Psalms:87

---

Seeker Overlay ON

* ωδη ψαλμου τοις υιοις κορε εις το τελος υπερ μαελεθ του αποκριθηναι συνεσεως αιμαν τω ισραηλιτη * κυριε ο θεος της σωτηριας μου ημερας εκεκραξα και εν νυκτι εναντιον σου * εισελθατω ενωπιον σου η προσευχη μου κλινον το ους σου εις την δεησιν μου κυριε * οτι επλησθη κακων η ψυχη μου και η ζωη μου τω αδη ηγγισεν * προσελογισθην μετα των καταβαινοντων εις λακκον εγενηθην ως ανθρωπος αβοηθητος εν νεκροις ελευθερος * ωσει τραυματιαι ερριμμενοι καθευδοντες εν ταφω ων ουκ εμνησθης ετι και αυτοι εκ της χειρος σου απωσθησαν * εθεντο με εν λακκω κατωτατω εν σκοτεινοις και εν σκια θανατου * επ' εμε επεστηριχθη ο θυμος σου και παντας τους μετεωρισμους σου επ' εμε επηγαγες διαψαλμα * εμακρυνας τους γνωστους μου απ' εμου εθεντο με βδελυγμα εαυτοις παρεδοθην και ουκ εξεπορευομην * οι οφθαλμοι μου ησθενησαν απο πτωχειας εκεκραξα προς σε κυριε ολην την ημεραν διεπετασα προς σε τας χειρας μου * μη τοις νεκροις ποιησεις θαυμασια η ιατροι αναστησουσιν και εξομολογησονται σοι * μη διηγησεται τις εν ταφω το ελεος σου και την αληθειαν σου εν τη απωλεια * μη γνωσθησεται εν τω σκοτει τα θαυμασια σου και η δικαιοσυνη σου εν γη επιλελησμενη * καγω προς σε κυριε εκεκραξα και το πρωι η προσευχη μου προφθασει σε * ινα τι κυριε απωθεις την ψυχην μου αποστρεφεις το προσωπον σου απ' εμου * πτωχος ειμι εγω και εν κοποις εκ νεοτητος μου υψωθεις δε εταπεινωθην και εξηπορηθην * επ' εμε διηλθον αι οργαι σου και οι φοβερισμοι σου εξεταραξαν με * εκυκλωσαν με ως υδωρ ολην την ημεραν περιεσχον με αμα * εμακρυνας απ' εμου φιλον και πλησιον και τους γνωστους μου απο ταλαιπωριας

---