτωρ ημων ο θεος ιακωβ

sept@Psalms:46:1 @ εις το τελος υπερ των υιων κορε ψαλμος

sept@Psalms:46:2 @ παντα τα εθνη κροτησατε χειρας αλαλαξατε τω θεω εν φωνη αγαλλιασεως

sept@Psalms:46:3 @ οτι κυριος υψιστος φοβερος βασιλευς μεγας επι πασαν την γην

sept@Psalms:46:4 @ υπεταξεν λαους ημιν και εθνη υπο τους ποδας ημων

sept@Psalms:46:5 @ εξελεξατο ημιν την κληρονομιαν αυτου την καλλονην ιακωβ ην ηγαπησεν διαψαλμα

sept@Psalms:46:6 @ ανεβη ο θεος εν αλαλαγμω κυριος εν φωνη σαλπιγγος

sept@Psalms:46:7 @ ψαλατε τω θεω ημων ψαλατε ψαλατε τω βασιλει ημων ψαλατε

sept@Psalms:46:8 @ οτι βασιλευς πασης της γης ο θεος ψαλατε συνετως

sept@Psalms:46:9 @ εβασιλευσεν ο θεος επι τα εθνη ο θεος καθηται επι θρονου αγιου αυτου

sept@Psalms:46:10 @ αρχοντες λαων συνηχθησαν μετα του θεου αβρααμ οτι του θεου οι κραταιοι της γης σφοδρα επηρθησαν

sept@Psalms:47:1 @ ψαλμος ωδης τοις υιοις κορε δευτερα σαββατου

sept@Psalms:47:2 @ μεγας κυριος και αινετος σφοδρα εν πολει του θεου ημων ορει αγιω αυτου

sept@Psalms:47:3 @ ευ ριζων αγαλλιαματι πασης της γης ορη σιων τα πλευρα του βορρα η πολις του βασιλεως του μεγαλου

sept@Psalms:47:4 @ ο θεος εν ταις βαρεσιν αυτης γινωσκεται οταν αντιλαμβανηται αυτης

sept@Psalms:47:5 @ οτι ιδου οι βασιλεις συνηχθησαν ηλθοσαν επι το αυτο

sept@Psalms:47:6 @ αυτοι ιδοντες ουτως εθαυμασαν εταραχθησαν εσαλευθησαν

sept@Psalms:47:7 @ τρομος επελαβετο αυτων εκει ωδινες ως τικτουσης

sept@Psalms:47:8 @ εν πνευματι βιαιω συντριψεις πλοια θαρσις

sept@Psalms:47:9 @ καθαπερ ηκουσαμεν ουτως ειδομεν εν πολει κυριου των δυναμεων εν πολει του θεου ημων ο θεος εθεμελιωσεν αυτην εις τον αιωνα διαψαλμα

sept@Psalms:47:10 @ υπελαβομεν ο θεος το ελεος σου εν μεσω του ναου σου

sept@Psalms:47:11 @ κατα το ονομα σου ο θεος ουτως και η αινεσις σου επι τα περατα της γης δικαιοσυνης πληρης η δεξια σου

sept@Psalms:47:12 @ ευφρανθητω το ορος σιων αγαλλιασθωσαν αι θυγατερες της ιουδαιας ενεκεν των κριματων σου κυριε

sept@Psalms:47:13 @ κυκλωσατε σιων και περιλαβετε αυτην διηγησασθε εν τοις πυργοις αυτης

sept@Psalms:47:14 @ θεσθε τας καρδιας υμων εις την δυναμιν αυτης και καταδιελεσθε τας βαρεις αυτης οπως αν διηγησησθε εις γενεαν ετεραν

sept@Psalms:47:15 @ οτι ουτος εστιν ο θεος ο θεος ημων εις τον αιωνα και εις τον αιωνα του αιωνος αυτος ποιμανει ημας εις τους αιωνας

sept@Psalms:48:1 @ εις το τελος τοις υιοις κορε ψαλμος

sept@Psalms:48:2 @ ακουσατε ταυτα παντα τα εθνη ενωτισασθε παντες οι κατοικουντες την οικουμενην

sept@Psalms:48:3 @ οι τε γηγενεις και οι υιοι των ανθρωπων επι το αυτο πλουσιος και πενης

sept@Psalms:48:4 @ το στομα μου λαλησει σοφιαν και η μελετη της καρδιας μου συνεσιν

sept@Psalms:48:5 @ κλινω εις παραβολην το ους μου ανοιξω εν ψαλτηριω το προβλημα μου

sept@Psalms:48:6 @ ινα τι φοβουμαι εν ημερα πονηρα η ανομια της πτερνης μου κυκλωσει με

sept@Psalms:48:7 @ οι πεποιθοτες επι τη δυναμει αυτων και επι τω πληθει του πλουτου αυτων καυχωμενοι

sept@Psalms:48:8 @ αδελφος ου λυτρουται λυτρωσεται ανθρωπος ου δωσει τω θεω εξιλασμα αυτου

sept@Psalms:48:9 @ και την τιμην της λυτρωσεως της ψυχης αυτου

sept@Psalms:48:10 @ και εκοπασεν εις τον αιωνα και ζησεται εις τελος οτι ουκ οψεται καταφθοραν οταν ιδη σοφους αποθνησκοντας

sept@Psalms:48:11 @ επι το αυτο αφρων και ανους απολουνται και καταλειψουσιν αλλοτριοις τον πλουτον αυτων

sept@Psalms:48:12 @ και οι ταφοι αυτων οικιαι αυτων εις τον αιωνα σκηνωματα αυτων εις γενεαν και γενεαν επεκαλεσαντο τα ονοματα αυτων επι των γαιων αυτων

sept@Psalms:48:13 @ και ανθρωπος εν τιμη ων ου συνηκεν παρασυνεβληθη τοις κτηνεσιν τοις ανοητοις και ωμοιωθη αυτοις

sept@Psalms:48:14 @ αυτη η οδος αυτων σκανδαλον αυτοις και μετα ταυτα εν τω στοματι αυτων ευδοκησουσιν διαψαλμα

sept@Psalms:48:15 @ ως προβατα εν αδη εθεντο θανατος ποιμαινει αυτους και κατακυριευσουσιν αυτων οι ευθεις το πρωι και η βοηθεια αυτων παλαιωθησεται εν τω αδη εκ της δοξης αυτων

sept@Psalms:48:16 @ πλην ο θεος λυτρωσεται την ψυχην μου εκ χειρος αδου οταν λαμβανη με διαψαλμα

sept@Psalms:48:17 @ μη φοβου οταν πλουτηση ανθρωπος και οταν πληθυνθη η δοξα του οικου αυτου

sept@Psalms:48:18 @ οτι ουκ εν τω αποθνησκειν αυτον λημψεται τα παντα ουδε συγκαταβησεται αυτω η δοξα αυτου

sept@Psalms:48:19 @ οτι η ψυχη αυτου εν τη ζωη αυτου ευλογηθησεται εξομολογησεται σοι οταν αγαθυνης αυτω

sept@Psalms:48:20 @ εισελευσεται εως γενεας πατερων αυτου εως αιωνος ουκ οψεται φως

sept@Psalms:48:21 @ ανθρωπος εν τιμη ων ου συνηκεν παρασυνεβληθη τοις κτηνεσιν τοις ανοητοις και ωμοιωθη αυτοις

sept@Psalms:49:1 @ ψαλμος τω ασαφ θεος θεων κυριος ελαλησεν και εκαλεσεν την γην απο ανατολων ηλιου και μεχρι δυσμων

sept@Psalms:49:2 @ εκ σιων η ευπρεπεια της ωραιοτητος αυτου ο θεος εμφανως ηξει

sept@Psalms:49:3 @ ο θεος ημων και ου παρασιωπησεται πυρ εναντιον αυτου καυθησεται και κυκλω αυτου καταιγις σφοδρα

sept@Psalms:49:4 @ προσκαλεσεται τον ουρανον ανω και την γην διακριναι τον λαον αυτου

sept@Psalms:49:5 @ συναγαγετε αυτω τους οσιους αυτου τους διατιθεμενους την διαθηκην αυτου επι θυσιαις

sept@Psalms:49:6 @ και αναγγελουσιν οι ουρανοι την δικαιοσυνην αυτου οτι ο θεος κριτης εστιν διαψαλμα

sept@Psalms:49:7 @ ακουσον λαος μου και λαλησω σοι ισραηλ και διαμαρτυρομαι σοι ο θεος ο θεος σου ειμι εγω

sept@Psalms:49:8 @ ουκ επι ταις θυσιαις σου ελεγξω σε τα δε ολοκαυτωματα σου ενωπιον μου εστιν δια παντος

sept@Psalms:49:9 @ ου δεξομαι εκ του οικου σου μοσχους ουδε εκ των ποιμνιων σου χιμαρους

sept@Psalms:49:10 @ οτι εμα εστιν παντα τα θηρια του δρυμου κτηνη εν τοις ορεσιν και βοες

sept@Psalms:49:11 @ εγνωκα παντα τα πετεινα του ουρανου και ωραιοτης αγρου μετ' εμου εστιν

sept@Psalms:49:12 @ εαν πεινασω ου μη σοι ειπω εμη γαρ εστιν η οικουμενη και το πληρωμα αυτης

sept@Psalms:49:13 @ μη φαγομαι κρεα ταυρων η αιμα τραγων πιομαι

sept@Psalms:49:14 @ θυσον τω θεω θυσιαν αινεσεως και αποδος τω υψιστω τας ευχας σου

sept@Psalms:49:15 @ και επικαλεσαι με εν ημερα θλιψεως και εξελουμαι σε και δοξασεις με διαψαλμα

sept@Psalms:49:16 @ τω δε αμαρτωλω ειπεν ο θεος ινα τι συ διηγη τα δικαιωματα μου και αναλαμβανεις την διαθηκην μου δια στοματος σου

sept@Psalms:49:17 @ συ δε εμισησας παιδειαν και εξεβαλες τους λογους μου εις τα οπισω

sept@Psalms:49:18 @ ει εθεωρεις κλεπτην συνετρεχες αυτω και μετα μοιχων την μεριδα σου ετιθεις

sept@Psalms:49:19 @ το στομα σου επλεονασεν κακιαν και η γλωσσα σου περιεπλεκεν δολιοτητα

sept@Psalms:49:20 @ καθημενος κατα του αδελφου σου κατελαλεις και κατα του υιου της μητρος σου ετιθεις σκανδαλον

sept@Psalms:49:21 @ ταυτα εποιησας και εσιγησα υπελαβες ανομιαν οτι εσομαι σοι ομοιος ελεγξω σε και παραστησω κατα προσωπον σου

sept@Psalms:49:22 @ συνετε δη ταυτα οι επιλανθανομενοι του θεου μηποτε αρπαση και μη η ο ρυομενος

sept@Psalms:49:23 @ θυσια αινεσεως δοξασει με και εκει οδος η δειξω αυτω το σωτηριον του θεου

sept@Psalms:50:1 @ εις το τελος ψαλμος τω δαυιδ

sept@Psalms:50:2 @ εν τω ελθειν προς αυτον ναθαν τον προφητην ηνικα εισηλθεν προς βηρσαβεε

sept@Psalms:50:3 @ ελεησον με ο θεος κατα το μεγα ελεος σου και κατα το πληθος των οικτιρμων σου εξαλειψον το ανομημα μου

sept@Psalms:50:4 @ επι πλειον πλυνον με απο της ανομιας μου και απο της αμαρτιας μου καθαρισον με

sept@Psalms:50:5 @ οτι την ανομιαν μου εγω γινωσκω και η αμαρτια μου ενωπιον μου εστιν δια παντος

sept@Psalms:50:6 @ σοι μονω ημαρτον και το πονηρον ενωπιον σου εποιησα οπως αν δικαιωθης εν τοις λογοις σου και νικησης εν τω κρινεσθαι σε

sept@Psalms:50:7 @ ιδου γαρ εν ανομιαις συνελημφθην και εν αμαρτιαις εκισσησεν με η μητηρ μου

sept@Psalms:50:8 @ ιδου γαρ αληθειαν ηγαπησας τα αδηλα και τα κρυφια της σοφιας σου εδηλωσας μοι

sept@Psalms:50:9 @ ραντιεις με υσσωπω και καθαρισθησομαι πλυνεις με και υπερ χιονα λευκανθησομαι

sept@Psalms:50:10 @ ακουτιεις με αγαλλιασιν και ευφροσυνην αγαλλιασονται οστα τεταπεινωμενα

sept@Psalms:50:11 @ αποστρεψον το προσωπον σου απο των αμαρτιων μου και πασας τας ανομιας μου εξαλειψον

sept@Psalms:50:12 @ καρδιαν καθαραν κτισον εν εμοι ο θεος και πνευμα ευθες εγκαινισον εν τοις εγκατοις μου

sept@Psalms:50:13 @ μη απορριψης με απο του προσωπου σου και το πνευμα το αγιον σου μη αντανελης απ' εμου

sept@Psalms:50:14 @ αποδος μοι την αγαλλιασιν του σωτηριου σου και πνευματι ηγεμονικω στηρισον με

sept@Psalms:50:15 @ διδαξω ανομους τας οδους σου και ασεβεις επι σε επιστρεψουσιν

sept@Psalms:50:16 @ ρυσαι με εξ αιματων ο θεος ο θεος της σωτηριας μου αγαλλιασεται η γλωσσα μου την δικαιοσυνην σου

sept@Psalms:50:17 @ κυριε τα χειλη μου ανοιξεις και το στομα μου αναγγελει την αινεσιν σου

sept@Psalms:50:18 @ οτι ει ηθελησας θυσιαν εδωκα αν ολοκαυτωματα ουκ ευδοκησεις

sept@Psalms:50:19 @ θυσια τω θεω πνευμα συντετριμμενον καρδιαν συντετριμμενην και τεταπεινωμενην ο θεος ουκ εξουθενωσει

sept@Psalms:50:20 @ αγαθυνον κυριε εν τη ευδοκια σου την σιων και οικοδομηθητω τα τειχη ιερουσαλημ

sept@Psalms:50:21 @ τοτε ευδοκησεις θυσιαν δικαιοσυνης αναφοραν και ολοκαυτωματα τοτε ανοισουσιν επι το θυσιαστηριον σου μοσχους

sept@Psalms:51:1 @ εις το τελος συνεσεως τω δαυιδ

sept@Psalms:51:2 @ εν τω ελθειν δωηκ τον ιδουμαιον και αναγγειλαι τω σαουλ και ειπειν αυτω ηλθεν δαυιδ εις τον οικον αβιμελεχ

sept@Psalms:51:3 @ τι εγκαυχα εν κακια ο δυνατος ανομιαν ολην την ημεραν

sept@Psalms:51:4 @ αδικιαν ελογισατο η γλωσσα σου ωσει ξυρον ηκονημενον εποιησας δολον

sept@Psalms:51:5 @ ηγαπησας κακιαν υπερ αγαθωσυνην αδικιαν υπερ το λαλησαι δικαιοσυνην διαψαλμα

sept@Psalms:51:6 @ ηγαπησας παντα τα ρηματα καταποντισμου γλωσσαν δολιαν

sept@Psalms:51:7 @ δια τουτο ο θεος καθελει σε εις τελος εκτιλαι σε και μεταναστευσαι σε απο σκηνωματος και το ριζωμα σου εκ γης ζωντων διαψαλμα

sept@Psalms:51:8 @ και οψονται δικαιοι και φοβηθησονται και επ' αυτον γελασονται και ερουσιν

sept@Psalms:51:9 @ ιδου ανθρωπος ος ουκ εθετο τον θεον βοηθον αυτου αλλ' επηλπισεν επι το πληθος του πλουτου αυτου και εδυναμωθη επι τη ματαιοτητι αυτου

sept@Psalms:51:10 @ εγω δε ωσει ελαια κατακαρπος εν τω οικω του θεου ηλπισα επι το ελεος του θεου εις τον αιωνα και εις τον αιωνα του αιωνος

sept@Psalms:51:11 @ εξομολογησομαι σοι εις τον αιωνα οτι εποιησας και υπομενω το ονομα σου οτι χρηστον εναντιον των οσιων σου

sept@Psalms:52:1 @ εις το τελος υπερ μαελεθ συνεσεως τω δαυιδ

sept@Psalms:52:2 @ ειπεν αφρων εν καρδια αυτου ουκ εστιν θεος διεφθαρησαν και εβδελυχθησαν εν ανομιαις ουκ εστιν ποιων αγαθον

sept@Psalms:52:3 @ ο θεος εκ του ουρανου διεκυψεν επι τους υιους των ανθρωπων του ιδειν ει εστιν συνιων η εκζητων τον θεον

sept@Psalms:52:4 @ παντες εξεκλιναν αμα ηχρεωθησαν ουκ εστιν ποιων αγαθον ουκ εστιν εως ενος

sept@Psalms:52:5 @ ουχι γνωσονται παντες οι εργαζομενοι την ανομιαν οι εσθοντες τον λαον μου βρωσει αρτου τον θεον ουκ επεκαλεσαντο

sept@Psalms:52:6 @ εκει φοβηθησονται φοβον ου ουκ ην φοβος οτι ο θεος διεσκορπισεν οστα ανθρωπαρεσκων κατησχυνθησαν οτι ο θεος εξουδενωσεν αυτους

sept@Psalms:52:7 @ τις δωσει εκ σιων το σωτηριον του ισραηλ εν τω επιστρεψαι κυριον την αιχμαλωσιαν του λαου αυτου αγαλλιασεται ιακωβ και ευφρανθησεται ισραηλ

sept@Psalms:53:1 @ εις το τελος εν υμνοις συνεσεως τω δαυιδ

sept@Psalms:53:2 @ εν τω ελθειν τους ζιφαιους και ειπειν τω σαουλ ουκ ιδου δαυιδ κεκρυπται παρ' ημιν

sept@Psalms:53:3 @ ο θεος εν τω ονοματι σου σωσον με και εν τη δυναμει σου κρινον με

sept@Psalms:53:4 @ ο θεος εισακουσον της προσευχης μου ενωτισαι τα ρηματα του στοματος μου

sept@Psalms:53:5 @ οτι αλλοτριοι επανεστησαν επ' εμε και κραταιοι εζητησαν την ψυχην μου ου προεθεντο τον θεον ενωπιον αυτων διαψαλμα

sept@Psalms:53:6 @ ιδου γαρ ο θεος βοηθει μοι και ο κυριος αντιλημπτωρ της ψυχης μου

sept@Psalms:53:7 @ αποστρεψει τα κακα τοις εχθροις μου εν τη αληθεια σου εξολεθρευσον αυτους

sept@Psalms:53:8 @ εκουσιως θυσω σοι εξομολογησομαι τω ονοματι σου κυριε οτι αγαθον

sept@Psalms:53:9 @ οτι εκ πασης θλιψεως ερρυσω με και εν τοις εχθροις μου επειδεν ο οφθαλμος μου

sept@Psalms:54:1 @ εις το τελος εν υμνοις συνεσεως τω δαυιδ

sept@Psalms:54:2 @ ενωτισαι ο θεος την προσευχην μου και μη υπεριδης την δεησιν μου

sept@Psalms:54:3 @ προσχες μοι και εισακουσον μου ελυπηθην εν τη αδολεσχια μου και εταραχθην

sept@Psalms:54:4 @ απο φωνης εχθρου και απο θλιψεως αμαρτωλου οτι εξεκλιναν επ' εμε ανομιαν και εν οργη ενεκοτουν μοι

sept@Psalms:54:5 @ η καρδια μου εταραχθη εν εμοι και δειλια θανατου επεπεσεν επ' εμε

sept@Psalms:54:6 @ φοβος και τρομος ηλθεν επ' εμε και εκαλυψεν με σκοτος

sept@Psalms:54:7 @ και ειπα τις δωσει μοι πτερυγας ωσει περιστερας και πετασθησομαι και καταπαυσω

sept@Psalms:54:8 @ ιδου εμακρυνα φυγαδευων και ηυλισθην εν τη ερημω διαψαλμα

sept@Psalms:54:9 @ προσεδεχομην τον σωζοντα με απο ολιγοψυχιας και καταιγιδος

sept@Psalms:54:10 @ καταποντισον κυριε και καταδιελε τας γλωσσας αυτων οτι ειδον ανομιαν και αντιλογιαν εν τη πολει

sept@Psalms:54:11 @ ημερας και νυκτος κυκλωσει αυτην επι τα τειχη αυτης ανομια και κοπος εν μεσω αυτης και αδικια

sept@Psalms:54:12 @ και ουκ εξελιπεν εκ των πλατειων αυτης τοκος και δολος

sept@Psalms:54:13 @ οτι ει εχθρος ωνειδισεν με υπηνεγκα αν και ει ο μισων με επ' εμε εμεγαλορρημονησεν εκρυβην αν απ' αυτου

sept@Psalms:54:14 @ συ δε ανθρωπε ισοψυχε ηγεμων μου και γνωστε μου

sept@Psalms:54:15 @ ος επι το αυτο μοι εγλυκανας εδεσματα εν τω οικω του θεου επορευθημεν εν ομονοια

sept@Psalms:54:16 @ ελθετω θανατος επ' αυτους και καταβητωσαν εις αδου ζωντες οτι πονηριαι εν ταις παροικιαις αυτων εν μεσω αυτων

sept@Psalms:54:17 @ εγω δε προς τον θεον εκεκραξα και ο κυριος εισηκουσεν μου

sept@Psalms:54:18 @ εσπερας και πρωι και μεσημβριας διηγησομαι απαγγελω και εισακουσεται της φωνης μου

sept@Psalms:54:19 @ λυτρωσεται εν ειρηνη την ψυχην μου απο των εγγιζοντων μοι οτι εν πολλοις ησαν συν εμοι

sept@Psalms:54:20 @ εισακουσεται ο θεος και ταπεινωσει αυτους ο υπαρχων προ των αιωνων διαψαλμα ου γαρ εστιν αυτοις ανταλλαγμα και ουκ εφοβηθησαν τον θεον

sept@Psalms:54:21 @ εξετεινεν την χειρα αυτου εν τω αποδιδοναι εβεβηλωσαν την διαθηκην αυτου

sept@Psalms:54:22 @ διεμερισθησαν απο οργης του προσωπου αυτου και ηγγισεν η καρδια αυτου ηπαλυνθησαν οι λογοι αυτου υπερ ελαιον και αυτοι εισιν βολιδες

sept@Psalms:54:23 @ επιρριψον επι κυριον την μεριμναν σου και αυτος σε διαθρεψει ου δωσει εις τον αιωνα σαλον τω δικαιω

sept@Psalms:54:24 @ συ δε ο θεος καταξεις αυτους εις φρεαρ διαφθορας ανδρες αιματων και δολιοτητος ου μη ημισευσωσιν τας ημερας αυτων εγω δε ελπιω επι σε κυριε

sept@Psalms:55:1 @ εις το τελος υπερ του λαου του απο των αγιων μεμακρυμμενου τω δαυιδ εις στηλογραφιαν οποτε εκρατησαν αυτον οι αλλοφυλοι εν γεθ

sept@Psalms:55:2 @ ελεησον με κυριε οτι κατεπατησεν με ανθρωπος ολην την ημεραν πολεμων εθλιψεν με

sept@Psalms:55:3 @ κατεπατησαν με οι εχθροι μου ολην την ημεραν οτι πολλοι οι πολεμουντες με απο υψους

sept@Psalms:55:4 @ ημερας φοβηθησομαι εγω δε επι σοι ελπιω

sept@Psalms:55:5 @ εν τω θεω επαινεσω τους λογους μου ολην την ημεραν επι τω θεω ηλπισα ου φοβηθησομαι τι ποιησει μοι σαρξ

sept@Psalms:55:6 @ ολην την ημεραν τους λογους μου εβδελυσσοντο κατ' εμου παντες οι διαλογισμοι αυτων εις κακον

sept@Psalms:55:7 @ παροικησουσιν και κατακρυψουσιν αυτοι την πτερναν μου φυλαξουσιν καθαπερ υπεμειναν την ψυχην μου

sept@Psalms:55:8 @ υπερ του μηθενος σωσεις αυτους εν οργη λαους καταξεις ο θεος

sept@Psalms:55:9 @ την ζωην μου εξηγγειλα σοι εθου τα δακρυα μου ενωπιον σου ως και εν τη επαγγελια σου

sept@Psalms:55:10 @ επιστρεψουσιν οι εχθροι μου εις τα οπισω εν η αν ημερα επικαλεσωμαι σε ιδου εγνων οτι θεος μου ει συ

sept@Psalms:55:11 @ επι τω θεω αινεσω ρημα επι τω κυριω αινεσω λογον

sept@Psalms:55:12 @ επι τω θεω ηλπισα ου φοβηθησομαι τι ποιησει μοι ανθρωπος

sept@Psalms:55:13 @ εν εμοι ο θεος αι ευχαι ας αποδωσω αινεσεως σοι

sept@Psalms:55:14 @ οτι ερρυσω την ψυχην μου εκ θανατου και τους ποδας μου εξ ολισθηματος του ευαρεστησαι ενωπιον του θεου εν φωτι ζωντων

sept@Psalms:56:1 @ εις το τελος μη διαφθειρης τω δαυιδ εις στηλογραφιαν εν τω αυτον αποδιδρασκειν απο προσωπου σαουλ εις το σπηλαιον

sept@Psalms:56:2 @ ελεησον με ο θεος ελεησον με οτι επι σοι πεποιθεν η ψυχη μου και εν τη σκια των πτερυγων σου ελπιω εως ου παρελθη η ανομια

sept@Psalms:56:3 @ κεκραξομαι προς τον θεον τον υψιστον τον θεον τον ευεργετησαντα με

sept@Psalms:56:4 @ εξαπεστειλεν εξ ουρανου και εσωσεν με εδωκεν εις ονειδος τους καταπατουντας με διαψαλμα εξαπεστειλεν ο θεος το ελεος αυτου και την αληθειαν αυτου

sept@Psalms:56:5 @ και ερρυσατο την ψυχην μου εκ μεσου σκυμνων εκοιμηθην τεταραγμενος υιοι ανθρωπων οι οδοντες αυτων οπλον και βελη και η γλωσσα αυτων μαχαιρα οξεια

sept@Psalms:56:6 @ υψωθητι επι τους ουρανους ο θεος και επι πασαν την γην η δοξα σου

sept@Psalms:56:7 @ παγιδα ητοιμασαν τοις ποσιν μου και κατεκαμψαν την ψυχην μου ωρυξαν προ προσωπου μου βοθρον και ενεπεσαν εις αυτον διαψαλμα

sept@Psalms:56:8 @ ετοιμη η καρδια μου ο θεος ετοιμη η καρδια μου ασομαι και ψαλω

sept@Psalms:56:9 @ εξεγερθητι η δοξα μου εξεγερθητι ψαλτηριον και κιθαρα εξεγερθησομαι ορθρου

sept@Psalms:56:10 @ εξομολογησομαι σοι εν λαοις κυριε ψαλω σοι εν εθνεσιν

sept@Psalms:56:11 @ οτι εμεγαλυνθη εως των ουρανων το ελεος σου και εως των νεφελων η αληθεια σου

sept@Psalms:56:12 @ υψωθητι επι τους ουρανους ο θεος και επι πασαν την γην η δοξα σου

sept@Psalms:57:1 @ εις το τελος μη διαφθειρης τω δαυιδ εις στηλογραφιαν

sept@Psalms:57:2 @ ει αληθως αρα δικαιοσυνην λαλειτε ευθεια κρινετε οι υιοι των ανθρωπων

sept@Psalms:57:3 @ και γαρ εν καρδια ανομιας εργαζεσθε εν τη γη αδικιαν αι χειρες υμων συμπλεκουσιν

sept@Psalms:57:4 @ απηλλοτριωθησαν οι αμαρτωλοι απο μητρας επλανηθησαν απο γαστρος ελαλησαν ψευδη

sept@Psalms:57:5 @ θυμος αυτοις κατα την ομοιωσιν του οφεως ωσει ασπιδος κωφης και βυουσης τα ωτα αυτης

sept@Psalms:57:6 @ ητις ουκ εισακουσεται φωνην επαδοντων φαρμακου τε φαρμακευομενου παρα σοφου

sept@Psalms:57:7 @ ο θεος συνετριψεν τους οδοντας αυτων εν τω στοματι αυτων τας μυλας των λεοντων συνεθλασεν κυριος

sept@Psalms:57:8 @ εξουδενωθησονται ως υδωρ διαπορευομενον εντενει το τοξον αυτου εως ου ασθενησουσιν

sept@Psalms:57:9 @ ωσει κηρος ο τακεις ανταναιρεθησονται επεπεσε πυρ και ουκ ειδον τον ηλιον

sept@Psalms:57:10 @ προ του συνιεναι τας ακανθας υμων την ραμνον ωσει ζωντας ωσει εν οργη καταπιεται υμας

sept@Psalms:57:11 @ ευφρανθησεται δικαιος οταν ιδη εκδικησιν ασεβων τας χειρας αυτου νιψεται εν τω αιματι του αμαρτωλου

sept@Psalms:57:12 @ και ερει ανθρωπος ει αρα εστιν καρπος τω δικαιω αρα εστιν ο θεος κρινων αυτους εν τη γη

sept@Psalms:58:1 @ εις το τελος μη διαφθειρης τω δαυιδ εις στηλογραφιαν οποτε απεστειλεν σαουλ και εφυλαξεν τον οικον αυτου του θανατωσαι αυτον

sept@Psalms:58:2 @ εξελου με εκ των εχθρων μου ο θεος και εκ των επανιστανομενων επ' εμε λυτρωσαι με

sept@Psalms:58:3 @ ρυσαι με εκ των εργαζομενων την ανομιαν και εξ ανδρων αιματων σωσον με

sept@Psalms:58:4 @ οτι ιδου εθηρευσαν την ψυχην μου επεθεντο επ' εμε κραταιοι ουτε η ανομια μου ουτε η αμαρτια μου κυριε

sept@Psalms:58:5 @ ανευ ανομιας εδραμον και κατευθυναν εξεγερθητι εις συναντησιν μου και ιδε

sept@Psalms:58:6 @ και συ κυριε ο θεος των δυναμεων ο θεος ισραηλ προσχες του επισκεψασθαι παντα τα εθνη μη οικτιρησης παντας τους εργαζομενους την ανομιαν διαψαλμα

sept@Psalms:58:7 @ επιστρεψουσιν εις εσπεραν και λιμωξουσιν ως κυων και κυκλωσουσιν πολιν

sept@Psalms:58:8 @ ιδου αποφθεγξονται εν τω στοματι αυτων και ρομφαια εν τοις χειλεσιν αυτων οτι τις ηκουσεν

sept@Psalms:58:9 @ και συ κυριε εκγελαση αυτους εξουδενωσεις παντα τα εθνη

sept@Psalms:58:10 @ το κρατος μου προς σε φυλαξω οτι ο θεος αντιλημπτωρ μου ει

sept@Psalms:58:11 @ ο θεος μου το ελεος αυτου προφθασει με ο θεος δειξει μοι εν τοις εχθροις μου

sept@Psalms:58:12 @ μη αποκτεινης αυτους μηποτε επιλαθωνται του λαου μου διασκορπισον αυτους εν τη δυναμει σου και καταγαγε αυτους ο υπερασπιστης μου κυριε

sept@Psalms:58:13 @ αμαρτιαν στοματος αυτων λογον χειλεων αυτων και συλλημφθητωσαν εν τη υπερηφανια αυτων και εξ αρας και ψευδους διαγγελησονται συντελειαι

sept@Psalms:58:14 @ εν οργη συντελειας και ου μη υπαρξωσιν και γνωσονται οτι ο θεος δεσποζει του ιακωβ των περατων της γης διαψαλμα

sept@Psalms:58:15 @ επιστρεψουσιν εις εσπεραν και λιμωξουσιν ως κυων και κυκλωσουσιν πολιν

sept@Psalms:58:16 @ αυτοι διασκορπισθησονται του φαγειν εαν δε μη χορτασθωσιν και γογγυσουσιν

sept@Psalms:58:17 @ εγω δε ασομαι τη δυναμει σου και αγαλλιασομαι το πρωι το ελεος σου οτι εγενηθης αντιλημπτωρ μου και καταφυγη εν ημερα θλιψεως μου

sept@Psalms:58:18 @ βοηθος μου σοι ψαλω οτι ο θεος αντιλημπτωρ μου ει ο θεος μου το ελεος μου

sept@Psalms:59:1 @ εις το τελος τοις αλλοιωθησομενοις ετι εις στηλογραφιαν τω δαυιδ εις διδαχην

sept@Psalms:59:2 @ οποτε ενεπυρισεν την μεσοποταμιαν συριας και την συριαν σωβα και επεστρεψεν ιωαβ και επαταξεν την φαραγγα των αλων δωδεκα χιλιαδας

sept@Psalms:59:3 @ ο θεος απωσω ημας και καθειλες ημας ωργισθης και οικτιρησας ημας

sept@Psalms:59:4 @ συνεσεισας την γην και συνεταραξας αυτην ιασαι τα συντριμματα αυτης οτι εσαλευθη

sept@Psalms:59:5 @ εδειξας τω λαω σου σκληρα εποτισας ημας οινον κατανυξεως

sept@Psalms:59:6 @ εδωκας τοις φοβουμενοις σε σημειωσιν του φυγειν απο προσωπου τοξου διαψαλμα

sept@Psalms:59:7 @ οπως αν ρυσθωσιν οι αγαπητοι σου σωσον τη δεξια σου και επακουσον μου

sept@Psalms:59:8 @ ο θεος ελαλησεν εν τω αγιω αυτου αγαλλιασομαι και διαμεριω σικιμα και την κοιλαδα των σκηνων διαμετρησω

sept@Psalms:59:9 @ εμος εστιν γαλααδ και εμος εστιν μανασση και εφραιμ κραταιωσις της κεφαλης μου ιουδας βασιλευς μου

sept@Psalms:59:10 @ μωαβ λεβης της ελπιδος μου επι την ιδουμαιαν εκτενω το υποδημα μου εμοι αλλοφυλοι υπεταγησαν

sept@Psalms:59:11 @ τις απαξει με εις πολιν περιοχης τις οδηγησει με εως της ιδουμαιας

sept@Psalms:59:12 @ ουχι συ ο θεος ο απωσαμενος ημας και ουκ εξελευση ο θεος εν ταις δυναμεσιν ημων

sept@Psalms:59:13 @ δος ημιν βοηθειαν εκ θλιψεως και ματαια σωτηρια ανθρωπου

sept@Psalms:59:14 @ εν δε τω θεω ποιησομεν δυναμιν και αυτος εξουδενωσει τους θλιβοντας ημας

sept@Psalms:60:1 @ εις το τελος εν υμνοις τω δαυιδ

sept@Psalms:60:2 @ εισακουσον ο θεος της δεησεως μου προσχες τη προσευχη μου

sept@Psalms:60:3 @ απο των περατων της γης προς σε εκεκραξα εν τω ακηδιασαι την καρδιαν μου εν πετρα υψωσας με

sept@Psalms:60:4 @ ωδηγησας με οτι εγενηθης ελπις μου πυργος ισχυος απο προσωπου εχθρου

sept@Psalms:60:5 @ παροικησω εν τω σκηνωματι σου εις τους αιωνας σκεπασθησομαι εν σκεπη των πτερυγων σου διαψαλμα

sept@Psalms:60:6 @ οτι συ ο θεος εισηκουσας των ευχων μου εδωκας κληρονομιαν τοις φοβουμενοις το ονομα σου

sept@Psalms:60:7 @ ημερας εφ' ημερας βασιλεως προσθησεις ετη αυτου εως ημερας γενεας και γενεας

sept@Psalms:60:8 @ διαμενει εις τον αιωνα ενωπιον του θεου ελεος και αληθειαν αυτου τις εκζητησει

sept@Psalms:60:9 @ ουτως ψαλω τω ονοματι σου εις τον αιωνα του αιωνος του αποδουναι με τας ευχας μου ημεραν εξ ημερας

sept@Psalms:61:1 @ εις το τελος υπερ ιδιθουν ψαλμος τω δαυιδ

sept@Psalms:61:2 @ ουχι τω θεω υποταγησεται η ψυχη μου παρ' αυτου γαρ το σωτηριον μου

sept@Psalms:61:3 @ και γαρ αυτος θεος μου και σωτηρ μου αντιλημπτωρ μου ου μη σαλευθω επι πλειον

sept@Psalms:61:4 @ εως ποτε επιτιθεσθε επ' ανθρωπον φονευετε παντες ως τοιχω κεκλιμενω και φραγμω ωσμενω

sept@Psalms:61:5 @ πλην την τιμην μου εβουλευσαντο απωσασθαι εδραμον εν ψευδει τω στοματι αυτων ευλογουσαν και τη καρδια αυτων κατηρωντο διαψαλμα

sept@Psalms:61:6 @ πλην τω θεω υποταγηθι η ψυχη μου οτι παρ' αυτου η υπομονη μου

sept@Psalms:61:7 @ οτι αυτος θεος μου και σωτηρ μου αντιλημπτωρ μου ου μη μεταναστευσω

sept@Psalms:61:8 @ επι τω θεω το σωτηριον μου και η δοξα μου ο θεος της βοηθειας μου και η ελπις μου επι τω θεω

sept@Psalms:61:9 @ ελπισατε επ' αυτον πασα συναγωγη λαου εκχεετε ενωπιον αυτου τας καρδιας υμων ο θεος βοηθος ημων διαψαλμα

sept@Psalms:61:10 @ πλην ματαιοι οι υιοι των ανθρωπων ψευδεις οι υιοι των ανθρωπων εν ζυγοις του αδικησαι αυτοι εκ ματαιοτητος επι το αυτο

sept@Psalms:61:11 @ μη ελπιζετε επι αδικιαν και επι αρπαγμα μη επιποθειτε πλουτος εαν ρεη μη προστιθεσθε καρδιαν

sept@Psalms:61:12 @ απαξ ελαλησεν ο θεος δυο ταυτα ηκουσα

sept@Psalms:61:13 @ οτι το κρατος του θεου και σοι κυριε το ελεος οτι συ αποδωσεις εκαστω κατα τα εργα αυτου

sept@Psalms:62:1 @ ψαλμος τω δαυιδ εν τω ειναι αυτον εν τη ερημω της ιουδαιας

sept@Psalms:62:2 @ ο θεος ο θεος μου προς σε ορθριζω εδιψησεν σοι η ψυχη μου ποσαπλως σοι η σαρξ μου εν γη ερημω και αβατω και ανυδρω

sept@Psalms:62:3 @ ουτως εν τω αγιω ωφθην σοι του ιδειν την δυναμιν σου και την δοξαν σου

sept@Psalms:62:4 @ οτι κρεισσον το ελεος σου υπερ ζωας τα χειλη μου επαινεσουσιν σε

sept@Psalms:62:5 @ ουτως ευλογησω σε εν τη ζωη μου εν τω ονοματι σου αρω τας χειρας μου

sept@Psalms:62:6 @ ωσει στεατος και πιοτητος εμπλησθειη η ψυχη μου και χειλη αγαλλιασεως αινεσει το στομα μου

sept@Psalms:62:7 @ ει εμνημονευον σου επι της στρωμνης μου εν τοις ορθροις εμελετων εις σε

sept@Psalms:62:8 @ οτι εγενηθης βοηθος μου και εν τη σκεπη των πτερυγων σου αγαλλιασομαι

sept@Psalms:62:9 @ εκολληθη η ψυχη μου οπισω σου εμου αντελαβετο η δεξια σου

sept@Psalms:62:10 @ αυτοι δε εις ματην εζητησαν την ψυχην μου εισελευσονται εις τα κατωτατα της γης

sept@Psalms:62:11 @ παραδοθησονται εις χειρας ρομφαιας μεριδες αλωπεκων εσονται

sept@Psalms:62:12 @ ο δε βασιλευς ευφρανθησεται επι τω θεω επαινεσθησεται πας ο ομνυων εν αυτω οτι ενεφραγη στομα λαλουντων αδικα

sept@Psalms:63:1 @ εις το τελος ψαλμος τω δαυιδ

sept@Psalms:63:2 @ εισακουσον ο θεος της φωνης μου εν τω δεεσθαι με απο φοβου εχθρου εξελου την ψυχην μου

sept@Psalms:63:3 @ εσκεπασας με απο συστροφης πονηρευομενων απο πληθους εργαζομενων την ανομιαν

sept@Psalms:63:4 @ οιτινες ηκονησαν ως ρομφαιαν τας γλωσσας αυτων ενετειναν τοξον αυτων πραγμα πικρον

sept@Psalms:63:5 @ του κατατοξευσαι εν αποκρυφοις αμωμον εξαπινα κατατοξευσουσιν αυτον και ου φοβηθησονται

sept@Psalms:63:6 @ εκραταιωσαν εαυτοις λογον πονηρον διηγησαντο του κρυψαι παγιδας ειπαν τις οψεται αυτους

sept@Psalms:63:7 @ εξηρευνησαν ανομιας εξελιπον εξερευνωντες εξερευνησει προσελευσεται ανθρωπος και καρδια βαθεια

sept@Psalms:63:8 @ και υψωθησεται ο θεος βελος νηπιων εγενηθησαν αι πληγαι αυτων

sept@Psalms:63:9 @ και εξησθενησαν επ' αυτους αι γλωσσαι αυτων εταραχθησαν παντες οι θεωρουντες αυτους

sept@Psalms:63:10 @ και εφοβηθη πας ανθρωπος και ανηγγειλαν τα εργα του θεου και τα ποιηματα αυτου συνηκαν

sept@Psalms:63:11 @ ευφρανθησεται δικαιος επι τω κυριω και ελπιει επ' αυτον και επαινεσθησονται παντες οι ευθεις τη καρδια

sept@Psalms:64:1 @ εις το τελος ψαλμος τω δαυιδ ωδη ιερεμιου και ιεζεκιηλ εκ του λογου της παροικιας οτε εμελλον εκπορευεσθαι

sept@Psalms:64:2 @ σοι πρεπει υμνος ο θεος εν σιων και σοι αποδοθησεται ευχη εν ιερουσαλημ

sept@Psalms:64:3 @ εισακουσον προσευχης μου προς σε πασα σαρξ ηξει

sept@Psalms:64:4 @ λογοι ανομιων υπερεδυναμωσαν ημας και τας ασεβειας ημων συ ιλαση

sept@Psalms:64:5 @ μακαριος ον εξελεξω και προσελαβου κατασκηνωσει εν ταις αυλαις σου πλησθησομεθα εν τοις αγαθοις του οικου σου αγιος ο ναος σου θαυμαστος εν δικαιοσυνη

sept@Psalms:64:6 @ επακουσον ημων ο θεος ο σωτηρ ημων η ελπις παντων των περατων της γης και εν θαλασση μακραν

sept@Psalms:64:7 @ ετοιμαζων ορη εν τη ισχυι αυτου περιεζωσμενος εν δυναστεια

sept@Psalms:64:8 @ ο συνταρασσων το κυτος της θαλασσης ηχους κυματων αυτης ταραχθησονται τα εθνη

sept@Psalms:64:9 @ και φοβηθησονται οι κατοικουντες τα περατα απο των σημειων σου εξοδους πρωιας και εσπερας τερψεις

sept@Psalms:64:10 @ επεσκεψω την γην και εμεθυσας αυτην επληθυνας του πλουτισαι αυτην ο ποταμος του θεου επληρωθη υδατων ητοιμασας την τροφην αυτων οτι ουτως η ετοιμασια σου

sept@Psalms:64:11 @ τους αυλακας αυτης μεθυσον πληθυνον τα γενηματα αυτης εν ταις σταγοσιν αυτης ευφρανθησεται ανατελλουσα

sept@Psalms:64:12 @ ευλογησεις τον στεφανον του ενιαυτου της χρηστοτητος σου και τα πεδια σου πλησθησονται πιοτητος

sept@Psalms:64:13 @ πιανθησονται τα ωραια της ερημου και αγαλλιασιν οι βουνοι περιζωσονται

sept@Psalms:64:14 @ ενεδυσαντο οι κριοι των προβατων και αι κοιλαδες πληθυνουσι σιτον κεκραξονται και γαρ υμνησουσιν

sept@Psalms:65:1 @ εις το τελος ωδη ψαλμου αναστασεως αλαλαξατε τω θεω πασα η γη

sept@Psalms:65:2 @ ψαλατε δη τω ονοματι αυτου δοτε δοξαν αινεσει αυτου

sept@Psalms:65:3 @ ειπατε τω θεω ως φοβερα τα εργα σου εν τω πληθει της δυναμεως σου ψευσονται σε οι εχθροι σου

sept@Psalms:65:4 @ πασα η γη προσκυνησατωσαν σοι και ψαλατωσαν σοι ψαλατωσαν τω ονοματι σου διαψαλμα

sept@Psalms:65:5 @ δευτε και ιδετε τα εργα του θεου φοβερος εν βουλαις υπερ τους υιους των ανθρωπων

sept@Psalms:65:6 @ ο μεταστρεφων την θαλασσαν εις ξηραν εν ποταμω διελευσονται ποδι εκει ευφρανθησομεθα επ' αυτω

sept@Psalms:65:7 @ τω δεσποζοντι εν τη δυναστεια αυτου του αιωνος οι οφθαλμοι αυτου επι τα εθνη επιβλεπουσιν οι παραπικραινοντες μη υψουσθωσαν εν εαυτοις διαψαλμα

sept@Psalms:65:8 @ ευλογειτε εθνη τον θεον ημων και ακουτισασθε την φωνην της αινεσεως αυτου

sept@Psalms:65:9 @ του θεμενου την ψυχην μου εις ζωην και μη δοντος εις σαλον τους ποδας μου

sept@Psalms:65:10 @ οτι εδοκιμασας ημας ο θεος επυρωσας ημας ως πυρουται το αργυριον

sept@Psalms:65:11 @ εισηγαγες ημας εις την παγιδα εθου θλιψεις επι τον νωτον ημων

sept@Psalms:65:12 @ επεβιβασας ανθρωπους επι τας κεφαλας ημων διηλθομεν δια πυρος και υδατος και εξηγαγες ημας εις αναψυχην

sept@Psalms:65:13 @ εισελευσομαι εις τον οικον σου εν ολοκαυτωμασιν αποδωσω σοι τας ευχας μου

sept@Psalms:65:14 @ ας διεστειλεν τα χειλη μου και ελαλησεν το στομα μου εν τη θλιψει μου

sept@Psalms:65:15 @ ολοκαυτωματα μεμυαλωμενα ανοισω σοι μετα θυμιαματος και κριων ποιησω σοι βοας μετα χιμαρων διαψαλμα

sept@Psalms:65:16 @ δευτε ακουσατε και διηγησομαι παντες οι φοβουμενοι τον θεον οσα εποιησεν τη ψυχη μου

sept@Psalms:65:17 @ προς αυτον τω στοματι μου εκεκραξα και υψωσα υπο την γλωσσαν μου

sept@Psalms:65:18 @ αδικιαν ει εθεωρουν εν καρδια μου μη εισακουσατω κυριος

sept@Psalms:65:19 @ δια τουτο εισηκουσεν μου ο θεος προσεσχεν τη φωνη της δεησεως μου

sept@Psalms:65:20 @ ευλογητος ο θεος ος ουκ απεστησεν την προσευχην μου και το ελεος αυτου απ' εμου

sept@Psalms:66:1 @ εις το τελος εν υμνοις ψαλμος ωδης

sept@Psalms:66:2 @ ο θεος οικτιρησαι ημας και ευλογησαι ημας επιφαναι το προσωπον αυτου εφ' ημας διαψαλμα

sept@Psalms:66:3 @ του γνωναι εν τη γη την οδον σου εν πασιν εθνεσιν το σωτηριον σου

sept@Psalms:66:4 @ εξομολογησασθωσαν σοι λαοι ο θεος εξομολογησασθωσαν σοι λαοι παντες

sept@Psalms:66:5 @ ευφρανθητωσαν και αγαλλιασθωσαν εθνη οτι κρινεις λαους εν ευθυτητι και εθνη εν τη γη οδηγησεις διαψαλμα

sept@Psalms:66:6 @ εξομολογησασθωσαν σοι λαοι ο θεος εξομολογησασθωσαν σοι λαοι παντες

sept@Psalms:66:7 @ γη εδωκεν τον καρπον αυτης ευλογησαι ημας ο θεος ο θεος ημων

sept@Psalms:66:8 @ ευλογησαι ημας ο θεος και φοβηθητωσαν αυτον παντα τα περατα της γης

sept@Psalms:67:1 @ εις το τελος τω δαυιδ ψαλμος ωδης

sept@Psalms:67:2 @ αναστητω ο θεος και διασκορπισθητωσαν οι εχθροι αυτου και φυγετωσαν οι μισουντες αυτον απο προσωπου αυτου

sept@Psalms:67:3 @ ως εκλειπει καπνος εκλιπετωσαν ως τηκεται κηρος απο προσωπου πυρος ουτως απολοιντο οι αμαρτωλοι απο προσωπου του θεου

sept@Psalms:67:4 @ και οι δικαιοι ευφρανθητωσαν αγαλλιασθωσαν ενωπιον του θεου τερφθητωσαν εν ευφροσυνη

sept@Psalms:67:5 @ ασατε τω θεω ψαλατε τω ονοματι αυτου οδοποιησατε τω επιβεβηκοτι επι δυσμων κυριος ονομα αυτω και αγαλλιασθε ενωπιον αυτου ταραχθησονται απο προσωπου αυτου

sept@Psalms:67:6 @ του πατρος των ορφανων και κριτου των χηρων ο θεος εν τοπω αγιω αυτου

sept@Psalms:67:7 @ ο θεος κατοικιζει μονοτροπους εν οικω εξαγων πεπεδημενους εν ανδρεια ομοιως τους παραπικραινοντας τους κατοικουντας εν ταφοις

sept@Psalms:67:8 @ ο θεος εν τω εκπορευεσθαι σε ενωπιον του λαου σου εν τω διαβαινειν σε εν τη ερημω διαψαλμα

sept@Psalms:67:9 @ γη εσεισθη και γαρ οι ουρανοι εσταξαν απο προσωπου του θεου τουτο σινα απο προσωπου του θεου ισραηλ

sept@Psalms:67:10 @ βροχην εκουσιον αφοριεις ο θεος τη κληρονομια σου και ησθενησεν συ δε κατηρτισω αυτην

sept@Psalms:67:11 @ τα ζωα σου κατοικουσιν εν αυτη ητοιμασας εν τη χρηστοτητι σου τω πτωχω ο θεος

sept@Psalms:67:12 @ κυριος δωσει ρημα τοις ευαγγελιζομενοις δυναμει πολλη

sept@Psalms:67:13 @ ο βασιλευς των δυναμεων του αγαπητου και ωραιοτητι του οικου διελεσθαι σκυλα

sept@Psalms:67:14 @ εαν κοιμηθητε ανα μεσον των κληρων πτερυγες περιστερας περιηργυρωμεναι και τα μεταφρενα αυτης εν χλωροτητι χρυσιου διαψαλμα

sept@Psalms:67:15 @ εν τω διαστελλειν τον επουρανιον βασιλεις επ' αυτης χιονωθησονται εν σελμων

sept@Psalms:67:16 @ ορος του θεου ορος πιον ορος τετυρωμενον ορος πιον

sept@Psalms:67:17 @ ινα τι υπολαμβανετε ορη τετυρωμενα το ορος ο ευδοκησεν ο θεος κατοικειν εν αυτω και γαρ ο κυριος κατασκηνωσει εις τελος

sept@Psalms:67:18 @ το αρμα του θεου μυριοπλασιον χιλιαδες ευθηνουντων ο κυριος εν αυτοις εν σινα εν τω αγιω

sept@Psalms:67:19 @ ανεβης εις υψος ηχμαλωτευσας αιχμαλωσιαν ελαβες δοματα εν ανθρωπω και γαρ απειθουντες του κατασκηνωσαι κυριος ο θεος ευλογητος

sept@Psalms:67:20 @ ευλογητος κυριος ημεραν καθ' ημεραν κατευοδωσει ημιν ο θεος των σωτηριων ημων διαψαλμα

sept@Psalms:67:21 @ ο θεος ημων θεος του σωζειν και του κυριου κυριου αι διεξοδοι του θανατου

sept@Psalms:67:22 @ πλην ο θεος συνθλασει κεφαλας εχθρων αυτου κορυφην τριχος διαπορευομενων εν πλημμελειαις αυτων

sept@Psalms:67:23 @ ειπεν κυριος εκ βασαν επιστρεψω επιστρεψω εν βυθοις θαλασσης

sept@Psalms:67:24 @ οπως αν βαφη ο πους σου εν αιματι η γλωσσα των κυνων σου εξ εχθρων παρ' αυτου

sept@Psalms:67:25 @ εθεωρηθησαν αι πορειαι σου ο θεος αι πορειαι του θεου μου του βασιλεως του εν τω αγιω

sept@Psalms:67:26 @ προεφθασαν αρχοντες εχομενοι ψαλλοντων εν μεσω νεανιδων τυμπανιστριων

sept@Psalms:67:27 @ εν εκκλησιαις ευλογειτε τον θεον τον κυριον εκ πηγων ισραηλ

sept@Psalms:67:28 @ εκει βενιαμιν νεωτερος εν εκστασει αρχοντες ιουδα ηγεμονες αυτων αρχοντες ζαβουλων αρχοντες νεφθαλι

sept@Psalms:67:29 @ εντειλαι ο θεος τη δυναμει σου δυναμωσον ο θεος τουτο ο κατειργασω ημιν

sept@Psalms:67:30 @ απο του ναου σου επι ιερουσαλημ σοι οισουσιν βασιλεις δωρα

sept@Psalms:67:31 @ επιτιμησον τοις θηριοις του καλαμου η συναγωγη των ταυρων εν ταις δαμαλεσιν των λαων του μη αποκλεισθηναι τους δεδοκιμασμενους τω αργυριω διασκορπισον εθνη τα τους πολεμους θελοντα

sept@Psalms:67:32 @ ηξουσιν πρεσβεις εξ αιγυπτου αιθιοπια προφθασει χειρα αυτης τω θεω

sept@Psalms:67:33 @ αι βασιλειαι της γης ασατε τω θεω ψαλατε τω κυριω διαψαλμα

sept@Psalms:67:34 @ ψαλατε τω θεω τω επιβεβηκοτι επι τον ουρανον του ουρανου κατα ανατολας ιδου δωσει εν τη φωνη αυτου φωνην δυναμεως

sept@Psalms:67:35 @ δοτε δοξαν τω θεω επι τον ισραηλ η μεγαλοπρεπεια αυτου και η δυναμις αυτου εν ταις νεφελαις

sept@Psalms:67:36 @ θαυμαστος ο θεος εν τοις αγιοις αυτου ο θεος ισραηλ αυτος δωσει δυναμιν και κραταιωσιν τω λαω αυτου ευλογητος ο θεος

sept@Psalms:68:1 @ εις το τελος υπερ των αλλοιωθησομενων τω δαυιδ

sept@Psalms:68:2 @ σωσον με ο θεος οτι εισηλθοσαν υδατα εως ψυχης μου

sept@Psalms:68:3 @ ενεπαγην εις ιλυν βυθου και ουκ εστιν υποστασις ηλθον εις τα βαθη της θαλασσης και καταιγις κατεποντισεν με

sept@Psalms:68:4 @ εκοπιασα κραζων εβραγχιασεν ο λαρυγξ μου εξελιπον οι οφθαλμοι μου απο του ελπιζειν επι τον θεον μου