Revelation:11:1-14
vul@Revelation:11:1 @ et datus est mihi calamus similis virgae dicens surge et metire templum Dei et altare et adorantes in eo
vul@Revelation:11:2 @ atrium autem quod est foris templum eice foras et ne metieris eum quoniam datum est gentibus et civitatem sanctam calcabunt mensibus quadraginta duobus
vul@Revelation:11:3 @ et dabo duobus testibus meis et prophetabunt diebus mille ducentis sexaginta amicti saccos
vul@Revelation:11:4 @ hii sunt duo olivae et duo candelabra in conspectu Domini terrae stantes
vul@Revelation:11:5 @ et si quis eos voluerit nocere ignis exiet de ore illorum et devorabit inimicos eorum et si quis voluerit eos laedere sic oportet eum occidi
vul@Revelation:11:6 @ hii habent potestatem cludendi caelum ne pluat diebus prophetiae ipsorum et potestatem habent super aquas convertendi eas in sanguinem et percutere terram omni plaga quotienscumque voluerint
vul@Revelation:11:7 @ et cum finierint testimonium suum bestia quae ascendit de abysso faciet adversus illos bellum et vincet eos et occidet illos
vul@Revelation:11:8 @ et corpora eorum in plateis civitatis magnae quae vocatur spiritaliter Sodoma et Aegyptus ubi et Dominus eorum crucifixus est
vul@Revelation:11:9 @ et videbunt de populis et tribubus et linguis et gentibus corpora eorum per tres dies et dimidium et corpora eorum non sinunt poni in monumentis
vul@Revelation:11:10 @ et inhabitantes terram gaudebunt super illis et iucundabuntur et munera mittent invicem quoniam hii duo prophetae cruciaverunt eos qui inhabitant super terram
vul@Revelation:11:11 @ et post dies tres et dimidium spiritus vitae a Deo intravit in eos et steterunt super pedes suos et timor magnus cecidit super eos qui viderunt eos
vul@Revelation:11:12 @ et audierunt vocem magnam de caelo dicentem illis ascendite huc et ascenderunt in caelum in nube et viderunt illos inimici eorum
vul@Revelation:11:13 @ et in illa hora factus est terraemotus magnus et decima pars civitatis cecidit et occisi sunt in terraemotu nomina hominum septem milia et reliqui in timore sunt missi et dederunt gloriam Deo caeli
vul@Revelation:11:14 @ vae secundum abiit ecce vae tertium veniet cito