Psalms:90-106



vul@Psalms:90:1 @ qui habitat in abscondito Excelsi in umbraculo Domini commorabitur

vul@Psalms:90:2 @ dicens Domino spes mea et fortitudo mea Deus meus confidam in eum

vul@Psalms:90:3 @ quia ipse liberabit te de laqueo venantium de morte insidiarum

vul@Psalms:90:4 @ in scapulis suis obumbrabit tibi et sub alis eius sperabis

vul@Psalms:90:5 @ scutum et protectio veritas eius non timebis a timore nocturno

vul@Psalms:90:6 @ a sagitta volante per diem a peste in tenebris ambulante a morsu insanientis meridie

vul@Psalms:90:7 @ cadent a latere tuo mille et decem milia a dextris tuis ad te autem non adpropinquabit

vul@Psalms:90:8 @ verumtamen oculis tuis videbis et ultionem impiorum cernes

vul@Psalms:90:9 @ tu enim es Domine spes mea Excelsum posuisti habitaculum tuum

vul@Psalms:90:10 @ non accedet ad te malum et lepra non adpropinquabit tabernaculo tuo

vul@Psalms:90:11 @ quia angelis suis mandabit de te ut custodiant te in omnibus viis tuis

vul@Psalms:90:12 @ in manibus portabunt te ne forte offendat ad lapidem pes tuus

vul@Psalms:90:13 @ super aspidem et basiliscum calcabis conculcabis leonem et draconem

vul@Psalms:90:14 @ quoniam mihi adhesit et liberabo eum exaltabo eum quoniam cognovit nomen meum

vul@Psalms:90:15 @ invocabit me et exaudiam eum cum ipso ero in tribulatione eruam eum et glorificabo

vul@Psalms:90:16 @ longitudine dierum implebo illum et ostendam ei salutare meum

vul@Psalms:91:1 @ psalmus cantici in die sabbati

vul@Psalms:91:2 @ bonum est confiteri Domino et psallere nomini tuo Altissime

vul@Psalms:91:3 @ ad adnuntiandam mane misericordiam tuam et fidem tuam in nocte

vul@Psalms:91:4 @ in decacordo et in psalterio in cantico in cithara

vul@Psalms:91:5 @ quoniam laetificasti me Domine in opere tuo in facturis manuum tuarum laudabo

vul@Psalms:91:6 @ quam magnificata sunt opera tua Domine satis profundae factae sunt cogitationes tuae

vul@Psalms:91:7 @ vir insipiens non cognoscet et stultus non intelleget istud

vul@Psalms:91:8 @ germinaverunt impii quasi faenum et floruerunt omnes qui operantur iniquitatem ut contererentur usque in sempiternum

vul@Psalms:91:9 @ tu autem Excelsus in aeternum Domine

vul@Psalms:91:10 @ ecce enim inimici tui Domine ecce inimici tui peribunt et dissipabuntur omnes qui operantur iniquitatem

vul@Psalms:91:11 @ et exaltabitur quasi monocerotis cornu meum et senecta mea in oleo uberi

vul@Psalms:91:12 @ et dispiciet oculus meus eos qui insidiantur mihi de his qui consurgunt adversum me malignantibus audit auris mea

vul@Psalms:91:13 @ iustus ut palma florebit ut cedrus in Libano multiplicabitur

vul@Psalms:91:14 @ transplantati in domo Domini in atriis Dei nostri germinabunt

vul@Psalms:91:15 @ adhuc fructificabunt in senectute pingues et frondentes erunt

vul@Psalms:91:16 @ adnuntiantes quia rectus Dominus fortitudo mea et non est iniquitas in eo

vul@Psalms:92:1 @ Dominus regnavit gloria indutus est indutus est Dominus fortitudine et accinctus est insuper adpendit orbem qui non commovebitur

vul@Psalms:92:2 @ firmum solium tuum ex tunc ab aeterno tu es

vul@Psalms:92:3 @ levaverunt flumina Domine levaverunt flumina voces suas levaverunt flumina gurgites suos

vul@Psalms:92:4 @ a vocibus aquarum multarum grandes fluctus maris grandis in excelso Dominus

vul@Psalms:92:5 @ testimonia tua fidelia facta sunt nimis domum tuam decet sanctitas Domine in longitudine dierum

vul@Psalms:93:1 @ Deus ultionum Domine Deus ultionum ostendere

vul@Psalms:93:2 @ elevare qui iudicas terram redde vicissitudinem superbis

vul@Psalms:93:3 @ usquequo impii Domine usquequo impii exultabunt

vul@Psalms:93:4 @ fluent loquentes antiquum garrient omnes qui operantur iniquitatem

vul@Psalms:93:5 @ populum tuum Domine conterent et hereditatem tuam adfligent

vul@Psalms:93:6 @ viduam et advenam interficient et pupillos occident

vul@Psalms:93:7 @ et dixerunt non videbit Dominus et non intelleget Deus Iacob

vul@Psalms:93:8 @ intellegite stulti in populo et insipientes aliquando discite

vul@Psalms:93:9 @ qui plantavit aurem non audiet aut qui finxit oculum non videbit

vul@Psalms:93:10 @ qui erudit gentes non arguet qui docet hominem scientiam

vul@Psalms:93:11 @ Dominus novit cogitationes hominum quia vanae sunt

vul@Psalms:93:12 @ beatus vir quem erudieris Domine et de lege tua docueris eum

vul@Psalms:93:13 @ ut quiescat a diebus adflictionis donec fodiatur impio interitus

vul@Psalms:93:14 @ non enim derelinquet Dominus populum suum et hereditatem suam non deseret

vul@Psalms:93:15 @ quoniam ad iustitiam revertetur iudicium et sequentur illud omnes recti corde

vul@Psalms:93:16 @ quis stabit pro me adversum malos quis stabit pro me adversum operarios iniquitatis

vul@Psalms:93:17 @ nisi quia Dominus auxiliator meus paulo minus habitasset in inferno anima mea

vul@Psalms:93:18 @ si dicebam commotus est pes meus misericordia tua Domine sustentabat me

vul@Psalms:93:19 @ in multitudine cogitationum mearum quae sunt in me intrinsecus consolationes tuae delectabunt animam meam

vul@Psalms:93:20 @ numquid particeps erit tui thronus insidiarum fingens laborem in praecepto

vul@Psalms:93:21 @ copulabuntur adversus animam iusti et sanguinem innocentem condemnabunt

vul@Psalms:93:22 @ erit autem Dominus mihi in refugium et Deus meus quasi petra spei meae

vul@Psalms:93:23 @ et restitues super eos iniquitatem suam et in malitia sua perdes eos perdet eos Dominus Deus noster

vul@Psalms:94:1 @ venite laudemus Dominum iubilemus petrae Iesu nostro

vul@Psalms:94:2 @ praeoccupemus vultum eius in actione gratiarum in canticis iubilemus ei

vul@Psalms:94:3 @ quoniam fortis et magnus Dominus et rex magnus super omnes deos

vul@Psalms:94:4 @ in cuius manu fundamenta terrae et excelsa montium ipsius sunt

vul@Psalms:94:5 @ cuius est mare ipse enim fecit illud et siccam manus eius plasmaverunt

vul@Psalms:94:6 @ venite adoremus et curvemur flectamus genua ante faciem Domini factoris nostri

vul@Psalms:94:7 @ quia ipse est Deus noster et nos populus pascuae eius et grex manus eius

vul@Psalms:94:8 @ hodie si vocem eius audieritis nolite indurare corda vestra

vul@Psalms:94:9 @ sicut in contradictione sicut in die temptationis in deserto ubi temptaverunt me patres vestri probaverunt me et viderunt opus meum

vul@Psalms:94:10 @ quadraginta annis displicuit mihi generatio illa et dixi populus errans corde est

vul@Psalms:94:11 @ et non cognoscens vias meas et iuravi in furore meo ut non introirent in requiem meam

vul@Psalms:95:1 @ canite Domino canticum novum canite Domino omnis terra

vul@Psalms:95:2 @ canite Domino benedicite nomini eius adnuntiate de die in diem salutare eius

vul@Psalms:95:3 @ narrate in gentibus gloriam eius in universis populis mirabilia eius

vul@Psalms:95:4 @ quia magnus Dominus et laudabilis nimis terribilis est super omnes deos

vul@Psalms:95:5 @ omnes enim dii populorum sculptilia Dominus autem caelos fecit

vul@Psalms:95:6 @ gloria et decor ante vultum eius fortitudo et exultatio in sanctuario eius

vul@Psalms:95:7 @ adferte Domino familiae populorum adferte Domino gloriam et fortitudinem

vul@Psalms:95:8 @ adferte Domino gloriam nomini eius levate munera et introite in atria eius

vul@Psalms:95:9 @ adorate Dominum in decore sanctuarii paveat a facie eius omnis terra

vul@Psalms:95:10 @ dicite in gentibus Dominus regnavit siquidem adpendit orbem inmobilem iudicabit populos in aequitate

vul@Psalms:95:11 @ laetamini caeli et exultet terra tonet mare et plenitudo eius

vul@Psalms:95:12 @ gaudeat ager et omnia quae in eo sunt tunc laudabunt universa ligna saltus

vul@Psalms:95:13 @ ante faciem Domini quoniam venit quoniam venit iudicare terram iudicabit orbem in iusto et populos in fide sua

vul@Psalms:96:1 @ Dominus regnavit exultabit terra laetabuntur insulae multae

vul@Psalms:96:2 @ nubes et caligo in circuitu eius iustitia et iudicium firmamentum solii eius

vul@Psalms:96:3 @ ignis ante faciem eius ibit et exuret per circuitum hostes eius

vul@Psalms:96:4 @ apparuerunt fulgora eius orbi vidit et contremuit terra

vul@Psalms:96:5 @ montes sicut cera tabefacti sunt a facie Domini a facie dominatoris omnis terrae

vul@Psalms:96:6 @ adnuntiaverunt caeli iustitiam eius et viderunt omnes populi gloriam eius

vul@Psalms:96:7 @ confundantur universi qui serviunt sculptili qui gloriantur in idolis adorate eum omnes dii

vul@Psalms:96:8 @ audivit et laetata est Sion et exultaverunt filiae Iudae propter iudicia tua Domine

vul@Psalms:96:9 @ tu enim Dominus Excelsus super omnem terram vehementer elevatus es super universos deos

vul@Psalms:96:10 @ qui diligitis Dominum odite malum custodit animas sanctorum suorum de manu impiorum eruet eos

vul@Psalms:96:11 @ lux orta est iusto et rectis corde laetitia

vul@Psalms:96:12 @ laetamini iusti in Domino et confitemini memoriae sanctae eius

vul@Psalms:97:1 @ canticum cantate Domino canticum novum quia mirabilia fecit salvavit sibi dextera eius et brachium sanctum eius

vul@Psalms:97:2 @ notum fecit Dominus salutare suum in conspectu gentium revelavit iustitiam suam

vul@Psalms:97:3 @ recordatus est misericordiae suae et veritatis suae domui Iacob viderunt omnes fines terrae salutare Dei nostri

vul@Psalms:97:4 @ iubilate Domino omnis terra vociferamini et laudate et canite

vul@Psalms:97:5 @ cantate Domino in cithara in cithara et voce carminis

vul@Psalms:97:6 @ in tubis et clangore bucinae iubilate coram rege Domino

vul@Psalms:97:7 @ tonet mare et plenitudo eius orbis et habitatores eius

vul@Psalms:97:8 @ flumina plaudent manu simul montes laudabunt

vul@Psalms:97:9 @ ante Dominum quia venit iudicare terram iudicabit orbem in iustitia et populos in aequitatibus

vul@Psalms:98:1 @ Dominus regnavit commoveantur populi sessor cherubin concutiatur terra

vul@Psalms:98:2 @ Dominus in Sion magnus et excelsus est super omnes populos

vul@Psalms:98:3 @ confiteantur nomini tuo magno et terribili sanctoque

vul@Psalms:98:4 @ imperium regis iudicium diligit tu fundasti aequitates iudicium et iustitiam in Iacob tu fecisti

vul@Psalms:98:5 @ exaltate Dominum Deum nostrum et adorate scabillum pedum eius quia sanctus est

vul@Psalms:98:6 @ Moses et Aaron in sacerdotibus eius et Samuhel in his qui invocant nomen eius invocabant Dominum et ipse exaudivit eos

vul@Psalms:98:7 @ in columna nubis loquebatur ad eos custodierunt testimonia eius et praeceptum dedit eis

vul@Psalms:98:8 @ Domine Deus noster tu exaudisti eos Domine propitius fuisti eis et ultor super commutationibus eorum

vul@Psalms:98:9 @ exaltate Dominum Deum nostrum et adorate in monte sancto eius quia sanctus Dominus Deus noster

vul@Psalms:99:1 @ canticum in gratiarum actione

vul@Psalms:99:2 @ iubilate Domino omnis terra servite Domino in laetitia ingredimini coram eo in laude

vul@Psalms:99:3 @ scitote quoniam Dominus ipse est Deus ipse fecit nos et ipsius sumus populus eius et grex pascuae eius

vul@Psalms:99:4 @ ingredimini portas eius in gratiarum actione atria eius in laude confitemini ei benedicite nomini eius

vul@Psalms:99:5 @ quia bonus Dominus in sempiternum misericordia eius et usque ad generationem et generationem fides eius

vul@Psalms:C100:1 @ David canticum misericordiam et iudicium cantabo tibi Domine psallam

vul@Psalms:C100:2 @ erudiar in via perfecta quando venies ad me ambulabo in simplicitate cordis mei in medio domus meae

vul@Psalms:C100:3 @ non ponam coram oculis meis verbum Belial facientem declinationes odivi nec adhesit mihi

vul@Psalms:C100:4 @ cor pravum recedet a me malum nesciam

vul@Psalms:C100:5 @ loquentem in abscondito contra proximum suum hunc interficiam superbum oculis et altum corde cum hoc esse non potero

vul@Psalms:C100:6 @ oculi mei ad fideles terrae ut habitent mecum ambulans in via simpliciter hic ministrabit mihi

vul@Psalms:C100:7 @ non habitabit in medio domus meae faciens dolum loquens mendacium non placebit in conspectu oculorum meorum

vul@Psalms:C100:8 @ mane perdam omnes impios terrae ut interficiam de civitate Domini universos qui operantur iniquitatem

vul@Psalms:C101:1 @ oratio pauperis quando sollicitus fuerit et coram Domino fuderit eloquium suum

vul@Psalms:C101:2 @ Domine audi orationem meam et clamor meus ad te veniat

vul@Psalms:C101:3 @ ne abscondas faciem tuam a me in die tribulationis meae inclina ad me aurem tuam in quacumque die invocavero velociter exaudi me

vul@Psalms:C101:4 @ quoniam consumpti sunt sicut fumus dies mei et ossa mea quasi frixa contabuerunt

vul@Psalms:C101:5 @ percussum est quasi faenum et arefactum est cor meum quia oblitus sum comedere panem meum

vul@Psalms:C101:6 @ a voce gemitus mei adhesit os meum carni meae

vul@Psalms:C101:7 @ adsimilatus sum pelicano deserti factus sum quasi bubo solitudinum

vul@Psalms:C101:8 @ vigilavi et fui sicut avis solitaria super tectum

vul@Psalms:C101:9 @ tota die exprobrabant mihi inimici mei exultantes per me iurabant

vul@Psalms:C101:10 @ quia cinerem sicut panem comedi et potum meum cum fletu miscui

vul@Psalms:C101:11 @ a facie indignationis et irae tuae quia elevasti me et adlisisti me

vul@Psalms:C101:12 @ dies mei quasi umbra inclinati sunt et ego quasi faenum arui

vul@Psalms:C101:13 @ tu autem Domine in aeternum permanes memoriale tuum in generatione et generatione

vul@Psalms:C101:14 @ tu suscitans misereberis Sion quia tempus est ut miserearis eius quoniam venit tempus quoniam venit pactum

vul@Psalms:C101:15 @ quoniam placitos fecerunt servi tui lapides eius et pulverem eius miserabilem

vul@Psalms:C101:16 @ et timebunt gentes nomen Domini et universi reges terrae gloriam tuam

vul@Psalms:C101:17 @ quia aedificavit Dominus Sion apparuit in gloria sua

vul@Psalms:C101:18 @ respexit ad orationem vacui et non dispexit orationem eorum

vul@Psalms:C101:19 @ scribatur hoc in generatione novissima et populus qui creabitur laudabit Dominum

vul@Psalms:C101:20 @ quoniam prospexit de excelso sanctuario suo Dominus de caelo terram contemplatus est

vul@Psalms:C101:21 @ ut audiret gemitum vincti ut solveret filios mortis

vul@Psalms:C101:22 @ ut narretur in Sion nomen Domini et laudatio eius in Hierusalem

vul@Psalms:C101:23 @ cum congregati fuerint populi simul et regna ut serviant Domino

vul@Psalms:C101:24 @ adflixit in via fortitudinem meam adbreviavit dies meos

vul@Psalms:C101:25 @ dicam Deus meus ne rapias me in dimidio dierum meorum in generatione generationum anni tui

vul@Psalms:C101:26 @ a principio terram fundasti et opus manuum tuarum caeli

vul@Psalms:C101:27 @ ipsi peribunt tu autem stabis et omnes quasi vestimentum adterentur et quasi pallium mutabis illos et mutabuntur

vul@Psalms:C101:28 @ tu autem ipse es et anni tui non deficient

vul@Psalms:C101:29 @ filii servorum tuorum habitabunt et semen eorum ante faciem eorum perseverabit

vul@Psalms:C102:1 @ David benedic anima mea Domino et omnia viscera mea nomini sancto eius

vul@Psalms:C102:2 @ benedic anima mea Domino et noli oblivisci omnium retributionum eius

vul@Psalms:C102:3 @ qui propitiatur cunctis iniquitatibus tuis et sanat omnes infirmitates tuas

vul@Psalms:C102:4 @ qui redimit de corruptione vitam tuam et coronat te misericordia et miserationibus

vul@Psalms:C102:5 @ qui replet bonis ornamentum tuum innovabitur sicut aquilae iuventus tua

vul@Psalms:C102:6 @ faciens iustitias Dominus et iudicia cunctis qui calumniam sustinent

vul@Psalms:C102:7 @ notas fecit vias suas Mosi filiis Israhel cogitationes suas

vul@Psalms:C102:8 @ misericors et clemens Dominus patiens et multae miserationis

vul@Psalms:C102:9 @ non in sempiternum iudicabit neque in aeternum irascetur

vul@Psalms:C102:10 @ non secundum peccata nostra fecit nobis neque secundum iniquitates nostras retribuit nobis

vul@Psalms:C102:11 @ quantum enim excelsius est caelum terra tantum confortata est misericordia eius super timentes eum

vul@Psalms:C102:12 @ quantum longe est oriens ab occidente tantum longe fecit a nobis scelera nostra

vul@Psalms:C102:13 @ sicut miseretur pater filiorum misertus est Dominus timentibus se

vul@Psalms:C102:14 @ ipse enim novit plasmationem nostram recordatus est quia pulvis sumus

vul@Psalms:C102:15 @ homo quasi herba dies eius sicut flos agri sic florebit

vul@Psalms:C102:16 @ quia spiritus pertransiit eum et non subsistet et non cognoscet eum ultra locus eius

vul@Psalms:C102:17 @ misericordia autem Domini ab aeterno et usque in aeternum super timentes eum et iustitia eius in filios filiorum

vul@Psalms:C102:18 @ his qui custodiunt pactum eius et recordantur praeceptorum eius ad facienda ea

vul@Psalms:C102:19 @ Dominus in caelo stabilivit thronum suum et regnum illius omnium dominatur

vul@Psalms:C102:20 @ benedicite Domino angeli eius fortes robore facientes verbum eius oboedientes voci sermonis eius

vul@Psalms:C102:21 @ benedicite Domino omnes exercitus eius ministri eius qui facitis placitum illius

vul@Psalms:C102:22 @ benedicite Domino universa opera eius in omnibus locis potestatis eius benedic anima mea Domino

vul@Psalms:C103:1 @ benedic anima mea Domino Domine Deus meus magnificatus es nimis gloria et decore indutus es

vul@Psalms:C103:2 @ amictus luce quasi vestimento extendens caelos ut pellem

vul@Psalms:C103:3 @ qui tegis aquis cenacula eius qui ponis nubes currum tuum qui ambulas super pinnas venti

vul@Psalms:C103:4 @ qui facis angelos tuos spiritus ministros tuos ignem urentem

vul@Psalms:C103:5 @ qui fundasti terram super basem suam non commovebitur in saeculum et in saeculum

vul@Psalms:C103:6 @ abysso quasi vestimento operuisti eam super montes stabunt aquae

vul@Psalms:C103:7 @ ab increpatione tua fugient a voce tonitrui tui formidabunt

vul@Psalms:C103:8 @ ascendent montes et descendent campi ad locum quem fundasti eis

vul@Psalms:C103:9 @ terminum posuisti quem non pertransibunt nec revertentur ut operiant terram

vul@Psalms:C103:10 @ qui emittis fontes in convallibus ut inter medios montes fluant

vul@Psalms:C103:11 @ ut bibant omnia animalia regionum et reficiat onager sitim suam

vul@Psalms:C103:12 @ super ea volucres caeli morabuntur de medio nemorum dabunt vocem

vul@Psalms:C103:13 @ qui inrigas montes de cenaculis tuis de fructu operum tuorum implebitur terra

vul@Psalms:C103:14 @ germinans herbam iumentis et faenum servituti hominum ut educat panem de terra

vul@Psalms:C103:15 @ et vinum laetificat cor hominis ad exhilarandam faciem oleo panis autem cor hominis roborat

vul@Psalms:C103:16 @ saturabuntur ligna Domini cedri Libani quas plantasti

vul@Psalms:C103:17 @ ibi aves nidificabunt milvo abies domus eius

vul@Psalms:C103:18 @ montes excelsi cervis petra refugium ericiis

vul@Psalms:C103:19 @ fecit lunam per tempora sol cognovit occubitum suum

vul@Psalms:C103:20 @ posuisti tenebras et facta est nox in ipsa moventur omnes bestiae silvae

vul@Psalms:C103:21 @ leones rugientes ad praedam et quaerentes a Deo escam sibi

vul@Psalms:C103:22 @ oriente sole recedent et in speluncis suis cubabunt

vul@Psalms:C103:23 @ egreditur homo ad opus suum et ad servitutem suam usque ad vesperam

vul@Psalms:C103:24 @ quam multa sunt opera tua Domine omnia in sapientia fecisti impleta est terra possessione tua

vul@Psalms:C103:25 @ hoc mare magnum et latum manibus ibi reptilia innumerabilia animalia parva cum grandibus

vul@Psalms:C103:26 @ ibi naves pertranseunt Leviathan istum plasmasti ut inluderet ei

vul@Psalms:C103:27 @ omnia in te sperant ut des cibum eis in tempore suo

vul@Psalms:C103:28 @ dante te illis colligent aperiente manum tuam replebuntur bono

vul@Psalms:C103:29 @ abscondes vultum tuum et turbabuntur auferes spiritum eorum et deficient et in pulverem suum revertentur

vul@Psalms:C103:30 @ emittes spiritum tuum et creabuntur et instaurabis faciem terrae

vul@Psalms:C103:31 @ sit gloria Domini in sempiternum laetabitur Dominus in operibus suis

vul@Psalms:C103:32 @ qui respicit terram et tremet tangit montes et fumabunt

vul@Psalms:C103:33 @ cantabo Domino in vita mea psallam Deo quamdiu sum

vul@Psalms:C103:34 @ placeat ei eloquium meum ego autem laetabor in Domino

vul@Psalms:C103:35 @ deficiant peccatores de terra et impii ultra non sint benedic anima mea Domino

vul@Psalms:C104:1 @ alleluia confitemini Domino invocate nomen eius notas facite populis cogitationes eius

vul@Psalms:C104:2 @ canite ei et psallite illi loquimini in universis mirabilibus eius

vul@Psalms:C104:3 @ exultate in nomine sancto eius laetetur cor quaerentium Dominum

vul@Psalms:C104:4 @ quaerite Dominum et virtutem eius quaerite faciem eius iugiter

vul@Psalms:C104:5 @ recordamini mirabilium eius quae fecit signorum et iudiciorum oris eius

vul@Psalms:C104:6 @ semen Abraham servi eius filii Iacob electi eius

vul@Psalms:C104:7 @ ipse Dominus Deus noster in universa terra iudicia eius

vul@Psalms:C104:8 @ recordatus est in aeternum pacti sui verbi quod praecepit in mille generationes

vul@Psalms:C104:9 @ quod pepigit cum Abraham et iuramenti sui cum Isaac

vul@Psalms:C104:10 @ et firmavit illud cum Iacob in lege cum Israhel pactum sempiternum

vul@Psalms:C104:11 @ dicens tibi dabo terram Chanaan funiculum hereditatis vestrae

vul@Psalms:C104:12 @ cum essent viri pauci modici et advenae in ea

vul@Psalms:C104:13 @ et transierunt de gente in gentem de regno ad populum alterum

vul@Psalms:C104:14 @ non dimisit hominem ut noceret eis et corripuit pro eis reges

vul@Psalms:C104:15 @ nolite tangere christos meos et prophetas meos nolite adfligere

vul@Psalms:C104:16 @ et vocavit famem super terram omnem virgam panis contrivit

vul@Psalms:C104:17 @ misit ante faciem eorum virum in servum venundatus est Ioseph

vul@Psalms:C104:18 @ adflixerunt in conpede pedes eius in ferrum venit anima eius

vul@Psalms:C104:19 @ usque ad tempus donec veniret sermo eius eloquium Domini probavit eum

vul@Psalms:C104:20 @ misit rex et solvit eum princeps populorum et dimisit illum

vul@Psalms:C104:21 @ posuit eum dominum domus suae et principem in omni possessione sua

vul@Psalms:C104:22 @ ut erudiret principes eius secundum voluntatem suam et senes eius sapientiam doceret

vul@Psalms:C104:23 @ et ingressus est Israhel Aegyptum et Iacob advena fuit in terra Ham

vul@Psalms:C104:24 @ et crescere fecit populum suum nimis et roboravit eum super hostes eius

vul@Psalms:C104:25 @ convertit cor eorum ut odio haberent populum eius ut dolose agerent contra servos illius

vul@Psalms:C104:26 @ misit Mosen servum suum Aaron quem elegit sibi

vul@Psalms:C104:27 @ posuit in eis verba signorum suorum et portentorum in terra Ham

vul@Psalms:C104:28 @ misit tenebras et contenebravit et non fuerunt increduli verbis eius

vul@Psalms:C104:29 @ commutavit aquas eorum in sanguinem et occidit pisces eorum

vul@Psalms:C104:30 @ ebullivit terra eorum ranas in cubiculis regum eorum

vul@Psalms:C104:31 @ dixit et venit musca omnimoda scinifes in universis terminis eorum

vul@Psalms:C104:32 @ dedit pluvias eorum grandinem ignem flammantem in terra eorum

vul@Psalms:C104:33 @ et percussit vineam eorum et ficum eorum et confregit lignum finium eorum

vul@Psalms:C104:34 @ dixit et venit lucusta et bruchus cuius non erat numerus

vul@Psalms:C104:35 @ et comedit omne faenum terrae eorum et devoravit fructum terrae eorum

vul@Psalms:C104:36 @ et percussit omne primogenitum in terra eorum primitias universi partus eorum

vul@Psalms:C104:37 @ et eduxit eos cum argento et auro et non erat in tribubus eorum infirmus

vul@Psalms:C104:38 @ laetata est Aegyptus cum egrederentur quoniam inruerat terror eorum super eos

vul@Psalms:C104:39 @ expandit nubem in tentorium et ignem ut luceret nocte

vul@Psalms:C104:40 @ petierunt et adduxit ortygometran et pane caelesti saturavit eos

vul@Psalms:C104:41 @ aperuit petram et fluxerunt aquae cucurrerunt in aridis flumina

vul@Psalms:C104:42 @ quia recordatus est verbi sancti sui cum Abraham servo suo

vul@Psalms:C104:43 @ et eduxit populum suum in laetitia laudantes electos suos

vul@Psalms:C104:44 @ et dedit eis terras gentium et laborem tribuum possederunt

vul@Psalms:C104:45 @ ut custodirent caerimonias eius et leges eius servarent alleluia

vul@Psalms:C105:1 @ alleluia confitemini Domino quoniam bonus quoniam in aeternum misericordia eius

vul@Psalms:C105:2 @ quis loquetur fortitudines Domini auditas faciet omnes laudes eius

vul@Psalms:C105:3 @ beati qui custodiunt iudicium et faciunt iustitiam in omni tempore

vul@Psalms:C105:4 @ recordare mei Domine in repropitiatione populi tui visita me in salutari tuo

vul@Psalms:C105:5 @ ut videam bona electorum tuorum et laeter in laetitia gentis tuae et exultem cum hereditate tua

vul@Psalms:C105:6 @ peccavimus cum patribus nostris inique fecimus impie egimus

vul@Psalms:C105:7 @ patres nostri in Aegypto non intellexerunt mirabilia tua non sunt recordati multitudinis misericordiae tuae et ad iracundiam provocaverunt super mare in mari Rubro

vul@Psalms:C105:8 @ salvavit autem eos propter nomen suum ut ostenderet fortitudinem suam

vul@Psalms:C105:9 @ et comminatus est mari Rubro et aruit et transduxit eos per abyssos quasi in deserto

vul@Psalms:C105:10 @ et salvavit eos de manu odientis et redemit eos de manu inimici

vul@Psalms:C105:11 @ et operuit aqua hostes eorum unus de ipsis non superfuit

vul@Psalms:C105:12 @ et crediderunt verbis eius cecineruntque laudem eius

vul@Psalms:C105:13 @ cito obliti sunt operum illius nec expectaverunt voluntatem eius

vul@Psalms:C105:14 @ et desideraverunt desiderium in deserto et temptaverunt Deum in solitudine

vul@Psalms:C105:15 @ dedit ergo eis petitionem eorum et misit tenuitatem in animam eorum

vul@Psalms:C105:16 @ et zelati sunt Mosen in castris Aaron sanctum Domini

vul@Psalms:C105:17 @ aperta est terra et devoravit Dathan et operuit synagogam Abiram

vul@Psalms:C105:18 @ et succensus est ignis in synagoga eorum flamma exusit impios

vul@Psalms:C105:19 @ fecerunt vitulum in Horeb et adoraverunt conflatile

vul@Psalms:C105:20 @ et mutaverunt gloriam suam in similitudine bovis comedentis faenum

vul@Psalms:C105:21 @ obliti sunt Dei salvatoris sui qui fecit magnalia in Aegypto

vul@Psalms:C105:22 @ mirabilia in terra Ham terribilia super mare Rubrum

vul@Psalms:C105:23 @ dixit ergo ut contereret eos nisi Moses electus eius stetisset medius contra faciem illius ut converteret indignationem eius et non interficeret

vul@Psalms:C105:24 @ et dispexerunt terram desiderabilem nec crediderunt sermoni eius

vul@Psalms:C105:25 @ et murmuraverunt in tabernaculis suis non audierunt vocem Domini

vul@Psalms:C105:26 @ et levavit manum suam super eos ut deiceret eos in deserto

vul@Psalms:C105:27 @ et ut deiceret semen eorum in gentibus et dispergeret eos in terris

vul@Psalms:C105:28 @ et consecrati sunt Beelphegor et comederunt victimas mortuorum

vul@Psalms:C105:29 @ et concitaverunt eum in studiis suis et percussit eos plaga

vul@Psalms:C105:30 @ stetit autem Finees et deiudicavit et est retenta percussio

vul@Psalms:C105:31 @ et reputatum est ei in iustitia in generatione et generatione usque in aeternum

vul@Psalms:C105:32 @ et provocaverunt super aquam Contradictionis et adflictus est Moses propter eos

vul@Psalms:C105:33 @ quia provocaverunt spiritum eius et praecepit labiis suis

vul@Psalms:C105:34 @ non exterminaverunt populos quos dixit Dominus eis

vul@Psalms:C105:35 @ et commixti sunt gentibus et didicerunt opera eorum

vul@Psalms:C105:36 @ et servierunt sculptilibus eorum et factum est eis in scandalum

vul@Psalms:C105:37 @ et immolaverunt filios suos et filias suas daemonibus

vul@Psalms:C105:38 @ et effuderunt sanguinem innocentem sanguinem filiorum suorum et filiarum suarum quos immolaverunt sculptilibus Chanaan et polluta est terra sanguinibus

vul@Psalms:C105:39 @ et coinquinati sunt in operibus suis et fornicati sunt in studiis suis

vul@Psalms:C105:40 @ iratus est itaque furor Domini in populum suum et abominatus est hereditatem suam

vul@Psalms:C105:41 @ et dedit eos in manu gentium et dominati sunt eorum qui oderant eos

vul@Psalms:C105:42 @ et adflixerunt eos inimici sui et humiliati sunt sub manu eorum

vul@Psalms:C105:43 @ multis vicibus liberavit eos ipsi vero provocabant in consiliis suis et humiliati sunt propter iniquitates suas

vul@Psalms:C105:44 @ et vidit tribulationem eorum cum audiret eos rogantes

vul@Psalms:C105:45 @ et recordatus est pacti sui cum eis et paenituit eum secundum multitudinem misericordiae suae

vul@Psalms:C105:46 @ et dedit eos miserabiles coram omnibus qui ceperant eos

vul@Psalms:C105:47 @ salva nos Domine Deus noster et congrega nos de gentibus ut confiteamur nomini sancto tuo et canamus laudantes te

vul@Psalms:C105:48 @ benedictus Dominus Deus Israhel ab aeterno et usque in aeternum et dicet omnis populus amen alleluia

vul@Psalms:C106:1 @ confitemini Domino quoniam bonus quoniam in aeternum misericordia eius

vul@Psalms:C106:2 @ dicant qui redempti sunt a Domino quos redemit de manu hostis et de terris congregavit eos

vul@Psalms:C106:3 @ ab oriente et ab occidente ab aquilone et mari

vul@Psalms:C106:4 @ erraverunt in solitudine in deserta via civitatem quae habitaretur non reppererunt

vul@Psalms:C106:5 @ esurientes et sitientes anima eorum in ipsis deficiebat

vul@Psalms:C106:6 @ et clamaverunt ad Dominum in tribulatione sua de adflictione eorum eripuit eos

vul@Psalms:C106:7 @ et duxit illos per viam rectam ut venirent in civitatem habitabilem

vul@Psalms:C106:8 @ confiteantur Domino misericordiam eius et mirabilia eius in filios hominum

vul@Psalms:C106:9 @ quia saturavit animam vacuam et animam esurientem implevit bonis

vul@Psalms:C106:10 @ habitantes in tenebris et umbra mortis alligatos inopia et ferro

vul@Psalms:C106:11 @ quia provocaverunt sermones Dei et consilium Excelsi blasphemaverunt

vul@Psalms:C106:12 @ et humiliavit in labore cor eorum ceciderunt et non erat qui adiuvaret

vul@Psalms:C106:13 @ et clamaverunt ad Dominum in tribulatione sua et de angustiis eorum salvavit eos

vul@Psalms:C106:14 @ et eduxit eos de tenebris et umbra mortis et vincula eorum disrupit

vul@Psalms:C106:15 @ confiteantur Domino misericordiam eius et mirabilia eius in filios hominum

vul@Psalms:C106:16 @ quia contrivit portas aereas et vectes ferreos confregit

vul@Psalms:C106:17 @ stultos propter viam sceleris eorum et propter iniquitates adflictos

vul@Psalms:C106:18 @ omnem cibum abominata est anima eorum et accesserunt ad portas mortis

vul@Psalms:C106:19 @ et clamaverunt ad Dominum in tribulatione sua de angustiis eorum salvavit eos

vul@Psalms:C106:20 @ misit verbum suum et sanavit eos et salvavit de interitu

vul@Psalms:C106:21 @ confiteantur Domino misericordiam eius et mirabilia eius in filios hominum

vul@Psalms:C106:22 @ et immolent hostias gratiarum et narrent opera eius in laude

vul@Psalms:C106:23 @ qui descendunt in mare navibus facientes opus in aquis multis

vul@Psalms:C106:24 @ ipsi viderunt opera Domini et mirabilia eius in profundo

vul@Psalms:C106:25 @ dixit et surrexit ventus tempestatis et elevavit gurgites eius

vul@Psalms:C106:26 @ ascendunt in caelum et descendunt in abyssos anima eorum in adflictione consumitur

vul@Psalms:C106:27 @ obstipuerunt et intremuerunt quasi ebrius et universa sapientia eorum absorta est

vul@Psalms:C106:28 @ clamabunt autem ad Dominum in tribulatione sua et de angustia educet eos

vul@Psalms:C106:29 @ statuet turbinem in tranquillitatem et silebunt fluctus eius

vul@Psalms:C106:30 @ laetabuntur quoniam quieverunt et deducet eos ad portum quem voluerunt

vul@Psalms:C106:31 @ confiteantur Domino misericordiam eius et mirabilia eius in filios hominum

vul@Psalms:C106:32 @ et exaltent eum in ecclesia populi et in cathedra seniorum laudent eum

vul@Psalms:C106:33 @ ponet flumina in desertum et fontes aquarum in sitim

vul@Psalms:C106:34 @ terram fructiferam in salsuginem prae malitia habitatorum eius

vul@Psalms:C106:35 @ ponet desertum in paludes aquarum et terram inviam in fontes aquarum

vul@Psalms:C106:36 @ et conlocabit ibi esurientes et fundabunt urbem ad habitandum

vul@Psalms:C106:37 @ et serent agros et plantabunt vineas et facient fruges genimina

vul@Psalms:C106:38 @ et benedicet eis et multiplicabuntur nimis et pecora eorum non inminuet

vul@Psalms:C106:39 @ inminuta sunt autem et adflicta propter angustiam mali et doloris

vul@Psalms:C106:40 @ et effundet despectionem super principes et errare eos faciet in solitudine devia

vul@Psalms:C106:41 @ et sublevabit pauperem de inopia et ponet quasi gregem familias

vul@Psalms:C106:42 @ videbunt recti et laetabuntur et omnis iniquitas contrahet os suum

vul@Psalms:C106:43 @ quis sapiens et custodiet haec et intellegent misericordias Domini

vul@Psalms:C107:1 @ canticum psalmi David

vul@Psalms:C107:2 @ paratum cor meum Deus cantabo et psallam sed et gloria mea

vul@Psalms:C107:3 @ consurge psalterium et cithara consurgam mane

vul@Psalms:C107:4 @ confitebor tibi in populis Domine et cantabo te in nationibus

vul@Psalms:C107:5 @ quoniam magna super caelos misericordia tua et usque ad aethera veritas tua

vul@Psalms:C107:6 @ exaltare super caelos Deus et super omnem terram gloria tua

vul@Psalms:C107:7 @ ut liberentur dilecti tui salva dextera tua et exaudi me

vul@Psalms:C107:8 @ Deus locutus est in sanctuario suo gaudebo dividam Sychem et vallem Socchoth dimetiar

vul@Psalms:C107:9 @ meus est Galaad et meus est Manasse et Efraim hereditas capitis mei Iuda dux meus

vul@Psalms:C107:10 @ Moab lebes pelvis meae super Idumeam proiciam calciamentum meum cum Philisthim foederabor

vul@Psalms:C107:11 @ quis deducet me in civitatem munitam quis deducet me usque in Idumeam

vul@Psalms:C107:12 @ nonne tu Deus qui proieceras nos et non exieras Deus in exercitibus nostris

vul@Psalms:C107:13 @ da nobis auxilium in tribulatione vana est enim salus ab homine

vul@Psalms:C107:14 @ in Deo erimus fortes et ipse conculcabit hostes nostros

vul@Psalms:C108:1 @ pro victoria David canticum

vul@Psalms:C108:2 @ Deus laudabilis mihi ne taceas quia os impii et os dolosi contra me apertum est

vul@Psalms:C108:3 @ locuti sunt de me lingua mendacii verbis odii circumdederunt me et expugnaverunt me frustra

vul@Psalms:C108:4 @ pro eo quod eos diligebam adversabantur mihi ego autem orabam

vul@Psalms:C108:5 @ et posuerunt contra me malum pro bono et odium pro dilectione mea

vul@Psalms:C108:6 @ constitue super eum impium et Satan astet a dextris eius

vul@Psalms:C108:7 @ cum fuerit iudicatus exeat condemnatus et oratio eius sit in peccatum

vul@Psalms:C108:8 @ fiant dies eius parvi episcopatum eius accipiat alter

vul@Psalms:C108:9 @ sint filii eius pupilli et uxor eius vidua

vul@Psalms:C108:10 @ instabiles vagentur liberi eius et mendicent et quaerantur in parietinis suis

vul@Psalms:C108:11 @ scrutetur exactor universa quae habet et diripiant alieni laborem eius

vul@Psalms:C108:12 @ non sit qui eius misereatur nec qui clemens sit in pupillos eius

vul@Psalms:C108:13 @ fiat novissimum eius interitus in generatione altera deleatur nomen eius

vul@Psalms:C108:14 @ redeat in memoria iniquitas patrum eius apud Deum et iniquitas matris eius ne deleatur

vul@Psalms:C108:15 @ sit contra Dominum semper et intereat de terra memoria eorum

vul@Psalms:C108:16 @ eo quod non est recordatus facere misericordiam

vul@Psalms:C108:17 @ et persecutus est virum inopem et pauperem et conpunctum corde ut interficeret

vul@Psalms:C108:18 @ et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius

vul@Psalms:C108:19 @ sit ei quasi pallium quo circumdatur et quasi cingulum quo semper accingitur

vul@Psalms:C108:20 @ haec est retributio his qui adversantur mihi a Domino et qui loquuntur malum contra animam meam

vul@Psalms:C108:21 @ tu autem Deus Domine fac mecum propter nomen tuum quoniam bona est misericordia tua libera me

vul@Psalms:C108:22 @ quoniam egenus et pauper sum et cor meum vulneratum est intrinsecus

vul@Psalms:C108:23 @ quasi umbra cum inclinatur abductus sum et excussus quasi lucusta

vul@Psalms:C108:24 @ genua mea vacillaverunt a ieiunio et caro mea mutata est absque oleo

vul@Psalms:C108:25 @ et ego factus sum obprobrium eis videntes me moverunt caput suum

vul@Psalms:C108:26 @ adiuva me Domine Deus meus salva me secundum misericordiam tuam

vul@Psalms:C108:27 @ et sciant quoniam manus tua haec tu Domine fecisti eam

vul@Psalms:C108:28 @ maledicent illi et tu benedices restiterunt et confundentur servus autem tuus laetabitur

vul@Psalms:C108:29 @ induantur adversarii mei confusione et operiantur quasi indumento confusione sua

vul@Psalms:C108:30 @ confitebor Domino vehementer in ore meo et in medio populorum laudabo eum

vul@Psalms:C108:31 @ quoniam stabit a dextris pauperis ut salvet a iudicibus animam eius

vul@Psalms:C109:1 @ David canticum dixit Dominus Domino meo sede a dextris meis donec ponam inimicos tuos scabillum pedum tuorum

vul@Psalms:C109:2 @ virgam fortitudinis tuae emittet Dominus ex Sion dominare in medio inimicorum tuorum

vul@Psalms:C109:3 @ populi tui spontanei erunt in die fortitudinis tuae in montibus sanctis quasi de vulva orietur tibi ros adulescentiae tuae

vul@Psalms:C109:4 @ iuravit Dominus et non paenitebit eum tu es sacerdos in aeternum secundum ordinem Melchisedech

vul@Psalms:C109:5 @ Dominus ad dexteram tuam percussit in die furoris sui reges

vul@Psalms:C109:6 @ iudicabit in gentibus implebit valles percutiet caput in terra multa

vul@Psalms:C109:7 @ de torrente in via bibet propterea exaltabit caput

vul@Psalms:C110:1 @ alleluia aleph confitebor Domino in toto corde beth in consilio iustorum et congregatione

vul@Psalms:C110:2 @ gimel magna opera Domini deleth exquirenda in cunctis voluntatibus suis

vul@Psalms:C110:3 @ he gloria et decor opus eius vav et iustitia eius perseverans semper

vul@Psalms:C110:4 @ zai memoriam fecit mirabilium suorum heth clemens et misericors Dominus

vul@Psalms:C110:5 @ teth escam dedit timentibus se ioth memor erit in sempiternum pacti sui

vul@Psalms:C110:6 @ caph fortitudinem operum suorum adnuntiabit populo suo

vul@Psalms:C110:7 @ lameth ut det eis hereditatem gentium mem opus manuum eius veritas et iudicium

vul@Psalms:C110:8 @ nun fidelia omnia praecepta eius samech firmata in sempiternum iugiter ain facta in veritate et aequitate

vul@Psalms:C110:9 @ fe redemptionem misit populo suo sade mandavit in aeternum pactum suum coph sanctum et terribile nomen eius

vul@Psalms:C110:10 @ res principium sapientiae timor Domini sen doctrina bona cunctis qui faciunt ea thau laus eius perseverans iugiter alleluia

vul@Psalms:C111:1 @ aleph beatus vir qui timet Dominum beth in mandatis eius volet nimis

vul@Psalms:C111:2 @ gimel potens in terra erit semen eius deleth generatio iustorum benedicetur

vul@Psalms:C111:3 @ he substantia et divitiae in domo eius vav et iustitia eius perseverans semper

vul@Psalms:C111:4 @ zai ortum est in tenebris lumen iustis heth clemens et misericors et iustus

vul@Psalms:C111:5 @ teth bonus vir clemens et fenerans ioth dispensabit verba sua in iudicio

vul@Psalms:C111:6 @ caph quia in aeternum non commovebitur

vul@Psalms:C111:7 @ lameth in memoria sempiterna erit iustus mem ab auditu malo non timebit nun paratum cor eius confidens in Domino

vul@Psalms:C111:8 @ samech firmum cor eius non timebit ain donec aspiciat hostibus suis

vul@Psalms:C111:9 @ phe dispersit dedit pauperibus sade iustitia eius permanet in aeternum coph cornu eius exaltabitur in gloria

vul@Psalms:C111:10 @ res impius videbit et irascetur sen dentibus suis frendet et tabescet thau desiderium impiorum peribit

vul@Psalms:C112:1 @ alleluia laudate servi Dominum laudate nomen Domini

vul@Psalms:C112:2 @ sit nomen Domini benedictum amodo et usque in aeternum

vul@Psalms:C112:3 @ ab ortu solis usque ad occasum eius laudabile nomen Domini

vul@Psalms:C112:4 @ excelsus super omnes gentes Dominus super caelum gloria eius

vul@Psalms:C112:5 @ quis ut Dominus Deus noster qui in excelsis habitans

vul@Psalms:C112:6 @ humilia respicit in caelo et in terra

vul@Psalms:C112:7 @ suscitans de terra inopem et de stercore elevat pauperem

vul@Psalms:C112:8 @ ut eum sedere faciat cum principibus cum principibus populi sui

vul@Psalms:C112:9 @ qui conlocat sterilem in domo matrem filiorum laetantem alleluia

vul@Psalms:C113:1 @ cum egrederetur Israhel de Aegypto domus Iacob de populo barbaro

vul@Psalms:C113:2 @ factus est Iudas in sanctificatione eius Israhel potestas eius

vul@Psalms:C113:3 @ mare vidit et fugit Iordanis conversus est retrorsum

vul@Psalms:C113:4 @ montes subsilierunt quasi arietes colles quasi filii gregis

vul@Psalms:C113:5 @ quid tibi est mare quia fugisti Iordanis quia conversus es retrorsum

vul@Psalms:C113:6 @ montes sussultastis quasi arietes colles quasi filii gregis

vul@Psalms:C113:7 @ a facie Domini contremesce terra a facie Dei Iacob

vul@Psalms:C113:8 @ qui convertit petram in paludes aquarum silicem in fontes aquarum

vul@Psalms:C113:9 @ non nobis Domine non nobis sed nomini tuo da gloriam

vul@Psalms:C113:10 @ propter misericordiam tuam et veritatem tuam ne dicant gentes ubi est Deus eorum

vul@Psalms:C113:11 @ Deus autem noster in caelo universa quae voluit fecit

vul@Psalms:C113:12 @ idola gentium argentum et aurum opus manuum hominum

vul@Psalms:C113:13 @ os habent et non loquentur oculos habent et non videbunt

vul@Psalms:C113:14 @ aures habent et non audient nasum habent et non odorabuntur

vul@Psalms:C113:15 @ manus habent et non palpabunt pedes habent et non ambulabunt nec sonabunt in gutture suo

vul@Psalms:C113:16 @ similes illis fiant qui faciunt ea omnis qui confidit in eis

vul@Psalms:C113:17 @ Israhel confidet in Domino auxiliator et protector eorum est

vul@Psalms:C113:18 @ domus Aaron confidet in Domino auxiliator et protector eorum est

vul@Psalms:C113:19 @ timentes Dominum confident in Domino auxiliator et protector eorum est

vul@Psalms:C113:20 @ Dominus recordatus nostri benedicet benedicet domui Israhel benedicet domui Aaron

vul@Psalms:C113:21 @ benedicet timentibus Dominum parvis et magnis

vul@Psalms:C113:22 @ addat Dominus super vos super vos et super filios vestros

vul@Psalms:C113:23 @ benedicti vos Domino qui fecit caelos et terram

vul@Psalms:C113:24 @ caelum caelorum Domino terram autem dedit filiis hominum

vul@Psalms:C113:25 @ non mortui laudabunt Dominum nec omnes qui descendunt in silentium

vul@Psalms:C113:26 @ sed nos benedicimus Domino amodo et usque in aeternum alleluia

vul@Psalms:C114:1 @ dilexi quoniam audies Domine vocem deprecationis meae

vul@Psalms:C114:2 @ inclinavit aurem suam mihi et in diebus meis invocabo

vul@Psalms:C114:3 @ circumdederunt me funes mortis et munitiones inferni invenerunt me angustiam et dolorem repperi

vul@Psalms:C114:4 @ et nomen Domini invocavi obsecro Domine salva animam meam

vul@Psalms:C114:5 @ clemens Dominus et iustus et Deus noster misericors

vul@Psalms:C114:6 @ custodit parvulos Dominus adtenuatus sum et salvavit me

vul@Psalms:C114:7 @ revertere anima mea in requiem tuam quia Dominus reddet tibi

vul@Psalms:C114:8 @ quia eruit animam meam de morte oculos meos a lacrimis pedes meos ab offensa

vul@Psalms:C114:9 @ deambulabo coram Domino in terris viventium

vul@Psalms:C115:1 @ credidi propter quod locutus sum ego adflictus sum nimis

vul@Psalms:C115:2 @ ego dixi in stupore meo omnis homo mendacium

vul@Psalms:C115:3 @ quid reddam Domino pro omnibus quae tribuit mihi

vul@Psalms:C115:4 @ calicem salutis accipiam et nomen Domini invocabo

vul@Psalms:C115:5 @ vota mea Domino reddam coram omni populo eius

vul@Psalms:C115:6 @ gloriosa in conspectu Domini mors sanctorum eius

vul@Psalms:C115:7 @ obsecro Domine quia ego servus tuus ego servus tuus filius ancillae tuae dissolvisti vincula mea

vul@Psalms:C115:8 @ tibi immolabo hostiam laudis et in nomine Domini invocabo

vul@Psalms:C115:9 @ vota mea Domino reddam in conspectu omnis populi eius

vul@Psalms:C115:10 @ in atriis domus Domini in medio tui Hierusalem alleluia

vul@Psalms:C116:1 @ laudate Dominum omnes gentes conlaudate eum universi populi

vul@Psalms:C116:2 @ quia confortata est super nos misericordia eius et veritas Domini in aeternum alleluia

vul@Psalms:C117:1 @ confitemini Domino quoniam bonus quoniam in aeternum misericordia eius

vul@Psalms:C117:2 @ dicat nunc Israhel quoniam in aeternum misericordia eius

vul@Psalms:C117:3 @ dicat domus Aaron quoniam in aeternum misericordia eius

vul@Psalms:C117:4 @ dicant qui timent Dominum quoniam in aeternum misericordia eius

vul@Psalms:C117:5 @ cum tribularer invocavi Dominum et exaudivit me in latitudine Dominus

vul@Psalms:C117:6 @ Dominus meus es non timebo quid faciat mihi homo

vul@Psalms:C117:7 @ Dominus mihi auxiliator et ego despiciam odientes me

vul@Psalms:C117:8 @ melius est sperare in Domino quam sperare in homine

vul@Psalms:C117:9 @ melius est sperare in Domino quam sperare in principibus

vul@Psalms:C117:10 @ omnes gentes circumdederunt me et in nomine Domini ultus sum eas

vul@Psalms:C117:11 @ circumdederunt me et obsederunt me sed in nomine Domini ultus sum eas

vul@Psalms:C117:12 @ circumdederunt me quasi apes extinctae sunt quasi ignis spinarum in nomine Domini quia ultus sum eas

vul@Psalms:C117:13 @ inpulsus pellebar ut caderem et Dominus sustentavit me

vul@Psalms:C117:14 @ fortitudo mea et laus mea Dominus et factus est mihi in salutem

vul@Psalms:C117:15 @ vox laudis et salutis in tabernaculis iustorum

vul@Psalms:C117:16 @ dextera Domini fecit fortitudinem dextera Domini excelsa dextera Domini fecit fortitudinem

vul@Psalms:C117:17 @ non moriar sed vivam et narrabo opera Domini

vul@Psalms:C117:18 @ corripiens arguit me Dominus et morti non tradidit me

vul@Psalms:C117:19 @ aperite mihi portas iustitiae ingressus eas confitebor Domino

vul@Psalms:C117:20 @ haec est porta Domini iusti intrabunt in eam

vul@Psalms:C117:21 @ confitebor tibi quoniam exaudisti me et factus es mihi in salutem

vul@Psalms:C117:22 @ lapis quem reprobaverunt aedificantes factus est in caput anguli

vul@Psalms:C117:23 @ a Domino factum est istud et hoc mirabile in oculis nostris

vul@Psalms:C117:24 @ haec est dies quam fecit Dominus exultemus et laetemur in ea

vul@Psalms:C117:25 @ obsecro Domine salva obsecro obsecro Domine prosperare obsecro

vul@Psalms:C117:26 @ benedictus qui venit in nomine Domini benediximus vobis de domo Domini

vul@Psalms:C117:27 @ Deus Dominus et apparuit nobis frequentate sollemnitatem in frondosis usque ad cornua altaris

vul@Psalms:C117:28 @ Deus meus es tu et confitebor tibi Deus meus es tu exaltabo te

vul@Psalms:C117:29 @ confitemini Domino quoniam bonus quoniam in aeternum misericordia eius

vul@Psalms:C118:1 @ aleph beati inmaculati in via qui ambulant in lege Domini

vul@Psalms:C118:2 @ beati qui custodiunt testimonia eius in toto corde requirunt eum

vul@Psalms:C118:3 @ nec enim qui operantur iniquitatem in viis eius ambulaverunt

vul@Psalms:C118:4 @ tu mandasti praecepta tua custodire nimis

vul@Psalms:C118:5 @ utinam dirigantur viae meae ad custodienda praecepta tua

vul@Psalms:C118:6 @ tunc non confundar cum respexero ad omnia mandata tua

vul@Psalms:C118:7 @ confitebor tibi in directione cordis cum didicero iudicia iustitiae tuae

vul@Psalms:C118:8 @ praecepta tua custodiam ne derelinquas me nimis

vul@Psalms:C118:9 @ beth in quo corrigit iuvenis semitam suam cum custodierit verba tua

vul@Psalms:C118:10 @ in toto corde meo exquisivi te ne errare me facias a mandatis tuis

vul@Psalms:C118:11 @ in corde meo abscondi eloquium tuum ut non peccem tibi

vul@Psalms:C118:12 @ benedictus tu Domine doce me praecepta tua

vul@Psalms:C118:13 @ in labiis meis narravi omnes iustitias oris tui

vul@Psalms:C118:14 @ in via testimoniorum tuorum laetatus sum quasi in omnibus divitiis

vul@Psalms:C118:15 @ in praeceptis tuis meditabor et contemplabor semitas tuas

vul@Psalms:C118:16 @ iustitiis tuis delectabor non obliviscar verba tua

vul@Psalms:C118:17 @ gimel tribue servo tuo vivam et custodiam verba tua

vul@Psalms:C118:18 @ revela oculos meos et videbo mirabilia in lege tua

vul@Psalms:C118:19 @ advena ego sum in terra ne abscondas a me mandata tua

vul@Psalms:C118:20 @ desideravit anima mea desiderare iudicia tua in omni tempore

vul@Psalms:C118:21 @ increpasti superbos maledicti qui recedunt a mandatis tuis

vul@Psalms:C118:22 @ aufer a me obprobrium et contemptum quoniam testimonia tua custodivi

vul@Psalms:C118:23 @ etenim sedentes principes adversum me loquebantur servus autem tuus meditabatur praecepta tua

vul@Psalms:C118:24 @ sed et testimonia tua voluntas mea quasi viri amicissimi mei

vul@Psalms:C118:25 @ deleth adhesit pulveri anima mea vivifica me iuxta verbum tuum

vul@Psalms:C118:26 @ vias meas exposui et exaudisti doce me iustitiam tuam

vul@Psalms:C118:27 @ viam praeceptorum tuorum fac me intellegere et loquar in mirabilibus tuis

vul@Psalms:C118:28 @ destillavit anima mea prae stultitia serva me iuxta eloquium tuum

vul@Psalms:C118:29 @ viam mendacii aufer a me et legem tuam dona mihi

vul@Psalms:C118:30 @ viam fidei elegi iudicia tua proponebam

vul@Psalms:C118:31 @ adhesi testimoniis tuis Domine ne confundas me

vul@Psalms:C118:32 @ viam mandatorum tuorum curram quoniam dilatasti cor meum

vul@Psalms:C118:33 @ he ostende mihi Domine viam praeceptorum tuorum et custodiam eam per vestigium

vul@Psalms:C118:34 @ doce me et observabo legem tuam et custodiam eam in toto corde

vul@Psalms:C118:35 @ deduc me in semita mandatorum tuorum quia ipsam volui

vul@Psalms:C118:36 @ inclina cor meum ad testimonia tua et non ad avaritiam

vul@Psalms:C118:37 @ averte oculos meos ne videant vanitatem in via tua vivifica me

vul@Psalms:C118:38 @ suscita servo tuo eloquium tuum in timorem tuum

vul@Psalms:C118:39 @ averte obprobrium meum quod reveritus sum iudicia tua bona

vul@Psalms:C118:40 @ ecce desideravi praecepta tua iustitia tua vivifica me

vul@Psalms:C118:41 @ vav et veniant mihi misericordiae tuae Domine et salus tua iuxta eloquium tuum

vul@Psalms:C118:42 @ et respondebo exprobranti mihi sermonem quia speravi in sermone tuo

vul@Psalms:C118:43 @ et ne auferas de ore meo verbum veritatis usque nimis quoniam iudicia tua expectavi

vul@Psalms:C118:44 @ et custodiam legem tuam iugiter in sempiternum et ultra

vul@Psalms:C118:45 @ et ambulabo in spatioso quia praecepta tua quaesivi

vul@Psalms:C118:46 @ et loquar in testimoniis tuis coram regibus et non confundar

vul@Psalms:C118:47 @ et delectabor in mandatis tuis quae dilexi

vul@Psalms:C118:48 @ et levabo manus meas ad mandata tua quae dilexi et loquar in praeceptis tuis

vul@Psalms:C118:49 @ zai memento sermonis servo tuo quem me sperare fecisti

vul@Psalms:C118:50 @ haec est consolatio mea in adflictione mea quia eloquium tuum vivificavit me

vul@Psalms:C118:51 @ superbi deridebant me nimis a lege tua non declinavi

vul@Psalms:C118:52 @ recordatus sum iudiciorum tuorum a saeculo Domine et consolatus sum

vul@Psalms:C118:53 @ horror obtinuit me ab impiis qui dereliquerunt legem tuam

vul@Psalms:C118:54 @ carmina erant mihi praecepta tua in domo peregrinationis meae

vul@Psalms:C118:55 @ recordatus sum in nocte nominis tui Domine et custodivi legem tuam

vul@Psalms:C118:56 @ hoc factum est mihi quia praecepta tua custodivi

vul@Psalms:C118:57 @ heth pars mea Domine dixi ut custodiam verbum tuum

vul@Psalms:C118:58 @ deprecatus sum vultum tuum in toto corde miserere mei secundum eloquium tuum

vul@Psalms:C118:59 @ recogitavi vias meas et converti pedes meos ad testimonia tua

vul@Psalms:C118:60 @ festinavi et non neglexi custodire mandata tua

vul@Psalms:C118:61 @ funes impiorum inplicaverunt me legem tuam non sum oblitus

vul@Psalms:C118:62 @ medio noctis surgam ad confitendum tibi super iudicia iustificationis tuae

vul@Psalms:C118:63 @ particeps ego sum omnium timentium te et custodientium praecepta tua

vul@Psalms:C118:64 @ misericordia tua conpleta est terra praecepta tua doce me

vul@Psalms:C118:65 @ teth benefecisti servo tuo Domine secundum verbum tuum

vul@Psalms:C118:66 @ bonum sermonem et scientiam doce me quia mandatis tuis credidi

vul@Psalms:C118:67 @ antequam audirem ego ignoravi nunc autem eloquium tuum custodivi

vul@Psalms:C118:68 @ bonus tu et beneficus doce me praecepta tua

vul@Psalms:C118:69 @ adplicabant mihi mendacium superbi ego autem in toto corde servabam praecepta tua

vul@Psalms:C118:70 @ incrassatum est velut adeps cor eorum et ego in lege tua delectabar

vul@Psalms:C118:71 @ bonum mihi quia adflictus sum ut discerem praecepta tua

vul@Psalms:C118:72 @ melior mihi est lex oris tui super milia auri et argenti

vul@Psalms:C118:73 @ ioth manus tuae fecerunt me et firmaverunt me doce me et discam mandata tua

vul@Psalms:C118:74 @ qui timent te videbunt me et laetabuntur quia sermonem tuum expectavi

vul@Psalms:C118:75 @ scio Domine quia iustum iudicium tuum et vere adflixisti me

vul@Psalms:C118:76 @ sit obsecro misericordia tua in consolatione mea sicut locutus es servo tuo

vul@Psalms:C118:77 @ veniant mihi misericordiae tuae et vivam quia lex tua delectatio mea

vul@Psalms:C118:78 @ confundantur superbi quoniam inique contriverunt me ego autem loquar in praeceptis tuis

vul@Psalms:C118:79 @ revertantur ad me qui timent te et qui sciunt testimonium tuum

vul@Psalms:C118:80 @ fiat cor meum perfectum in praeceptis tuis ut non confundar

vul@Psalms:C118:81 @ caph defecit in salutare tuum anima mea verbum tuum expectavi

vul@Psalms:C118:82 @ consumpti sunt oculi mei in verbum tuum dicentes quando consolaberis me

vul@Psalms:C118:83 @ et cum essem quasi uter in pruinam praecepta tua non sum oblitus

vul@Psalms:C118:84 @ quot sunt dies servi tui quando facies in persequentibus me iudicium

vul@Psalms:C118:85 @ foderunt mihi superbi foveas quae non erant iuxta legem tuam

vul@Psalms:C118:86 @ omnia mandata tua vera falso persecuti sunt me auxiliare mihi

vul@Psalms:C118:87 @ paulo minus consumpserunt me in terra ego autem non dimisi praecepta tua

vul@Psalms:C118:88 @ secundum misericordiam tuam vivifica me et custodiam testimonium oris tui

vul@Psalms:C118:89 @ lameth in aeternum Domine verbum tuum perstat in caelo

vul@Psalms:C118:90 @ in generatione et generatione fides tua fundasti terram et stat

vul@Psalms:C118:91 @ iudicio tuo stant usque hodie quia omnia serviunt tibi

vul@Psalms:C118:92 @ nisi quod lex tua delectatio mea forte perissem in pressura mea

vul@Psalms:C118:93 @ in sempiternum non obliviscar praeceptorum tuorum quia per ipsa vivificasti me

vul@Psalms:C118:94 @ tuus ego sum salva me quoniam praecepta tua quaesivi

vul@Psalms:C118:95 @ me expectaverunt impii ut perderent me testimonium tuum considerabo

vul@Psalms:C118:96 @ omni consummationi vidi finem latum mandatum tuum nimis

vul@Psalms:C118:97 @ mem quam dilexi legem tuam tota die haec meditatio mea

vul@Psalms:C118:98 @ super inimicos meos instruis me mandata tua quia in sempiternum hoc est mihi

vul@Psalms:C118:99 @ super omnes qui docebant me eruditus sum quia testimonia tua meditatio mea

vul@Psalms:C118:100 @ super senes intellexi quia praecepta tua servavi

vul@Psalms:C118:101 @ ab omni semita mala prohibui pedes meos ut custodirem verba tua

vul@Psalms:C118:102 @ a iudiciis tuis non recessi quia tu inluminasti me

vul@Psalms:C118:103 @ quam dulce gutturi meo eloquium tuum super mel ori meo

vul@Psalms:C118:104 @ praecepta tua considerabam propterea odivi omnem semitam mendacii

vul@Psalms:C118:105 @ nun lucerna pedi meo verbum tuum et lux semitae meae

vul@Psalms:C118:106 @ iuravi et perseverabo ut custodiam iudicia iustitiae tuae

vul@Psalms:C118:107 @ adflictus sum usque nimis Domine vivifica me iuxta verbum tuum

vul@Psalms:C118:108 @ voluntaria oris mei conplaceant tibi Domine et secundum iudicia tua doce me

vul@Psalms:C118:109 @ anima mea in manu mea semper et legis tuae non sum oblitus

vul@Psalms:C118:110 @ posuerunt impii laqueum mihi et a praeceptis tuis non aberravi

vul@Psalms:C118:111 @ hereditas mea testimonia tua in sempiternum quia gaudium cordis mei sunt

vul@Psalms:C118:112 @ inclinavi cor meum ut facerem iustitias tuas propter aeternam retributionem

vul@Psalms:C118:113 @ samech tumultuosos odivi et legem tuam dilexi

vul@Psalms:C118:114 @ protectio mea et scutum meum tu es verbum tuum expectavi

vul@Psalms:C118:115 @ recedite a me maligni et custodiam mandata Dei mei

vul@Psalms:C118:116 @ confirma me secundum verbum tuum et vivam et noli me confundere ab expectatione mea

vul@Psalms:C118:117 @ auxiliare mihi et salvus ero et delectabor in praeceptis tuis iugiter

vul@Psalms:C118:118 @ abiecisti omnes qui adversantur praecepta tua quia mendax cogitatio eorum

vul@Psalms:C118:119 @ quasi scoriam conputasti omnes impios terrae propterea dilexi testimonia tua

vul@Psalms:C118:120 @ horripilavit a timore tuo caro mea et iudicia tua timui

vul@Psalms:C118:121 @ ain feci iudicium et iustitiam ne derelinquas me his qui calumniantur me

vul@Psalms:C118:122 @ sponde pro servo tuo in bonum ne calumnientur me superbi

vul@Psalms:C118:123 @ oculi mei defecerunt in salutare tuum et in eloquium iustitiae tuae

vul@Psalms:C118:124 @ fac cum servo tuo iuxta misericordiam tuam et praecepta tua doce me

vul@Psalms:C118:125 @ servus tuus ego instrue me et cognoscam testimonia tua

vul@Psalms:C118:126 @ tempus est ut facias Domine praevaricati sunt legem tuam

vul@Psalms:C118:127 @ propterea dilexi mandata tua super aurum et topazium

vul@Psalms:C118:128 @ propterea in universa praecepta direxi omnem semitam mendacii odio habui

vul@Psalms:C118:129 @ fe mirabilia testimonia tua idcirco custodivit ea anima mea

vul@Psalms:C118:130 @ ostium sermonum tuorum lucidum doce parvulos

vul@Psalms:C118:131 @ os meum aperui et respiravi quia mandata tua desiderabam

vul@Psalms:C118:132 @ respice ad me et miserere mei iuxta iudicium diligentium nomen tuum

vul@Psalms:C118:133 @ gressus meos firma in sermone tuo et non des potestatem in me universae iniquitati

vul@Psalms:C118:134 @ redime me a calumnia hominis et custodiam praecepta tua

vul@Psalms:C118:135 @ vultum tuum ostende servo tuo et doce me praecepta tua

vul@Psalms:C118:136 @ rivi aquarum fluebant de oculis meis quia non custodierunt legem tuam

vul@Psalms:C118:137 @ sade iustus es Domine et rectum iudicium tuum

vul@Psalms:C118:138 @ praecepisti iustitiam testimonii tui et veritatem nimis

vul@Psalms:C118:139 @ consumpsit me zelus meus quia obliti sunt verborum tuorum hostes mei

vul@Psalms:C118:140 @ probatus sermo tuus nimis et servus tuus dilexit illum

vul@Psalms:C118:141 @ parvulus ego sum et contemptibilis sed praecepta tua non sum oblitus

vul@Psalms:C118:142 @ iustitia tua iustitia sempiterna et lex tua veritas

vul@Psalms:C118:143 @ tribulatio et angustia invenerunt me mandata tua voluntas mea

vul@Psalms:C118:144 @ iusta testimonia tua semper doce me et vivam

vul@Psalms:C118:145 @ coph clamavi in toto corde exaudi me Domine praecepta tua custodiam

vul@Psalms:C118:146 @ invocavi te salvum me fac et custodiam testimonia tua

vul@Psalms:C118:147 @ surgebam adhuc in tenebris et clamabam verbum tuum expectans

vul@Psalms:C118:148 @ praeveniebant oculi mei vigilias ut meditarer in sermonibus tuis

vul@Psalms:C118:149 @ vocem meam audi iuxta misericordiam tuam Domine secundum iudicium tuum vivifica me

vul@Psalms:C118:150 @ adpropinquaverunt persecutores mei sceleri et a lege tua procul facti sunt

vul@Psalms:C118:151 @ prope es tu Domine et omnia mandata tua veritas

vul@Psalms:C118:152 @ a principio novi de testimoniis tuis quod in aeternum fundaveris ea

vul@Psalms:C118:153 @ res vide adflictionem meam et eripe me quia legis tuae non sum oblitus

vul@Psalms:C118:154 @ iudica causam meam et redime me sermone tuo vivifica me

vul@Psalms:C118:155 @ longe ab impiis salus quia praecepta tua non quaesierunt

vul@Psalms:C118:156 @ misericordiae tuae multae Domine iuxta iudicia tua vivifica me

vul@Psalms:C118:157 @ multi qui persequuntur me et adfligunt me a testimoniis tuis non declinavi

vul@Psalms:C118:158 @ vidi praevaricatores tuos et maerebam qui verbum tuum non custodierunt

vul@Psalms:C118:159 @ vide quoniam praecepta tua dilexi Domine iuxta misericordiam tuam vivifica me

vul@Psalms:C118:160 @ caput verborum tuorum veritas et sempiternum omne iudicium iustitiae tuae

vul@Psalms:C118:161 @ sen principes persecuti sunt me sine causa verba autem tua timuit cor meum

vul@Psalms:C118:162 @ gaudens ego sum in eloquio tuo sicut qui invenit spolia multa

vul@Psalms:C118:163 @ mendacium odio habui et detestatus sum legem autem tuam dilexi

vul@Psalms:C118:164 @ septies in die laudavi te super iudiciis iustitiae tuae

vul@Psalms:C118:165 @ pax multa diligentibus legem tuam et non est illis scandalum

vul@Psalms:C118:166 @ expectavi salutare tuum Domine et mandata tua feci

vul@Psalms:C118:167 @ custodivit anima mea testimonia tua et dilexi ea nimis

vul@Psalms:C118:168 @ custodivi praecepta tua et testimonia tua quia omnes viae meae in conspectu tuo

vul@Psalms:C118:169 @ thau ingrediatur laus mea coram te Domine secundum verbum tuum doce me

vul@Psalms:C118:170 @ veniat deprecatio mea ante vultum tuum secundum eloquium tuum libera me

vul@Psalms:C118:171 @ fundant labia mea hymnum docebis enim me praecepta tua

vul@Psalms:C118:172 @ loquetur lingua mea sermonem tuum quia omnia mandata tua iusta

vul@Psalms:C118:173 @ sit manus tua auxiliatrix mea quia praecepta tua elegi

vul@Psalms:C118:174 @ desideravi salutare tuum Domine et lex tua voluntas mea

vul@Psalms:C118:175 @ vivet anima mea et laudabit te et iudicia tua auxiliabuntur mihi

vul@Psalms:C118:176 @ erravi quasi ovis perdita quaere servum tuum quia mandatorum tuorum non sum oblitus

vul@Psalms:C119:1 @ canticum graduum ad Dominum in tribulatione mea clamavi et exaudivit me

vul@Psalms:C119:2 @ Domine libera animam meam a labio mendacii a lingua dolosa

vul@Psalms:C119:3 @ quid detur tibi aut quid adponatur tibi ad linguam dolosam

vul@Psalms:C119:4 @ sagittae potentis acutae cum carbonibus iuniperorum

vul@Psalms:C119:5 @ heu mihi quia peregrinatio mea prolongata est habitavi cum tabernaculis Cedar

vul@Psalms:C119:6 @ multum peregrinata est anima mea

vul@Psalms:C119:7 @ cum odientibus pacem ego pacifica loquebar et illi bellantia

vul@Psalms:C120:1 @ canticum graduum levavi oculos meos in montes unde veniet auxilium meum

vul@Psalms:C120:2 @ auxilium meum a Domino factore caeli et terrae

vul@Psalms:C120:3 @ non det in commotionem pedem tuum nec dormitet qui custodit te

vul@Psalms:C120:4 @ ecce non dormitabit neque dormiet qui custodiet Israhel

vul@Psalms:C120:5 @ Dominus custodiet te Dominus protectio tua super manum dexteram tuam

vul@Psalms:C120:6 @ per diem sol non percutiet te neque luna per noctem

vul@Psalms:C120:7 @ Dominus custodiet te ab omni malo custodiat animam tuam

vul@Psalms:C120:8 @ Dominus custodiat exitum tuum et introitum tuum amodo et usque in aeternum

vul@Psalms:C121:1 @ canticum graduum David laetatus sum eo quod dixerint mihi in domum Domini ibimus

vul@Psalms:C121:2 @ stantes erant pedes nostri in portis tuis Hierusalem

vul@Psalms:C121:3 @ Hierusalem quae aedificaris ut civitas cuius participatio eius simul

vul@Psalms:C121:4 @ quia ibi ascenderunt tribus tribus Domini testimonium Israhel ad confitendum nomini Domini

vul@Psalms:C121:5 @ quia ibi sederunt sedes in iudicio sedes domui David

vul@Psalms:C121:6 @ rogate pacem Hierusalem sit bene his qui diligunt te

vul@Psalms:C121:7 @ sit pax in muris tuis abundantia in domibus tuis

vul@Psalms:C121:8 @ propter fratres meos et amicos meos loquar pacem tibi

vul@Psalms:C121:9 @ propter domum Domini Dei nostri quaeram bona tibi

vul@Psalms:C122:1 @ canticum graduum ad te levavi oculos meos qui habitas in caelis

vul@Psalms:C122:2 @ ecce sicut oculi servorum ad manum dominorum suorum sicut oculi ancillae ad manum dominae suae sic oculi nostri ad Dominum Deum nostrum donec misereatur nostri

vul@Psalms:C122:3 @ miserere nostri Domine miserere nostri quoniam multum repleti sumus despectione

vul@Psalms:C122:4 @ multum repleta est anima nostra obprobrii abundantium et despectionis superborum

vul@Psalms:C123:1 @ canticum graduum David nisi Dominus fuisset in nobis dicat nunc Israhel

vul@Psalms:C123:2 @ nisi Dominus fuisset in nobis cum exsurgerent super nos homines

vul@Psalms:C123:3 @ forsitan vivos absorbuissent nos cum irasceretur furor eorum super nos

vul@Psalms:C123:4 @ forsitan aquae circumdedissent nos

vul@Psalms:C123:5 @ torrens transisset super animam nostram forsitan transissent super animam nostram aquae superbae

vul@Psalms:C123:6 @ benedictus Dominus qui non dedit nos in praedam dentibus eorum

vul@Psalms:C123:7 @ anima nostra quasi avis erepta est de laqueo venantium laqueus contritus est et nos liberati sumus

vul@Psalms:C123:8 @ auxilium nostrum in nomine Domini qui fecit caelum et terram

vul@Psalms:C124:1 @ canticum graduum qui confidunt in Domino quasi mons Sion inmobilis in aeternum habitabilis

vul@Psalms:C124:2 @ Hierusalem montes in circuitu eius et Dominus in circuitu populi sui amodo et usque in aeternum

vul@Psalms:C124:3 @ quia non requiescet virga impietatis super sortem iustorum ut non mittant iusti in iniquitatem manus suas

vul@Psalms:C124:4 @ benefac Domine bonis et rectis corde

vul@Psalms:C124:5 @ qui autem declinant ad pravitates suas deducet eos Dominus cum his qui operantur iniquitatem pax super Israhel

vul@Psalms:C125:1 @ canticum graduum cum converteret Dominus captivitatem Sion facti sumus quasi somniantes

vul@Psalms:C125:2 @ tunc implebitur risu os nostrum et lingua nostra laude tunc dicent in gentibus magnificavit Dominus facere cum istis

vul@Psalms:C125:3 @ magnificavit Dominus facere nobiscum facti sumus laetantes

vul@Psalms:C125:4 @ converte Domine captivitatem nostram sicut rivum in austro

vul@Psalms:C125:5 @ qui seminant in lacrimis in exultatione metent

vul@Psalms:C125:6 @ qui ambulans ibat et flebat portans ad seminandum sementem veniens veniet in exultatione portans manipulos suos

vul@Psalms:C126:1 @ canticum graduum Salomonis nisi Dominus aedificaverit domum in vanum laboraverunt qui aedificant eam nisi Dominus custodierit civitatem frustra vigilat qui custodit eam

vul@Psalms:C126:2 @ frustra vobis est de mane consurgere postquam sederitis qui manducatis panem idolorum sic dabit diligentibus se somnum

vul@Psalms:C126:3 @ ecce hereditas Domini filii mercis fructus ventris

vul@Psalms:C126:4 @ sicut sagittae in manu potentis ita filii iuventutis

vul@Psalms:C126:5 @ beatus vir qui implevit faretram suam ex ipsis non confundentur cum loquentur inimicis in porta

vul@Psalms:C127:1 @ canticum graduum beatus omnis qui timet Dominum qui ambulat in viis eius

vul@Psalms:C127:2 @ laborem manuum tuarum cum comederis beatus tu et bene tibi erit

vul@Psalms:C127:3 @ uxor tua sicut vitis fructifera in penetrabilibus domus tuae filii tui sicut germina olivarum in circuitu mensae tuae

vul@Psalms:C127:4 @ ecce sic benedicetur viro qui timet Dominum

vul@Psalms:C127:5 @ benedicat tibi Dominus ex Sion et videas bona Hierusalem omnibus diebus vitae tuae

vul@Psalms:C127:6 @ et videas filios filiorum tuorum pacem super Israhel

vul@Psalms:C128:1 @ canticum graduum saepe expugnaverunt me ab adulescentia mea dicat nunc Israhel

vul@Psalms:C128:2 @ saepe expugnaverunt me ab adulescentia mea sed non potuerunt mihi

vul@Psalms:C128:3 @ super cervicem meam arabant arantes prolongaverunt sulcum suum

vul@Psalms:C128:4 @ Dominus iustus concidet laqueos impiorum

vul@Psalms:C128:5 @ confundantur et revertantur retrorsum omnes qui oderunt Sion

vul@Psalms:C128:6 @ fiant sicut faenum tectorum quod statim ut viruerit arescet

vul@Psalms:C128:7 @ de quo non implebit manum suam messor et sinum suum manipulos faciens

vul@Psalms:C128:8 @ de quo non dixerunt transeuntes benedictio Domini super vos benediximus vobis in nomine Domini

vul@Psalms:C129:1 @ canticum graduum de profundis clamavi ad te Domine

vul@Psalms:C129:2 @ Domine exaudi vocem meam fiant aures tuae intendentes ad vocem deprecationis meae

vul@Psalms:C129:3 @ si iniquitates observabis Domine Domine quis sustinebit

vul@Psalms:C129:4 @ quia tecum est propitiatio cum terribilis sis sustinui Dominum sustinuit anima mea et verbum eius expectavi

vul@Psalms:C129:5 @ anima mea ad Dominum

vul@Psalms:C129:6 @ a vigilia matutina usque ad vigiliam matutinam expectet Israhel Dominum

vul@Psalms:C129:7 @ quia apud Dominum misericordia et multa apud eum redemptio

vul@Psalms:C129:8 @ et ipse redimet Israhel ex omnibus iniquitatibus eius

vul@Psalms:C130:1 @ canticum graduum Domine non est exaltatum cor meum neque elati sunt oculi mei et non ambulavi in magnis et in mirabilibus super me

vul@Psalms:C130:2 @ si non proposui et silere feci animam meam sicut ablactatus ad matrem suam ita ablactata ad me anima mea

vul@Psalms:C130:3 @ expecta Israhel Dominum amodo et usque in aeternum

vul@Psalms:C131:1 @ canticum graduum memento Domine David et omnis adflictionis eius

vul@Psalms:C131:2 @ qui iuravit Domino votum vovit Deo Iacob

vul@Psalms:C131:3 @ si intravero in tabernaculum domus meae si adsedero super lectum straminis mei

vul@Psalms:C131:4 @ si dedero somnum oculis meis et palpebris dormitationem

vul@Psalms:C131:5 @ donec inveniam locum Domino tabernacula Deo Iacob

vul@Psalms:C131:6 @ ecce audivimus illum in Ephrata invenimus illum in regione saltus

vul@Psalms:C131:7 @ intremus in tabernacula eius adoremus scabillum pedum eius

vul@Psalms:C131:8 @ surge Domine in requiem tuam tu et arca fortitudinis tuae

vul@Psalms:C131:9 @ sacerdotes tui induantur iustitia et sancti tui laudent

vul@Psalms:C131:10 @ propter David servum tuum ne avertas faciem christi tui

vul@Psalms:C131:11 @ iuravit Dominus David veritatem non avertetur ab ea de fructu ventris tui ponam super sedem tuam

vul@Psalms:C131:12 @ si custodierint filii tui pactum meum et testificationem meam quam docuero eos et filii eorum usque in aeternum sedebunt super thronum tuum

vul@Psalms:C131:13 @ quia elegit Dominus Sion desideravit eam in habitaculum suum

vul@Psalms:C131:14 @ haec est requies mea in sempiternum hic habitabo quia desideravi eam

vul@Psalms:C131:15 @ venationem eius benedicens benedicam pauperes eius saturabo pane

vul@Psalms:C131:16 @ sacerdotes eius induam salutari et sancti eius laude laudabunt

vul@Psalms:C131:17 @ ibi oriri faciam cornu David paravi lucernam christo meo

vul@Psalms:C131:18 @ inimicos eius induam confusione super ipsum autem florebit sanctificatio eius

vul@Psalms:C132:1 @ canticum graduum David ecce quam bonum et quam decorum habitare fratres in uno

vul@Psalms:C132:2 @ sicut unguentum optimum in capite quod descendit in barbam barbam Aaron quod descendit super oram vestimentorum eius

vul@Psalms:C132:3 @ sicut ros Hermon qui descendit super montana Sion quoniam ibi mandavit Dominus benedictionem vitam usque in aeternum

vul@Psalms:C133:1 @ canticum graduum ecce benedicite Domino omnes servi Domini qui statis in domo Domini

vul@Psalms:C133:2 @ in noctibus levate manus vestras ad sanctum et benedicite Domino

vul@Psalms:C133:3 @ benedicat tibi Dominus ex Sion factor caeli et terrae

vul@Psalms:C134:1 @ alleluia laudate nomen Domini laudate servi Dominum

vul@Psalms:C134:2 @ qui statis in domo Domini in atriis domus Dei nostri

vul@Psalms:C134:3 @ laudate Dominum quoniam bonus Dominus cantate nomini eius quoniam decens

vul@Psalms:C134:4 @ quia Iacob elegit sibi Dominus Israhel in peculium suum

vul@Psalms:C134:5 @ quia ego scio quod magnus Dominus et Dominus noster prae omnibus diis

vul@Psalms:C134:6 @ omnia quae voluit Dominus fecit in caelo et in terra in mari et in cunctis abyssis

vul@Psalms:C134:7 @ levans nubes de summitatibus terrae fulgura in pluviam fecit educens ventos de thesauris suis

vul@Psalms:C134:8 @ qui percussit primitiva Aegypti ab homine usque ad pecus

vul@Psalms:C134:9 @ misit signa et portenta in medio tui Aegypte in Pharao et in cunctos servos eius

vul@Psalms:C134:10 @ qui percussit gentes multas et occidit reges fortes

vul@Psalms:C134:11 @ Seon regem Amorreorum et Og regem Basan et omnia regna Chanaan

vul@Psalms:C134:12 @ et dedit terram eorum hereditatem hereditatem Israhel populo suo

vul@Psalms:C134:13 @ Domine nomen tuum in aeternum Domine memoriale tuum in generatione et generatione

vul@Psalms:C134:14 @ quia iudicabit Dominus populum suum et in servos suos erit placabilis

vul@Psalms:C134:15 @ idola gentium argentum et aurum opera manuum hominum

vul@Psalms:C134:16 @ os habent et non loquentur oculos habent et non videbunt

vul@Psalms:C134:17 @ aures habent et non audient sed nec spiritus in ore eorum

vul@Psalms:C134:18 @ similes illis fiant qui faciunt ea omnis qui confidit in eis

vul@Psalms:C134:19 @ domus Israhel benedicite Domino domus Aaron benedicite Domino

vul@Psalms:C134:20 @ domus Levi benedicite Domino timentes Dominum benedicite Domino

vul@Psalms:C134:21 @ benedictus Dominus ex Sion qui habitat in Hierusalem alleluia

vul@Psalms:C135:1 @ confitemini Domino quoniam bonus quoniam in aeternum misericordia eius

vul@Psalms:C135:2 @ confitemini Deo deorum quoniam in aeternum misericordia eius

vul@Psalms:C135:3 @ confitemini Domino dominorum quoniam in aeternum misericordia eius

vul@Psalms:C135:4 @ qui facit mirabilia magna solus quoniam in aeternum misericordia eius

vul@Psalms:C135:5 @ qui fecit caelos in sapientia quoniam in aeternum misericordia eius

vul@Psalms:C135:6 @ qui firmavit terram super aquas quoniam in aeternum misericordia eius

vul@Psalms:C135:7 @ qui fecit luminaria magna quoniam in aeternum misericordia eius

vul@Psalms:C135:8 @ solem in potestatem diei quoniam in aeternum misericordia eius

vul@Psalms:C135:9 @ lunam et stellas in potestatem noctis quoniam in aeternum misericordia eius

vul@Psalms:C135:10 @ qui percussit Aegyptum cum primitivis suis quoniam in aeternum misericordia eius

vul@Psalms:C135:11 @ et eduxit Israhel de medio eorum quoniam in aeternum misericordia eius

vul@Psalms:C135:12 @ in manu valida et in brachio extento quoniam in aeternum misericordia eius

vul@Psalms:C135:13 @ qui divisit mare Rubrum in divisiones quoniam in aeternum misericordia eius

vul@Psalms:C135:14 @ et eduxit Israhel in medio eius quoniam in aeternum misericordia eius

vul@Psalms:C135:15 @ et convolvit Pharao et exercitum eius in mari Rubro quoniam in aeternum misericordia eius

vul@Psalms:C135:16 @ qui duxit populum suum per desertum quoniam in aeternum misericordia eius

vul@Psalms:C135:17 @ qui percussit reges magnos quoniam in aeternum misericordia eius

vul@Psalms:C135:18 @ et occidit reges magnificos quoniam in aeternum misericordia eius

vul@Psalms:C135:19 @ Seon regem Amorreorum quoniam in aeternum misericordia eius

vul@Psalms:C135:20 @ et Og regem Basan quoniam in aeternum misericordia eius

vul@Psalms:C135:21 @ et dedit terram eorum in hereditatem quoniam in aeternum misericordia eius

vul@Psalms:C135:22 @ hereditatem Israhel servo suo quoniam in aeternum misericordia eius

vul@Psalms:C135:23 @ quia in humilitate nostra memor fuit nostri quoniam in aeternum misericordia eius

vul@Psalms:C135:24 @ et redemit nos de hostibus nostris quoniam in aeternum misericordia eius

vul@Psalms:C135:25 @ qui dat panem omni carni quoniam in aeternum misericordia eius

vul@Psalms:C135:26 @ confitemini Deo caeli quoniam in aeternum misericordia eius

vul@Psalms:C136:1 @ super flumina Babylonis ibi sedimus et flevimus cum recordaremur Sion

vul@Psalms:C136:2 @ super salices in medio eius suspendimus citharas nostras

vul@Psalms:C136:3 @ quoniam ibi interrogaverunt nos qui captivos duxerunt nos verba carminis et qui adfligebant nos laeti canite nobis de canticis Sion

vul@Psalms:C136:4 @ quomodo cantabimus canticum Domini in terra aliena

vul@Psalms:C136:5 @ si oblitus fuero tui Hierusalem in oblivione sit dextera mea

vul@Psalms:C136:6 @ adhereat lingua mea gutturi meo si non recordatus fuero tui si non praeposuero Hierusalem in principio laetitiae meae

vul@Psalms:C136:7 @ memento Domine filiorum Edom in diem Hierusalem dicentium evacuate evacuate usque ad fundamentum eius

vul@Psalms:C136:8 @ filia Babylon vastata beatus qui retribuet tibi vicissitudinem tuam quam retribuisti nobis

vul@Psalms:C136:9 @ beatus qui tenebit et adlidet parvulos tuos ad petram

vul@Psalms:C137:1 @ David confitebor tibi in toto corde meo in conspectu deorum cantabo tibi

vul@Psalms:C137:2 @ adorabo in templo sancto tuo et confitebor nomini tuo super misericordia tua et super veritate tua quia magnificasti super omne nomen tuum eloquium tuum

vul@Psalms:C137:3 @ in die invocabo et exaudies me dilatabis animae meae fortitudinem

vul@Psalms:C137:4 @ confiteantur tibi Domine omnes reges terrae quoniam audierunt eloquia oris tui

vul@Psalms:C137:5 @ et cantent in viis Domini quoniam magna gloria Domini

vul@Psalms:C137:6 @ quoniam excelsus Dominus et humilem respicit et excelsa de longe cognoscit

vul@Psalms:C137:7 @ si ambulavero in medio tribulationis vivificabis me super furorem inimicorum meorum mittes manum tuam et salvabit me dextera tua

vul@Psalms:C137:8 @ Dominus operabitur pro me Domine misericordia tua in aeternum opera manuum tuarum ne dimittas

vul@Psalms:C138:1 @ pro victoria David canticum Domine investigasti me et cognovisti

vul@Psalms:C138:2 @ tu cognovisti sessionem meam et surrectionem meam

vul@Psalms:C138:3 @ intellexisti malum meum de longe semitam meam et accubitionem meam eventilasti

vul@Psalms:C138:4 @ et omnes vias meas intellexisti quia non est eloquium in lingua mea

vul@Psalms:C138:5 @ ecce Domine nosti omnia retrorsum et ante formasti me et posuisti super me manum tuam

vul@Psalms:C138:6 @ super me est scientia et excelsior est non potero ad eam

vul@Psalms:C138:7 @ quo ibo ab spiritu tuo et quo a facie tua fugiam

vul@Psalms:C138:8 @ si ascendero in caelum ibi es tu si iacuero in inferno ades

vul@Psalms:C138:9 @ si sumpsero pinnas diluculo habitavero in novissimo maris

vul@Psalms:C138:10 @ etiam ibi manus tua deducet me et tenebit me dextera tua

vul@Psalms:C138:11 @ si dixero forte tenebrae operient me nox quoque lux erit circa me

vul@Psalms:C138:12 @ nec tenebrae habent tenebras apud te et nox quasi dies lucet similes sunt tenebrae et lux

vul@Psalms:C138:13 @ quoniam tu possedisti renes meos orsusque es me in utero matris meae

vul@Psalms:C138:14 @ confitebor tibi quoniam terribiliter magnificasti me mirabilia opera tua et anima mea novit nimis

vul@Psalms:C138:15 @ non sunt operta ossa mea a te quibus factus sum in abscondito imaginatus sum in novissimis terrae

vul@Psalms:C138:16 @ informem adhuc me viderunt oculi tui et in libro tuo omnes scribentur dies formatae sunt et non est una in eis

vul@Psalms:C138:17 @ mihi autem quam honorabiles facti sunt amici tui Deus quam fortes pauperes eorum

vul@Psalms:C138:18 @ dinumerabo eos et harena plures erunt evigilavi et adhuc sum tecum

vul@Psalms:C138:19 @ si occideris Deus impium viri sanguinum declinate a me

vul@Psalms:C138:20 @ qui contradicent tibi scelerate elati sunt frustra adversarii tui

vul@Psalms:C138:21 @ nonne odientes te Domine odivi et contra adversarios tuos distabui

vul@Psalms:C138:22 @ perfecto odio oderam illos inimici facti sunt mihi

vul@Psalms:C138:23 @ scrutare me Deus et cognosce cor meum proba me et scito cogitationes meas

vul@Psalms:C138:24 @ et vide si via idoli in me est et deduc me in via aeterna

vul@Psalms:C139:1 @ pro victoria canticum David

vul@Psalms:C139:2 @ erue me Domine ab homine malo a viris iniquis serva me

vul@Psalms:C139:3 @ qui cogitaverunt malitias in corde tota die versati sunt in proeliis

vul@Psalms:C139:4 @ exacuerunt linguam suam quasi serpens venenum aspidis sub labiis eorum semper

vul@Psalms:C139:5 @ custodi me Domine de manu impii a viro iniquitatum serva me qui cogitaverunt subplantare gressus meos

vul@Psalms:C139:6 @ absconderunt superbi laqueum mihi et funibus extenderunt rete iuxta semitam offendiculum posuerunt mihi semper

vul@Psalms:C139:7 @ dixi Domino Deus meus tu audi Domine vocem deprecationis meae

vul@Psalms:C139:8 @ Domine Deus fortitudo salutis meae protexisti caput meum in die belli

vul@Psalms:C139:9 @ ne des Domine desideria impii scelera eius ne effundantur et eleventur semper

vul@Psalms:C139:10 @ amaritudo convivarum meorum labor labiorum eorum operiat eos

vul@Psalms:C139:11 @ cadent super eos carbones ignis deicies eos in foveas ut non consurgant

vul@Psalms:C139:12 @ vir linguosus non dirigetur in terra virum iniquum mala capient in interitu

vul@Psalms:C139:13 @ scio quod faciet Dominus causam inopis iudicia pauperum

vul@Psalms:C139:14 @ attamen iusti confitebuntur nomini tuo habitabunt recti cum vultu tuo

vul@Psalms:C140:1 @ canticum David Domine clamavi ad te festina mihi exaudi vocem meam clamantis ad te

vul@Psalms:C140:2 @ dirigatur oratio mea sicut incensum in conspectu tuo elevatio manuum mearum sacrificium vespertinum

vul@Psalms:C140:3 @ pone Domine custodem ori meo serva paupertatem labiorum meorum

vul@Psalms:C140:4 @ ne declines cor meum in verbum malum volvere cogitationes impias cum viris operantibus iniquitatem neque comedere in deliciis eorum

vul@Psalms:C140:5 @ corripiat me iustus in misericordia et arguat me oleum amaritudinis non inpinguet caput meum quia adhuc et oratio mea pro malitiis eorum

vul@Psalms:C140:6 @ sublati sunt iuxta petram iudices eorum et audient verba mea quoniam decora sunt

vul@Psalms:C140:7 @ sicut agricola cum scindit terram sic dissipata sunt ossa nostra in ore inferi

vul@Psalms:C140:8 @ quia ad te Domine Deus oculi mei in te speravi ne evacues animam meam

vul@Psalms:C140:9 @ custodi me de manibus laquei quod posuerunt mihi et de offendiculis operantium iniquitatem

vul@Psalms:C140:10 @ incident in rete eius impii simul ego autem transibo

vul@Psalms:C141:1 @ eruditio David cum esset in spelunca oratio

vul@Psalms:C141:2 @ voce mea ad Dominum clamavi voce mea ad Dominum deprecatus sum

vul@Psalms:C141:3 @ effundam in conspectu eius eloquium meum tribulationem meam coram illo adnuntiabo

vul@Psalms:C141:4 @ cum anxius in me fuerit spiritus meus tu enim nosti semitam meam in via hac qua ambulabo absconderunt laqueum mihi

vul@Psalms:C141:5 @ respice ad dexteram et vide quia non sit qui cognoscat me periit fuga a me non est qui quaerat animam meam

vul@Psalms:C141:6 @ clamavi ad te Domine dixi tu spes mea pars mea in terra viventium

vul@Psalms:C141:7 @ ausculta deprecationem meam quoniam infirmatus sum nimis libera me a persecutoribus quoniam confortati sunt super me

vul@Psalms:C141:8 @ educ de carcere animam meam ut confiteatur nomini tuo me expectant iusti cum retribueris mihi

vul@Psalms:C142:1 @ canticum David Domine exaudi orationem meam ausculta deprecationem meam in veritate tua exaudi me in iustitia tua

vul@Psalms:C142:2 @ et non venias ad iudicandum cum servo tuo quia non iustificabitur in conspectu tuo omnis vivens

vul@Psalms:C142:3 @ persecutus est enim inimicus animam meam confregit in terra vitam meam posuit me in tenebris quasi mortuos antiquos

vul@Psalms:C142:4 @ et anxius fuit in me spiritus meus in medio mei sollicitum fuit cor meum

vul@Psalms:C142:5 @ recordabar dierum antiquorum meditabar omnia opera tua facta manuum tuarum loquebar

vul@Psalms:C142:6 @ expandi manus meas ad te anima mea quasi terra sitiens ad te semper

vul@Psalms:C142:7 @ cito exaudi me Domine defecit spiritus meus ne abscondas faciem tuam a me et conparabor descendentibus in lacum

vul@Psalms:C142:8 @ fac me audire mane misericordiam tuam quoniam in te confido notam fac mihi viam in qua ambulo quoniam ad te levavi animam meam

vul@Psalms:C142:9 @ libera me de inimicis meis Domine a te protectus sum

vul@Psalms:C142:10 @ doce me ut faciam voluntatem tuam quia tu Deus meus spiritus tuus bonus deducet me in terra recta

vul@Psalms:C142:11 @ propter nomen tuum Domine vivificabis me in iustitia tua educes de angustia animam meam

vul@Psalms:C142:12 @ et in misericordia tua dissipabis inimicos meos et perdes omnes ligantes animam meam ego enim sum servus tuus

vul@Psalms:C143:1 @ David benedictus Dominus fortis meus qui docet manus meas ad proelium digitos meos ad bellum

vul@Psalms:C143:2 @ misericordia mea et fortitudo mea auxiliator meus et salvator meus scutum meum et in ipso speravi qui subiecit populos mihi

vul@Psalms:C143:3 @ Domine quid est homo quia cognoscis eum filius hominis quia conputas eum

vul@Psalms:C143:4 @ homo vanitati adsimilatus est dies eius quasi umbra pertransiens

vul@Psalms:C143:5 @ Domine inclina caelos tuos et descende tange montes et fumigabunt

vul@Psalms:C143:6 @ mica fulmine et dissipa eos mitte sagittam tuam et interfice illos

vul@Psalms:C143:7 @ extende manum tuam de excelso libera me et erue me de aquis multis de manu filiorum alienorum

vul@Psalms:C143:8 @ quorum os locutum est vanitatem et dextera eorum dextera mendacii

vul@Psalms:C143:9 @ Deus canticum novum cantabo tibi in psalterio decacordo psallam tibi

vul@Psalms:C143:10 @ qui dat salutem regibus qui eruit David servum suum de gladio pessimo

vul@Psalms:C143:11 @ libera me et erue me de manu filiorum alienorum quorum os locutum est vanitatem et dextera eorum dextera mendacii

vul@Psalms:C143:12 @ ut sint filii nostri quasi plantatio crescens in adulescentia sua filiae nostrae quasi anguli ornati ad similitudinem templi

vul@Psalms:C143:13 @ promptuaria nostra plena et supereffundentia ex hoc in illud pecora nostra in milibus et innumerabilia in conpitis nostris

vul@Psalms:C143:14 @ tauri nostri pingues non est interruptio et non est egressus et non est ululatus in plateis nostris

vul@Psalms:C143:15 @ beatus populus cuius talia sunt beatus populus cuius Dominus Deus suus

vul@Psalms:C144:1 @ hymnus David aleph exaltabo te Deus meus rex et benedicam nomini tuo in aeternum et ultra

vul@Psalms:C144:2 @ beth in omni die benedicam tibi et laudabo nomen tuum in sempiternum iugiter

vul@Psalms:C144:3 @ gimel magnus Deus et laudabilis nimis et magnificentiae eius non est inventio

vul@Psalms:C144:4 @ deleth generatio ad generationem laudabit opera tua et fortitudines tuas adnuntiabunt

vul@Psalms:C144:5 @ he decorem gloriae magnitudinis tuae et verba mirabilium tuorum loquar

vul@Psalms:C144:6 @ vav et fortitudinem horribilium tuorum loquentur et magnitudines tuas narrabo

vul@Psalms:C144:7 @ zai memoriam multae bonitatis tuae loquentur et iustitias tuas laudabunt

vul@Psalms:C144:8 @ heth clemens et misericors Dominus patiens et multae miserationis

vul@Psalms:C144:9 @ teth bonus Dominus omnibus et misericordiae eius in universa opera eius

vul@Psalms:C144:10 @ ioth confiteantur tibi Domine omnia opera tua et sancti tui benedicant tibi

vul@Psalms:C144:11 @ caph gloriam regni tui dicent et fortitudines tuas loquentur

vul@Psalms:C144:12 @ lameth ut ostendant filiis hominum fortitudines eius et gloriam decoris regni eius

vul@Psalms:C144:13 @ mem regnum tuum regnum omnium saeculorum et potestas tua in omni generatione et generatione

vul@Psalms:C144:14 @ samech sustentat Dominus omnes corruentes et erigit universos iacentes

vul@Psalms:C144:15 @ ain oculi eorum in te sperant et tu das eis escam suam in tempore suo

vul@Psalms:C144:16 @ fe aperis manus tuas et imples omne animal refectione

vul@Psalms:C144:17 @ sade iustus Dominus in omnibus viis suis et sanctus in omnibus operibus suis

vul@Psalms:C144:18 @ coph iuxta est Dominus omnibus qui invocant eum omnibus qui invocant eum in veritate

vul@Psalms:C144:19 @ res placitum timentium se faciet et clamorem eorum audiet et salvabit eos

vul@Psalms:C144:20 @ sen custodit Dominus omnes diligentes se et universos impios conteret

vul@Psalms:C144:21 @ thau laudem Domini loquetur os meum et benedicet omnis caro nomini sancto eius in aeternum et iugiter

vul@Psalms:C145:1 @ alleluia

vul@Psalms:C145:2 @ lauda anima mea Dominum laudabo Dominum in vita mea cantabo Deo meo quamdiu sum nolite confidere in principibus

vul@Psalms:C145:3 @ in filio hominis cui non est salus

vul@Psalms:C145:4 @ egredietur spiritus eius et revertetur in humum suam in die illa peribunt cogitationes eius

vul@Psalms:C145:5 @ beatus cuius Deus Iacob auxiliator eius spes eius in Domino Deo suo

vul@Psalms:C145:6 @ qui fecit caelos et terram mare et omnia quae in eis sunt

vul@Psalms:C145:7 @ et custodit veritatem in sempiternum qui facit iudicium calumniam sustinentibus et dat panem esurientibus Dominus solvit vinctos

vul@Psalms:C145:8 @ Dominus inluminat caecos Dominus erigit adlisos Dominus diligit iustos

vul@Psalms:C145:9 @ Dominus custodit advenas pupillum et viduam suscipiet et viam impiorum conteret

vul@Psalms:C145:10 @ regnabit Dominus in aeternum Deus tuus Sion in generationem et generationem

vul@Psalms:C146:1 @ alleluia laudate Dominum quoniam bonum est canticum Dei nostri quoniam decorum est pulchra laudatio

vul@Psalms:C146:2 @ aedificabit Hierusalem Dominus eiectos Israhel congregabit

vul@Psalms:C146:3 @ qui sanat contritos corde et alligat plagas eorum

vul@Psalms:C146:4 @ qui numerat multitudinem stellarum et omnes nomine suo vocat

vul@Psalms:C146:5 @ magnus Dominus noster et multus fortitudine prudentiae eius non est numerus

vul@Psalms:C146:6 @ suscipiens mansuetos Dominus humilians impios usque ad terram

vul@Psalms:C146:7 @ canite Domino in confessione canite Deo nostro in cithara

vul@Psalms:C146:8 @ qui operit caelos nubibus et praebet terrae pluviam et oriri facit in montibus germen

vul@Psalms:C146:9 @ qui dat iumentis panem suum filiis corvi clamantibus

vul@Psalms:C146:10 @ non est in fortitudine equi voluntas eius neque in tibiis viri placetur ei

vul@Psalms:C146:11 @ placetur Domino in his qui timent eum et expectant misericordiam eius

vul@Psalms:C147:1 @ lauda Hierusalem Dominum cane Deum tuum Sion

vul@Psalms:C147:2 @ quia confortavit vectes portarum tuarum benedixit filiis tuis in medio tui

vul@Psalms:C147:3 @ qui posuit terminum tuum pacem adipe frumenti saturavit te

vul@Psalms:C147:4 @ qui emittit eloquium suum terrae velociter curret verbum eius

vul@Psalms:C147:5 @ qui dat nivem quasi lanam pruinas quasi cinerem spargit

vul@Psalms:C147:6 @ proicit glaciem suam quasi buccellas ante faciem frigoris eius quis stabit

vul@Psalms:C147:7 @ mittet verbum suum et solvet illa spirabit spiritu suo et fluent aquae

vul@Psalms:C147:8 @ qui adnuntiat verbum suum Iacob praecepta sua et iudicia sua Israhel

vul@Psalms:C147:9 @ non fecit similiter omni genti et iudicia eius non cognoscent alleluia

vul@Psalms:C148:1 @ alleluia laudate Dominum de caelis laudate eum in excelsis

vul@Psalms:C148:2 @ laudate eum omnes angeli eius laudate eum omnes exercitus eius

vul@Psalms:C148:3 @ laudate eum sol et luna laudate eum omnes stellae luminis

vul@Psalms:C148:4 @ laudate eum caeli caelorum et aquae quae super caelos sunt

vul@Psalms:C148:5 @ laudent nomen Domini quoniam ipse mandavit et creata sunt

vul@Psalms:C148:6 @ et statuit ea in saeculum et in saeculum praeceptum dedit et non praeteribit

vul@Psalms:C148:7 @ laudate Dominum de terra dracones et omnes abyssi

vul@Psalms:C148:8 @ ignis et grando nix et glacies ventus turbo quae facitis sermonem eius

vul@Psalms:C148:9 @ montes et omnes colles lignum fructiferum et universae cedri

vul@Psalms:C148:10 @ bestiae et omnia iumenta reptilia et aves volantes

vul@Psalms:C148:11 @ reges terrae et omnes populi principes et universi iudices terrae

vul@Psalms:C148:12 @ iuvenes et virgines senes cum pueris laudent nomen Domini

vul@Psalms:C148:13 @ quoniam sublime nomen eius solius

vul@Psalms:C148:14 @ gloria eius in caelo et in terra et exaltavit cornu populi sui laus omnibus sanctis eius filiis Israhel populo adpropinquanti sibi alleluia

vul@Psalms:C149:1 @ alleluia cantate Domino canticum novum laus eius in congregatione sanctorum

vul@Psalms:C149:2 @ laetetur Israhel in factore suo filii Sion exultent in rege suo

vul@Psalms:C149:3 @ laudent nomen eius in choro in tympano et cithara cantent ei

vul@Psalms:C149:4 @ quia conplacet sibi Dominus in populo suo exaltabit mansuetos in Iesu

vul@Psalms:C149:5 @ exultabunt sancti in gloria laudabunt in cubilibus suis

vul@Psalms:C149:6 @ exaltationes Dei in gutture eorum et gladii ancipites in manibus eorum

vul@Psalms:C149:7 @ ad faciendam vindictam in gentibus increpationes in populis

vul@Psalms:C149:8 @ ut alligent reges eorum catenis et inclitos eorum conpedibus ferreis

vul@Psalms:C149:9 @ ut faciant in eis iudicium scriptum decor est omnium sanctorum eius alleluia

vul@Psalms:C150:1 @ alleluia laudate Deum in sancto eius laudate eum in fortitudine potentiae eius

vul@Psalms:C150:2 @ laudate eum in fortitudinibus eius laudate eum iuxta multitudinem magnificentiae suae

vul@Psalms:C150:3 @ laudate eum in clangore bucinae laudate eum in psalterio et cithara

vul@Psalms:C150:4 @ laudate eum in tympano et choro laudate eum in cordis et organo

vul@Psalms:C150:5 @ laudate eum in cymbalis sonantibus laudate eum in cymbalis tinnientibus

Seeker Overlay: Off On

[BookofPsalms] [Psalms:89] [Psalms:90-106 ] [Psalms:91] [Discuss] Tag Psalms:90-106 [Audio][Presentation]
Bible:
Bible:
Book:

[pBiblx2]
Sun Jun 30 00:34:14 2024
pBiblx2 Field Wise Bible System Version 2.1.9 - GPL3 2009-2020