vul - Psalms:73-89

vul@Psalms:73:1 @ eruditionis Asaph ut quid Deus reppulisti in finem fumavit furor tuus in gregem pascuae tuae

vul@Psalms:73:2 @ recordare congregationis tuae quam possedisti ab initio et redemisti virgam hereditatis tuae montis Sion in quo habitasti

vul@Psalms:73:3 @ sublimitas pedum tuorum dissipata est usque ad finem omnia mala egit inimicus in sanctuario

vul@Psalms:73:4 @ fremuerunt hostes tui in medio pacti tui posuerunt signa sua in tropeum

vul@Psalms:73:5 @ manifesta in introitu desuper in saltu lignorum secures

vul@Psalms:73:6 @ et nunc scalpturas eius pariter bipinne et dolatoriis deraserunt

vul@Psalms:73:7 @ miserunt ignem in sanctuarium tuum in terram contaminaverunt habitaculum nominis tui

vul@Psalms:73:8 @ dixerunt in cordibus suis posteri eorum simul incenderunt omnes sollemnitates Dei in terra

vul@Psalms:73:9 @ signa nostra non vidimus non est ultra propheta et non est nobiscum qui sciat usquequo

vul@Psalms:73:10 @ usquequo Deus exprobrabit adversarius blasphemabit inimicus nomen tuum in finem

vul@Psalms:73:11 @ quare convertis manum tuam et dexteram tuam ad medium sinum tuum consume

vul@Psalms:73:12 @ Deus autem rex meus ab initio operatur salutes in medio terrae

vul@Psalms:73:13 @ tu dissipasti in fortitudine tua mare contrivisti capita draconum in aquis

vul@Psalms:73:14 @ tu confregisti capita Leviathan dedisti eum in escam populo Aethiopum

vul@Psalms:73:15 @ tu disrupisti fontem et torrentem tu exsiccasti flumina fortia

vul@Psalms:73:16 @ tua est dies et tua est nox tu ordinasti luminaria et solem

vul@Psalms:73:17 @ tu statuisti omnes terminos terrae aestatem et hiemem tu plasmasti

vul@Psalms:73:18 @ memento huius inimicus exprobravit Domino et populus insipiens blasphemavit nomen tuum

vul@Psalms:73:19 @ ne tradas bestiis animam eruditam lege tua vitae pauperum tuorum ne obliviscaris in perpetuum

vul@Psalms:73:20 @ respice ad pactum quia repletae sunt tenebris terrae habitationes iniquae subrutae

vul@Psalms:73:21 @ ne revertatur confractus et confusus egenus et pauper laudabunt nomen tuum

vul@Psalms:73:22 @ surge Deus iudica causam tuam memento obprobrii tui ab insipiente tota die

vul@Psalms:73:23 @ ne obliviscaris vocis hostium tuorum sonitus adversariorum tuorum ascendit iugiter

vul@Psalms:74:1 @ victori ut non disperdas psalmus Asaph cantici

vul@Psalms:74:2 @ confitebimur tibi Deus confitebimur et iuxta nomen tuum narrabunt mirabilia tua

vul@Psalms:74:3 @ cum accepero tempus ego iustitias iudicabo

vul@Psalms:74:4 @ dissolvetur terra cum omnibus habitatoribus suis ego adpendi columnas eius semper

vul@Psalms:74:5 @ dixi inique agentibus nolite inique agere et impiis nolite exaltare cornu

vul@Psalms:74:6 @ nolite exaltare in excelsum cornu vestrum loquentes in cervice veteri

vul@Psalms:74:7 @ quia nec ab oriente neque ab occidente neque a solitudine montium

vul@Psalms:74:8 @ sed Deus iudex hunc humiliabit et hunc exaltabit

vul@Psalms:74:9 @ quia calix in manu Domini est et vino meraco usque ad plenum mixtus et propinabit ex eo verumtamen feces eius epotabunt bibentes omnes impii terrae

vul@Psalms:74:10 @ ego autem adnuntiabo in sempiternum cantabo Deo Iacob

vul@Psalms:74:11 @ et omnia cornua impiorum confringam exaltabuntur cornua iusti

vul@Psalms:75:1 @ victori in psalmis canticum Asaph carminis

vul@Psalms:75:2 @ cognoscetur in Iudaea Deus in Israhel magnum nomen eius

vul@Psalms:75:3 @ et erit in Salem tabernaculum eius et habitatio eius in Sion

vul@Psalms:75:4 @ ibi confringet volatilia arcus scutum et gladium et bellum semper

vul@Psalms:75:5 @ lumen tu es Magnifice a montibus captivitatis

vul@Psalms:75:6 @ spoliati sunt superbi corde dormitaverunt somnum suum et non invenerunt omnes viri exercitus manus suas

vul@Psalms:75:7 @ ab increpatione tua Deus Iacob consopitus est et currus et equus

vul@Psalms:75:8 @ tu terribilis es et quis stabit adversum te ex tunc ira tua

vul@Psalms:75:9 @ de caelo adnuntiabis iudicium terra timens tacebit

vul@Psalms:75:10 @ cum surrexerit ad iudicandum Deus ut salvos faciat omnes mites terrae semper

vul@Psalms:75:11 @ quia ira hominis confitebitur tibi reliquiis irae accingeris

vul@Psalms:75:12 @ vovete et reddite Domino Deo vestro omnes qui in circuitu eius sunt offerent dona terribili

vul@Psalms:75:13 @ auferenti spiritum ducum terribili regibus terrae

vul@Psalms:76:1 @ victori per Idithun psalmus Asaph

vul@Psalms:76:2 @ voce mea ad Dominum clamavi voce mea ad Dominum et exaudivit me

vul@Psalms:76:3 @ in die tribulationis meae Dominum requisivi manus mea nocte extenditur et non quiescit noluit consolari anima mea

vul@Psalms:76:4 @ recordans Dei conturbabar loquebar in memet ipso et deficiebat spiritus meus semper

vul@Psalms:76:5 @ prohibebam suspectum oculorum meorum stupebam et non loquebar

vul@Psalms:76:6 @ recogitabam dies antiquos annos pristinos

vul@Psalms:76:7 @ recordabar psalmorum meorum in nocte cum corde meo loquebar et scobebam spiritum meum

vul@Psalms:76:8 @ ergone in aeternum proiciet Dominus et non repropitiabitur ultra

vul@Psalms:76:9 @ ergone conplebit usque in finem misericordiam suam consummabit verbum de generatione et generatione

vul@Psalms:76:10 @ numquid oblitus est misereri Deus aut conplebit in furore misericordias suas semper

vul@Psalms:76:11 @ et dixi inbecillitas mea est haec commutatio dexterae Excelsi

vul@Psalms:76:12 @ recordabor cogitationum Domini reminiscens antiqua mirabilia tua

vul@Psalms:76:13 @ et meditabor in omni opere tuo et adinventiones tuas loquar

vul@Psalms:76:14 @ Deus in sanctuario via tua quis deus magnus ut Deus

vul@Psalms:76:15 @ tu es Deus faciens mirabilia ostendens in populis potentiam tuam

vul@Psalms:76:16 @ redemisti in brachio populum tuum filios Iacob et Ioseph semper

vul@Psalms:76:17 @ videntes te aquae Deus videntes te aquae parturierunt et commotae sunt abyssi

vul@Psalms:76:18 @ excusserunt aquas nubila vocem dederunt nubes et sagittae tuae discurrebant

vul@Psalms:76:19 @ vox tonitrui tui in rota apparuerunt fulgora tua orbi concussa est et commota est terra

vul@Psalms:76:20 @ in mari via tua et semitae tuae in aquis multis et vestigia tua non sunt agnita

vul@Psalms:76:21 @ deduxisti quasi gregem populum tuum in manu Mosi et Aaron

vul@Psalms:77:1 @ eruditionis Asaph ausculta populus meus legem meam inclinate aurem vestram ad verba oris mei

vul@Psalms:77:2 @ aperiam in parabula os meum loquar enigmata antiqua

vul@Psalms:77:3 @ quae audivimus et cognovimus et patres nostri narraverunt nobis

vul@Psalms:77:4 @ non sunt abscondita a filiis eorum a generatione sequenti narrante laudes Domini et potentiam eius et mirabilia eius quae fecit

vul@Psalms:77:5 @ statuit contestationem Iacob et legem posuit in Israhel quae mandavit patribus nostris ut docerent filios suos

vul@Psalms:77:6 @ ut cognosceret generatio subsequens filii nascituri surgent et narrabunt filiis suis

vul@Psalms:77:7 @ ut ponant in Deo spem suam et non obliviscantur cogitationum eius et mandata eius custodiant

vul@Psalms:77:8 @ ut non sint sicut patres eorum generatio declinans et provocans generatio quae non praeparavit cor suum et non credidit Deo spiritus eius

vul@Psalms:77:9 @ filii Efraim intendentes et mittentes arcum terga verterunt in die belli

vul@Psalms:77:10 @ non custodierunt pactum Dei sui et in lege eius noluerunt ingredi

vul@Psalms:77:11 @ et obliti sunt commutationum eius et mirabilium eius quae ostendit eis

vul@Psalms:77:12 @ coram patribus eorum fecit mirabilia in terra Aegypto in regione Taneos

vul@Psalms:77:13 @ divisit mare et transduxit eos et stare fecit aquas quasi acervum

vul@Psalms:77:14 @ et duxit eos in nube per diem et tota nocte in lumine ignis

vul@Psalms:77:15 @ scidit petram in deserto et potum dedit quasi de abyssis magnis

vul@Psalms:77:16 @ et eduxit rivos de petra et elicuit quasi flumina aquas

vul@Psalms:77:17 @ et addiderunt ultra peccare ei ut provocarent Excelsum in invio

vul@Psalms:77:18 @ et temptaverunt Deum in cordibus suis petentes cibum animae suae

vul@Psalms:77:19 @ et loquentes contra Deum dicebant numquid poterit Deus ponere mensam in solitudine

vul@Psalms:77:20 @ ecce percussit petram et fluxerunt aquae et torrentes inundaverunt numquid et panem poterit dare aut praeparare carnem populo suo

vul@Psalms:77:21 @ ideo audivit Dominus et non distulit et ignis accensus est in Iacob et furor ascendit in Israhel

vul@Psalms:77:22 @ quia non crediderunt Deo nec habuerunt fiduciam in salutari eius

vul@Psalms:77:23 @ et praecepit nubibus desuper et portas caeli aperuit

vul@Psalms:77:24 @ et pluit super eos man ut comederent et triticum caeli dedit eis

vul@Psalms:77:25 @ panem fortium comedit vir cibaria misit eis in saturitatem

vul@Psalms:77:26 @ abstulit eurum de caelo et induxit in fortitudine sua africum

vul@Psalms:77:27 @ et pluit super eos quasi pulverem carnes et quasi harenam maris volatilia pinnata

vul@Psalms:77:28 @ et ceciderunt in medio castrorum eius in circuitu tabernaculorum eius

vul@Psalms:77:29 @ et comederunt et saturati sunt nimis et desiderium eorum adtulit eis

vul@Psalms:77:30 @ non indiguerunt de cupiditate sua cum adhuc cibus esset in ore eorum

vul@Psalms:77:31 @ furor ergo Dei ascendit super eos et occidit pingues eorum et electos Israhel incurvavit

vul@Psalms:77:32 @ in omnibus his peccaverunt ultra et non crediderunt mirabilibus eius

vul@Psalms:77:33 @ et consumpsit in vanitate dies eorum et annos eorum velociter

vul@Psalms:77:34 @ si occidebat eos tunc requirebant eum et convertebantur et diluculo consurgebant ad Deum

vul@Psalms:77:35 @ et recordabantur quia Deus fortitudo eorum et Deus excelsus redemptor eorum

vul@Psalms:77:36 @ et lactaverunt eum in ore suo et lingua sua mentiti sunt ei

vul@Psalms:77:37 @ cor autem eorum non erat firmum cum eo nec permanserunt in pacto eius

vul@Psalms:77:38 @ ipse vero misericors propitiabitur iniquitati et non disperdet multumque avertit iram suam et non suscitavit totum furorem suum

vul@Psalms:77:39 @ sed recordatus est quia caro essent spiritus vadens et non revertens

vul@Psalms:77:40 @ quotiens provocaverunt eum in deserto adflixerunt eum in solitudine

vul@Psalms:77:41 @ et conversi sunt et temptaverunt Deum et Sanctum Israhel concitaverunt

vul@Psalms:77:42 @ non sunt recordati manus eius diei qua redemit eos a tribulante

vul@Psalms:77:43 @ qui fecit in Aegypto signa sua et ostenta sua in regione Taneos

vul@Psalms:77:44 @ qui convertit in sanguine fluvios eorum et rivos eorum ut non biberent

vul@Psalms:77:45 @ qui inmisit eis genus omne muscarum ut comederent eos et ranas ut disperderent eos

vul@Psalms:77:46 @ qui dedit brucho germen eorum et laborem eorum lucustae

vul@Psalms:77:47 @ qui occidit in grandine vineas eorum et sycomoros eorum in frigore

vul@Psalms:77:48 @ qui tradidit grandini pascua eorum et iumenta eorum volucribus

vul@Psalms:77:49 @ qui misit in eos iram furoris sui indignationem et comminationem et angustiam inmissionem angelorum malorum

vul@Psalms:77:50 @ munivit semitam furori suo non pepercit morti animae eorum et animantia eorum pesti tradidit

vul@Psalms:77:51 @ et percussit omne primogenitum in Aegypto principium partus in tabernaculis Cham

vul@Psalms:77:52 @ et tulit veluti oves populum suum et minavit eos sicut gregem in deserto

vul@Psalms:77:53 @ et duxit eos cum fiducia et absque timore inimicos autem eorum operuit mare

vul@Psalms:77:54 @ et adduxit eos ad terminum sanctificatum suum montem istum quem possedit dextera eius et eiecit a facie eorum gentes et possidere eos fecit in funiculo hereditatem

vul@Psalms:77:55 @ et conlocavit in tabernaculis eorum tribus Israhel

vul@Psalms:77:56 @ et temptaverunt et provocaverunt Deum excelsum et testimonia eius non custodierunt

vul@Psalms:77:57 @ et aversi sunt et praevaricati sunt ut patres eorum incurvati sunt quasi arcus inutilis

vul@Psalms:77:58 @ et provocaverunt eum in excelsis suis et in sculptilibus suis ad aemulandum concitaverunt

vul@Psalms:77:59 @ audivit Deus et non distulit et proiecit vehementer Israhel

vul@Psalms:77:60 @ et reliquit tabernaculum Selo tentorium quod conlocavit inter homines

vul@Psalms:77:61 @ tradidit in captivitatem gloriam suam et decorem suum in manu hostis

vul@Psalms:77:62 @ et conclusit in gladio populum suum et in hereditate sua non distulit

vul@Psalms:77:63 @ iuvenes eius devoravit ignis et virgines eius nemo luxit

vul@Psalms:77:64 @ sacerdotes eius gladio ceciderunt et viduae eius non sunt fletae

vul@Psalms:77:65 @ et evigilavit quasi dormiens Dominus quasi fortis post crapulam vini

vul@Psalms:77:66 @ et percussit hostes suos retrorsum obprobrium sempiternum dedit eos

vul@Psalms:77:67 @ et proiecit tabernaculum Ioseph et tribum Efraim non elegit

vul@Psalms:77:68 @ sed elegit tribum Iuda montem Sion quem dilexit

vul@Psalms:77:69 @ et aedificavit in similitudinem monoceroton sanctuarium suum quasi terram fundavit illud in saeculum

vul@Psalms:77:70 @ et elegit David servum suum et tulit eum de gregibus ovium sequentem fetas adduxit eum

vul@Psalms:77:71 @ ut pasceret Iacob populum eius et Israhel hereditatem eius

vul@Psalms:77:72 @ qui pavit eos in simplicitate cordis sui et in prudentia manuum suarum dux eorum fuit

vul@Psalms:78:1 @ canticum Asaph Deus venerunt gentes in hereditatem tuam polluerunt templum sanctum tuum posuerunt Hierusalem in acervis lapidum

vul@Psalms:78:2 @ dederunt cadavera servorum tuorum escam volatilibus caeli carnes sanctorum tuorum bestiis terrae

vul@Psalms:78:3 @ effuderunt sanguinem eorum quasi aquam in circuitu Hierusalem et non erat qui sepeliret

vul@Psalms:78:4 @ facti sumus obprobrium vicinis nostris subsannatio et derisio his qui in circuitu nostro sunt

vul@Psalms:78:5 @ usquequo Domine irasceris in finem ardebit quasi ignis zelus tuus

vul@Psalms:78:6 @ effunde furorem tuum super gentes quae non cognoverunt te et super regna quae nomen tuum non invocaverunt

vul@Psalms:78:7 @ quia comederunt Iacob et decorem eius desolaverunt

vul@Psalms:78:8 @ ne recorderis iniquitatum nostrarum veterum cito occupent nos misericordiae tuae quia adtenuati sumus nimis

vul@Psalms:78:9 @ auxiliare nobis Deus Iesus noster propter gloriam nominis tui et libera nos et propitiare peccatis nostris propter nomen tuum

vul@Psalms:78:10 @ quare dicunt gentes ubi est Deus eorum nota fiat in gentibus ante oculos nostros ultio sanguinis servorum tuorum qui effusus est

vul@Psalms:78:11 @ ingrediatur coram te gemitus vinctorum in magnitudine brachii tui relinque filios interitus

vul@Psalms:78:12 @ et redde vicinis nostris septuplum in sinu eorum obprobrium suum quo exprobraverunt tibi Domine

vul@Psalms:78:13 @ nos enim populus tuus et grex pascuae tuae confitebimur tibi in sempiternum in generatione et generatione narrabimus laudes tuas

vul@Psalms:79:1 @ victori pro liliis testimonii Asaph canticum

vul@Psalms:79:2 @ qui pascis Israhel ausculta qui ducis quasi gregem Ioseph qui sedes super cherubin ostendere

vul@Psalms:79:3 @ ante Efraim et Beniamin et Manasse suscita fortitudinem tuam et veni ut salvos facias nos

vul@Psalms:79:4 @ Deus converte nos et ostende faciem tuam et salvi erimus

vul@Psalms:79:5 @ Domine Deus exercituum usquequo fumabis ad orationem populi tui

vul@Psalms:79:6 @ cibasti nos pane flebili et potasti nos in lacrimis tripliciter

vul@Psalms:79:7 @ posuisti nos contentionem vicinis nostris et inimici nostri subsannaverunt nos

vul@Psalms:79:8 @ Deus exercituum converte nos et ostende faciem tuam et salvi erimus

vul@Psalms:79:9 @ vineam de Aegypto tulisti eiecisti gentes et plantasti eam

vul@Psalms:79:10 @ praeparasti ante faciem eius et stabilisti radices eius et implevit terram

vul@Psalms:79:11 @ operti sunt montes umbra eius et ramis illius cedri Dei

vul@Psalms:79:12 @ expandit comas suas usque ad mare et usque ad Flumen germina sua

vul@Psalms:79:13 @ quare dissipasti maceriam eius et vindemiaverunt eam omnes qui transeunt per viam

vul@Psalms:79:14 @ vastavit eam aper de silva et omnes bestiae agri depastae sunt eam

vul@Psalms:79:15 @ Deus exercituum revertere obsecro respice de caelo et vide et visita vineam hanc

vul@Psalms:79:16 @ et radicem quam plantavit dextera tua et filium quem confirmasti tibi

vul@Psalms:79:17 @ succensam igni et deramatam ab increpatione faciei tuae pereant

vul@Psalms:79:18 @ fiat manus tua super virum dexterae tuae et super filium hominis quem confirmasti tibi

vul@Psalms:79:19 @ et non recedemus a te vivificabis nos et nomine tuo vocabimur

vul@Psalms:79:20 @ Domine Deus exercituum converte nos et ostende faciem tuam et salvi erimus

vul@Psalms:80:1 @ victori in torcularibus Asaph

vul@Psalms:80:2 @ laudate Deum fortitudinem nostram iubilate Deo Iacob

vul@Psalms:80:3 @ adsumite carmen et date tympanum citharam decoram cum psalterio

vul@Psalms:80:4 @ clangite in neomenia bucina et in medio mense die sollemnitatis nostrae

vul@Psalms:80:5 @ quia legitimum Israhel est et iudicium Dei Iacob

vul@Psalms:80:6 @ testimonium in Ioseph posuit cum egrederetur terra Aegypti labium quod nesciebam audivi

vul@Psalms:80:7 @ amovi ab onere umerum eius manus eius a cofino recesserunt

vul@Psalms:80:8 @ in tribulatione invocasti et erui te exaudivi te in abscondito tonitrui probavi te super aquam Contradictionis semper

vul@Psalms:80:9 @ audi populus meus et contestor te Israhel si audieris me

vul@Psalms:80:10 @ non sit in te deus alienus et non adores deum peregrinum

vul@Psalms:80:11 @ ego sum Dominus Deus tuus qui eduxi te de terra Aegypti dilata os tuum et implebo illud

vul@Psalms:80:12 @ et non audivit populus meus vocem meam et Israhel non credidit mihi

vul@Psalms:80:13 @ et dimisi eum in pravitate cordis sui ambulabunt in consiliis suis

vul@Psalms:80:14 @ utinam populus meus audisset me Israhel in viis meis ambulasset

vul@Psalms:80:15 @ quasi nihilum inimicos eius humiliassem et super hostes eorum vertissem manum meam

vul@Psalms:80:16 @ qui oderunt Dominum negabunt eum et erit tempus eorum in saeculo

vul@Psalms:80:17 @ et cibavit eos de adipe frumenti et de petra mellis saturavit eos

vul@Psalms:81:1 @ canticum Asaph Deus stetit in coetu Dei in medio Deus iudicat

vul@Psalms:81:2 @ usquequo iudicatis iniquitatem et facies impiorum suscipitis semper

vul@Psalms:81:3 @ iudicate pauperi et pupillo egeno et inopi iuste facite

vul@Psalms:81:4 @ salvate inopem et pauperem de manu impiorum liberate

vul@Psalms:81:5 @ non cognoscunt nec intellegunt in tenebris ambulant movebuntur omnia fundamenta terrae

vul@Psalms:81:6 @ ego dixi dii estis et filii Excelsi omnes vos

vul@Psalms:81:7 @ ergo quasi Adam moriemini et quasi unus de principibus cadetis

vul@Psalms:81:8 @ surge Domine iudica terram quoniam hereditabis omnes gentes

vul@Psalms:82:1 @ canticum psalmi Asaph

vul@Psalms:82:2 @ Deus ne taceas ne sileas et non quiescas Deus

vul@Psalms:82:3 @ quia ecce inimici tui tumultuati sunt et qui oderunt te levaverunt caput

vul@Psalms:82:4 @ contra populum tuum nequiter tractaverunt et inierunt consilium adversum arcanum tuum

vul@Psalms:82:5 @ dixerunt venite et conteramus eos de gente et non sit memoria nominis Israhel ultra

vul@Psalms:82:6 @ quoniam tractaverunt pariter contra te foedus pepigerunt

vul@Psalms:82:7 @ tabernacula Idumeae et Ismahelitarum Moab et Aggareni

vul@Psalms:82:8 @ Gebal et Ammon et Amalech Palestina cum habitatoribus Tyri

vul@Psalms:82:9 @ sed et Assur venit cum eis facti sunt brachium filiorum Loth semper

vul@Psalms:82:10 @ fac illis sicut Madian et Sisarae sicut Iabin in torrente Cison

vul@Psalms:82:11 @ contriti sunt in Aendor fuerunt quasi sterquilinium terrae

vul@Psalms:82:12 @ pone duces eorum sicut Oreb et Zeb et Zebee et Salmana omnes principes eorum

vul@Psalms:82:13 @ qui dixerunt possideamus nobis pulchritudinem Dei

vul@Psalms:82:14 @ Deus meus pone eos ut rotam quasi stipulam ante faciem venti

vul@Psalms:82:15 @ quomodo ignis conburit silvam et sicut flamma devorat montes

vul@Psalms:82:16 @ sic persequere eos in tempestate tua et in turbine tuo conturba eos

vul@Psalms:82:17 @ imple facies eorum ignominia et quaerent nomen tuum Domine

vul@Psalms:82:18 @ confundantur et conturbentur usque in saeculum et erubescant et pereant

vul@Psalms:82:19 @ et sciant quia nomen tuum est Dominus solus tu Excelsus super omnem terram

vul@Psalms:83:1 @ victori pro torculari filiorum Core canticum

vul@Psalms:83:2 @ quam dilecta tabernacula tua Domine exercituum

vul@Psalms:83:3 @ desiderat et defecit anima mea in atria Domini cor meum et caro mea laudabunt Deum viventem

vul@Psalms:83:4 @ siquidem avis invenit domum et passer nidum sibi ubi ponat pullos suos altaria tua Domine exercituum rex meus et Deus meus

vul@Psalms:83:5 @ beati qui habitant in domo tua adhuc laudabunt te semper

vul@Psalms:83:6 @ beatus homo cuius fortitudo est in te semitae in corde eius

vul@Psalms:83:7 @ transeuntes in valle fletus fontem ponent eam

vul@Psalms:83:8 @ benedictione quoque amicietur doctor ibunt de fortitudine in fortitudinem parebunt apud Deum in Sion

vul@Psalms:83:9 @ Domine Deus exercituum exaudi orationem meam ausculta Deus Iacob semper

vul@Psalms:83:10 @ clipeus noster vide Deus et adtende faciem christi tui

vul@Psalms:83:11 @ quoniam melior est dies in atriis tuis super milia elegi abiectus esse in domo Dei mei magis quam habitare in tabernaculis impietatis

vul@Psalms:83:12 @ quia sol et scutum Dominus Deus gratiam et gloriam dabit Dominus

vul@Psalms:83:13 @ nec prohibebit bonum ab his qui ambulant in perfectione Domine exercituum beatus homo qui confidet in te

vul@Psalms:84:1 @ victori filiorum Core canticum

vul@Psalms:84:2 @ placatus es Domine terrae tuae reduxisti captivitatem Iacob

vul@Psalms:84:3 @ dimisisti iniquitatem populo tuo operuisti omnes iniquitates eorum semper

vul@Psalms:84:4 @ continuisti omnem indignationem tuam conversus es ab ira furoris tui

vul@Psalms:84:5 @ converte nos Deus Iesus noster et solve iram tuam adversum nos

vul@Psalms:84:6 @ noli in aeternum irasci nobis extendens iram tuam in generationem et generationem

vul@Psalms:84:7 @ nonne tu revertens vivificabis nos et populus tuus laetabitur in te

vul@Psalms:84:8 @ ostende nobis Domine misericordiam tuam et salutare tuum da nobis

vul@Psalms:84:9 @ audiam quid loquatur Dominus Deus loquetur enim pacem ad populum suum et ad sanctos suos ut non convertantur ad stultitiam

vul@Psalms:84:10 @ verumtamen prope est his qui timent eum salutare eius ut habitet gloria in terra nostra

vul@Psalms:84:11 @ misericordia et veritas occurrerunt iustitia et pax deosculatae sunt

vul@Psalms:84:12 @ veritas de terra orta est et iustitia de caelo prospexit

vul@Psalms:84:13 @ sed et Dominus dabit bonum et terra nostra dabit germen suum

vul@Psalms:84:14 @ iustitia ante eum ibit et ponet in via gressus suos

vul@Psalms:85:1 @ oratio David inclina Domine aurem tuam exaudi me quia egenus et pauper ego sum

vul@Psalms:85:2 @ custodi animam meam quia sanctus sum salva servum tuum tu Deus meus qui confidit in te

vul@Psalms:85:3 @ miserere mei Domine quoniam ad te clamabo tota die

vul@Psalms:85:4 @ laetifica animam servi tui quia ad te animam meam levo

vul@Psalms:85:5 @ tu enim es Domine bonus et propitiabilis et multus misericordia omnibus qui invocant te

vul@Psalms:85:6 @ exaudi Domine orationem meam et ausculta vocem deprecationum mearum

vul@Psalms:85:7 @ in die tribulationis meae invocabo te quia exaudies me

vul@Psalms:85:8 @ non est similis tui in diis Domine non est iuxta opera tua

vul@Psalms:85:9 @ omnes gentes quas fecisti venient et adorabunt coram te Domine et glorificabunt nomen tuum

vul@Psalms:85:10 @ quia magnus tu et faciens mirabilia tu Deus solus

vul@Psalms:85:11 @ doce me Domine viam tuam ut ambulem in veritate tua unicum fac cor meum ut timeat nomen tuum

vul@Psalms:85:12 @ confitebor tibi Domine Deus meus in toto corde meo et glorificabo nomen tuum in sempiternum

vul@Psalms:85:13 @ quia misericordia tua magna super me et eruisti animam meam de inferno extremo

vul@Psalms:85:14 @ Deus superbi surrexerunt adversus me et coetus robustorum quaesivit animam meam et non posuerunt te in conspectu suo

vul@Psalms:85:15 @ tu autem Domine Deus misericors et clemens patiens et multae misericordiae et verus

vul@Psalms:85:16 @ respice ad me et miserere mei da fortitudinem tuam servo tuo et salva filium ancillae tuae

vul@Psalms:85:17 @ fac mecum signum in bonitate et videant qui oderunt me et confundantur quia tu Domine auxiliatus es mihi et consolatus es me

vul@Psalms:86:1 @ filiorum Core psalmus cantici fundamentum eius in montibus sanctuarii

vul@Psalms:86:2 @ diligit Dominus portas Sion super omnia tabernacula Iacob

vul@Psalms:86:3 @ gloriosa dicta sunt in te civitas Dei semper

vul@Psalms:86:4 @ commemorabo superbiae et Babylonis scientes me ecce Palestina et Tyrus cum Aethiopia iste natus est ibi

vul@Psalms:86:5 @ ad Sion autem dicetur vir et vir natus est in ea et ipse fundavit eam Excelsus

vul@Psalms:86:6 @ Dominus numerabit scribens populos ipse natus est in ea semper

vul@Psalms:86:7 @ et cantabunt quasi in choris omnes fontes mei in te

vul@Psalms:87:1 @ canticum carminis filiorum Core victori per chorum ad praecinendum eruditionis Eman Ezraitae

vul@Psalms:87:2 @ Domine Deus salutis meae per diem clamavi in nocte coram te

vul@Psalms:87:3 @ ingrediatur ante te oratio mea inclina aurem tuam ad laudationem meam

vul@Psalms:87:4 @ quia repleta est malis anima mea et vita mea ad infernum descendit

vul@Psalms:87:5 @ reputatus sum cum descendentibus lacum factus sum quasi homo invalidus

vul@Psalms:87:6 @ inter mortuos liber sicut interfecti et dormientes in sepulchro quorum non recordaris amplius et qui a manu tua abscisi sunt

vul@Psalms:87:7 @ posuisti me in lacu novissimo in tenebris in profundis

vul@Psalms:87:8 @ super me confirmatus est furor tuus et cunctis fluctibus tuis adflixisti me semper

vul@Psalms:87:9 @ longe fecisti notos meos a me posuisti me abominationem eis clausum et non prodeuntem

vul@Psalms:87:10 @ oculus meus infirmatus est ab adflictione invocavi te Domine tota die expandi ad te palmas meas

vul@Psalms:87:11 @ numquid mortuis facies mirabilia aut gigantes surgent et confitebuntur tibi semper

vul@Psalms:87:12 @ numquid narrabitur in sepulchro misericordia tua et veritas tua in perditione

vul@Psalms:87:13 @ numquid noscentur in tenebris mirabilia tua et iustitia tua in terra quae oblivioni tradita est

vul@Psalms:87:14 @ ego autem ad te Domine clamavi et mane oratio mea praeveniet te

vul@Psalms:87:15 @ quare Domine abicis animam meam abscondis faciem tuam a me

vul@Psalms:87:16 @ pauper ego et aerumnosus ab adulescentia portavi furorem tuum et conturbatus sum

vul@Psalms:87:17 @ per me transierunt irae tuae terrores tui oppresserunt me

vul@Psalms:87:18 @ circumdederunt me quasi aquae tota die vallaverunt me pariter

vul@Psalms:87:19 @ longe fecisti a me amicum et sodalem notos meos abstulisti

vul@Psalms:88:1 @ eruditionis Aethan Ezraitae

vul@Psalms:88:2 @ misericordias Domini in aeternum cantabo in generatione et generatione adnuntiabo veritatem tuam in ore meo

vul@Psalms:88:3 @ quia dixisti sempiterna misericordia aedificabitur caelos fundabis et veritas tua in eis

vul@Psalms:88:4 @ percussi foedus cum electo meo iuravi David servo meo

vul@Psalms:88:5 @ usque in aeternum stabiliam semen tuum et aedificabo in generationem et generationem thronum tuum semper

vul@Psalms:88:6 @ confitebuntur caeli mirabilia tua Domine et veritatem tuam in ecclesia sanctorum

vul@Psalms:88:7 @ quis enim in nubibus adaequabitur Domino adsimilabitur Domino de filiis Dei

vul@Psalms:88:8 @ Deus inclitus in arcano sanctorum nimio et terribilis in cunctis qui circum eum sunt

vul@Psalms:88:9 @ Domine Deus exercituum quis similis tui fortissime Domine et veritas tua in circuitu tuo

vul@Psalms:88:10 @ tu dominaris superbiae maris et elationes gurgitum eius tu conprimis

vul@Psalms:88:11 @ tu confregisti quasi vulneratum superbum in brachio forti tuo dispersisti inimicos tuos

vul@Psalms:88:12 @ tui sunt caeli et tua est terra orbem et plenitudinem eius tu fundasti

vul@Psalms:88:13 @ aquilonem et dexteram tu creasti Thabor et Hermon nomen tuum laudabunt

vul@Psalms:88:14 @ tuum brachium cum fortitudine roboretur manus tua exaltetur dextera tua

vul@Psalms:88:15 @ iustitia et iudicium firmamentum throni tui misericordia et veritas praecedent faciem tuam

vul@Psalms:88:16 @ beatus populus qui novit iubilum Domine in lumine vultus tui ambulabunt

vul@Psalms:88:17 @ in nomine tuo exultabunt tota die et in iustitia tua exaltabuntur

vul@Psalms:88:18 @ quia gloria fortitudinis eorum tu es et in misericordia tua elevabis cornu nostrum

vul@Psalms:88:19 @ quia a Domino est protectio nostra et a Sancto Israhel rege nostro

vul@Psalms:88:20 @ tunc locutus es per visionem sanctis tuis et dixisti posui adiutorium super robustum exaltavi electum de populo

vul@Psalms:88:21 @ inveni David servum meum oleo sancto meo unxi eum

vul@Psalms:88:22 @ cum quo manus mea firma erit et brachium meum roborabit eum

vul@Psalms:88:23 @ non decipiet inimicus eum et filius iniquitatis non adfliget eum

vul@Psalms:88:24 @ sed concidam ante faciem eius hostes illius et qui eum oderunt percutiam

vul@Psalms:88:25 @ veritas autem mea et misericordia mea erit cum eo et in nomine meo exaltabitur cornu eius

vul@Psalms:88:26 @ et ponam in mari manum eius et in fluminibus dexteram eius

vul@Psalms:88:27 @ ipse vocabit me pater meus es tu Deus meus et fortitudo salutis meae

vul@Psalms:88:28 @ ego autem primogenitum ponam eum excelsum regibus terrae

vul@Psalms:88:29 @ in aeternum custodiam ei misericordiam meam et pactum meum fidele ei erit

vul@Psalms:88:30 @ et ponam perpetuum semen eius et thronum eius sicut dies caeli

vul@Psalms:88:31 @ si autem dereliquerint filii eius legem meam et in iudiciis meis non ambulaverint

vul@Psalms:88:32 @ si caerimonias meas profanaverint et praecepta mea non custodierint

vul@Psalms:88:33 @ visitabo in virga scelera eorum et in plagis iniquitatem eorum

vul@Psalms:88:34 @ misericordiam autem meam non auferam ab eo nec mentiar in veritate mea

vul@Psalms:88:35 @ non violabo pactum meum et quod egressum est de labiis meis non mutabo

vul@Psalms:88:36 @ semel iuravi in sancto meo ne David mentiar

vul@Psalms:88:37 @ semen eius in sempiternum erit

vul@Psalms:88:38 @ et thronus eius sicut sol in conspectu meo sicut luna stabilietur in sempiternum et testis in caelo fidelis semper

vul@Psalms:88:39 @ tu autem reppulisti et proiecisti iratus es adversum christum tuum

vul@Psalms:88:40 @ adtenuasti pactum servi tui profanasti in terra diadema eius

vul@Psalms:88:41 @ dissipasti omnes macerias eius posuisti munitiones eius pavorem

vul@Psalms:88:42 @ diripuerunt eum omnes qui transeunt per viam factus est obprobrium vicinis suis

vul@Psalms:88:43 @ elevasti dexteram hostium eius laetificasti omnes inimicos illius

vul@Psalms:88:44 @ avertisti robur gladii eius et non sublevasti eum in proelio

vul@Psalms:88:45 @ quiescere fecisti munditiam eius et thronum illius in terram detraxisti

vul@Psalms:88:46 @ adbreviasti dies adulescentiae eius operuisti eum ignominia sempiterna

vul@Psalms:88:47 @ usquequo Domine absconderis in finem succendetur quasi ignis indignatio tua

vul@Psalms:88:48 @ memento mei de profundo alioquin quare frustra creasti filios hominum

vul@Psalms:88:49 @ quis est vir qui vivat et non videat mortem salvans animam suam de manu inferi semper

vul@Psalms:88:50 @ ubi sunt misericordiae tuae antiquae Domine quas iurasti David in veritate tua

vul@Psalms:88:51 @ recordare Domine obprobrii servorum tuorum quia portavi in sinu meo omnes iniquitates populorum

vul@Psalms:88:52 @ quas exprobraverunt inimici tui Domine quibus exprobraverunt vestigia christi tui

vul@Psalms:88:53 @ benedictus Dominus in sempiternum amen et amen

vul@Psalms:89:1 @ oratio Mosi viri Dei Domine habitaculum tu factus es nobis in generatione et generatione

vul@Psalms:89:2 @ antequam montes nascerentur et parturiretur terra et orbis a saeculo et usque in saeculum tu es

vul@Psalms:89:3 @ convertes hominem usque ad contritionem et dices revertimini filii Adam

vul@Psalms:89:4 @ quia mille anni in oculis tuis sicut dies hesterna quae pertransiit et vigilia nocturna

vul@Psalms:89:5 @ percutiente te eos somnium erunt

vul@Psalms:89:6 @ mane quasi herba pertransiens mane floruit et abiit ad vesperam conteretur atque siccabitur

vul@Psalms:89:7 @ consumpti enim sumus in furore tuo et in indignatione tua conturbati sumus

vul@Psalms:89:8 @ posuisti iniquitates nostras coram te neglegentias nostras in luce vultus tui

vul@Psalms:89:9 @ omnes enim dies nostri transierunt in furore tuo consumpsimus annos nostros quasi sermonem loquens

vul@Psalms:89:10 @ dies annorum nostrorum in ipsis septuaginta anni si autem multum octoginta anni et quod amplius est labor et dolor quoniam transivimus cito et avolavimus

vul@Psalms:89:11 @ quis novit fortitudinem irae tuae et secundum timorem tuum indignationem tuam

vul@Psalms:89:12 @ ut numerentur dies nostri sic ostende et veniemus corde sapienti

vul@Psalms:89:13 @ revertere Domine usquequo et exorabilis esto super servis tuis

vul@Psalms:89:14 @ imple nos matutina misericordia tua et laudabimus et laetabimur in cunctis diebus nostris

vul@Psalms:89:15 @ laetifica nos pro diebus quibus adflixisti nos et annis in quibus vidimus mala

vul@Psalms:89:16 @ appareat apud servos tuos opus tuum et gloria tua super filios eorum

vul@Psalms:89:17 @ et sit decor Domini Dei nostri super nos et opus manuum nostrarum fac stabile super nos opus manuum nostrarum confirma

vul@Psalms:90:1 @ qui habitat in abscondito Excelsi in umbraculo Domini commorabitur